Сегіз ?ырлы,бір сылы

Тақырыбы: Жігіт сұлтаны-2014

Мақсаты: Болашаққа сеніммен қадам басқан халқымыздың салт-дәстүрін, әдеп-ғұрпын оқушылардың бойына сіңіру, батыл, намысты ұлдарды тәрбиелеу

Мұғалім: Бүгін сыныпта дүбірлі той

Ден қойып тыңдаңыздар көңілді қой,

Жырдан шашу шашылсын ,күй күмбірлеп,

Қош келіпсіздер, халайық сергісін бой, демекші,

Құрметті оқушылар, ұстаздар, қонақтар! Сіздерді 2-сынып оқушыларының арасында өткізгелі отырған « Жігіт сұлтаны» атты сайысымызды тамашалауға шақырамыз!

Жүргізуші: Уа, халайық!

Мұнда назар салайық.

Ата жолын жалғамақ,

Ел дәстүрін қорғамақ,

Жігіттер шықсын ортаға

Бүгін сұлтан атанбақ

Олай болса бүгінгі сайыскерлерімізді даралап, саралап ортаға шақырайық!

1. Қуантады білімімен бізді Әліби.

Қол соғып қарсы алайық оны біз

Білімің серік болсын талабыңа

Бүгін қабыл болсын тілегіміз.

2. Өнер қуған жасынан

Өнері судай тасыған,

Келесі біздің Олжасымыз

Көрінген көштің басынан.

3. Сыйлаған ата - анасын

Үлкеннің алған батасын

Қарсы алайық сынып басшысын

Мұхаммәдәли Саянұлын

4. Сүрінбей сыннан өтемін

Мақсатыма қайтсемде жетемін,-деп

Келе жатқан Еркінұлы Орынбасар

5. Жігіт бар дара туған,

Келбет оның батыр тұлға

Жүрісі батырдың жүрісіндей,

Сом білек, Қажымұқан інісіндей,

Ол ғой, біздің Бауыржан.Адылханұлы.

6. Ақынның тұяғымын сартылдаған,

Асылдың сынығымен жалтылдаған, -деп

Келе жатқан Қадыржан.

7. Арман бар биік шыңға шықсам деген,

Қыран боп көк әлемге ұщсам деген .

Ол біздің Манасұлы Аслан.

8. Бүгінгі сайыста жеңіп шығып,

Кең сермеп қанатымды ұшсам деген.

Ол біздің Айбекұлы Санжар.

9. Сыныбымда ең кішімін,

Соған орай қиқармын

Бүгінгі сайыста, мен де

Алға шығармын, - деп

Келе жатқан Мұратұлы Ильяс

10. Мінезім бар салмақты,

Жарыстарда мен мықты, - деп өзіне сенімді

Нұржанұлы Мейіржанды қарсы алайық

Енді сайыскерлеріміздің рет номерлерін белгілеп және де сайыскерлерімізге әділ баға беретін әділ қазылар алқасын сайлап алайық:

1. Мектебіміздің директоры: Зейнеденова . Маржангүл Жумабековна

2. Оқу ісінің меңгерушісі: Наршабаева. Шолпан. Сакиевна

3.Бастауыш сынып мұғалімі: Шамшаева. Жазира Қазбекбекқызы

4.Бастауыш сынып мұғалімі: Шабаданова. Әлия

Сайысымыздың кезеңдерімен таныстыру. Сайысымыз 6-кезеңнен тұрады:

1-кезең. Таныстыру

2-кезең. «Ата мұраң- асыл қазынаң» сұрақ- жауап

3-кезең. Өз өнерлері

4-кезең. « Білгенге маржан» мақал- мәтелді жалғастыру

5-кезең. Үй тапсырмасы. Қол өнері

6-кезең. «Ердің асылы күшінен білінеді» қол күрес, гир көтеру.

Жігіттеріміз дайын болса , сайысымызды бастайық!

1- кезең. «Жеті атасын білген ер, Жеті жұрттың қамын жер.»

Жігіттер келіп жетті танысуға

Бойындағы бар дарынды дамытуға

Жігерленіп келіп жетті

Әдеппен, ізетпен, танысуға ( әр сайыскер өздерін таныстырады)

2-кезең. « Ата мұраң- асыл қазынаң» ( сұрақ – жауап)

Нөмірленген ұяшықтың біреуін таңдап алып сұраққа жауап беру.

3-кезең. «Қыран - бүркіт көтерер ердің нарқын, Қыран жігіт асырар елдің даңқын», - демекші бұл бөлімде жігіттеріміз өз өнерлерін көрсетеді.

4 -кезең. « Білгенге маржан» мақал- мәтелді жалғастыру

5-кезең. Үй тапсырмасы. Қол өнері

Әр қатысушы өздері жасап кеген заттарын қорғайды.

6- кезең. «Ердің асылы күшінен білінеді» (күш сынасу, гир көтеру)

Ат өнері білінбес

Бәйгеге түсіп жарыспай,

Ер өнері білінбес

Қоян – қолтық алыспай . демекші жігіттеріміз күш сынасады

Қортындылау: Әділ қазыларға сөз беру, марапаттау. Ұлдар мерекесінмен құттықтау.

Концерттік бағдарлама:

1) ән «Туған жер» Құрмақ Мөлдір

2) би « Өзбек биі» қыздар тобы

3) ән «Өз елім» жігіттер тобы