«Сар?айса да тарихты? а? пара?ы, ол к?ндер м??гі есте са?талады»

«Сарғайса да тарихтың ақ парағы,

ол күндер мәңгі есте сақталады»

Мақсаты: Оқушыларды аға - апаларының ерлік істерінен, өмір жолдарынан мәлімет бере отырып, тәуелсіз еліміздің келешегі жас ұрпақты батырлыққа, елін-жерін қорғауға тәрбиелеу.Саналы азамат қалыптастыра отырып патриоттық сезімдерін ояту.

Көрнекіліктер: альбомдар, мақал-мәтелдер, нақыл сөздер.

1) «Отан үшін отқа түс күймейсің, арың үшін алыссаң-өлмейсің», «Батырға оқ дарымайды, батырға жау жоламайды», «Болат қайнауда шынығады, батыр майданда шынығады», «Батыр туса – ел ырысы, жаңбыр жауса – жер ырысы», «Батыр – елдің сәулеті, балқұрақ – жердің сәулеті».

Барысы: (Слайд көрсетіліп тұрады.)

Мұғалім: Балалар Ұлы Отан соғысы, Ұлы Жеңіс деген сөздер естіп жүреміз. Бүгін осы сөздердің мағыналарына тереңірек үңілеміз.
1941 жылы 22 маусым күні таң шапағы жаңа ғана арайланып келе жатқан кезде, елімізге қауіп төнді. Халқымыз адам айтқысыз қиын кезеңге душар болды. Фашистік Германия елімізге опасыздықпен басып кірді. Соғыс осылай басталды. Фашистер күзге дейін-ақ Кеңес Одағын талқандаймыз деп даурықты. Фашистерге қарсы бүкіл Кеңес елі көтерілді. Соғыстың алғашқы күндерінен-ақ Кеңес халқы жан тәнімен Отанын қорғады. Әрбір село, әрбір қала неміс басқыншыларымен аянбай шайқасты.

1 - оқушы: Бұлт түнеріп аспаннан,
Талай көзден жас тамған.
Тұтқиылдан жау тиіп,
Қырғын соғыс басталды.
2 - оқушы: Отаным, еркелеймін енді кімге,
Өзіңмен нені болса, көрем бірге.
Қалайша қабырғама батпас менің,
Басыңа қатер күні төнген күнде.
Соғыс басталысымен барлық ер - азаматтар Отанын қорғауға аттанып кетіп жатты. Арттарында жылаған балалары мен жарлары, ата - аналары қалып жатты.

Біздің Қазақстанда да сғыс оты шарпымаған шаңырақ кем де кем. Жүз мыңдаған ата-әкелеріміз соғыстың алғашқы сәтінде-ақ майданға аттанды. Жауға атылған он оқтың тоғызы Қазақстанда жасалды. Осы қан майданда мерт болған ерлердің рухына, басымызды иіп тағзым етейік. Олардың ерлік істерін ешкім де, ешқашан да ұмытпауы тиіс. Қазақстаннан әр ұлт өкілдері Ұлы Отан соғысына қатысты.

Қазақ жерінен 1200000 адам соғысқа аттанды.

Ал енді балалар және қонақтар осы соғыста қаза тапқан ата-апларымыздың рухтарына гүл қойып 1 минут еске алайық.

(Бір минут үнсіздік)

Балалар біз күн сайын теледидардан әр түрлі ақпарат алып жатырмыз. Міне, осынау елімізге лаң салған соғыстың жеңіспен аяқталғанына биыл қанша жыл толып отыр?

-Осы соғысқа қатысқан Қазақстан батырларын атаңдар?

Оқушылар: Бауыржан Момышұлы, Төлеген Тоқтаров, Мәлік Ғабдуллин, Нүркен Әбдіов, Сұлтан Баймағамбетов, Қасым Қайсенов, Әлия Молдағұлова, Мәншүк Мәметова т. б.

Балалар көрдіңдер ғой мына жеңіс, бибітшілік бізге оңайлықпен келмегенін. Енді Отанымыздың тыныштығын сендер қорғауды жалғастырушысысыңдар. Ол үшін сендер Отан үшін жан аямай күресуге даяр болуларың керек. Даярсыңдар ма? Отандарыңды жақысы көресіңдер ме? Олай болса қане өздеріңнің Отандарыңды қалай қорғайтындарыңды көрсетіңдер. Мен сендерге Ұлы Отан соғысына қатысқан, батыр атағына ие болған қазақстандықтар туралы мәліметтер жинауды тапсырғанмын. Олай болса осы бойынша сұрақтар қойылады.

Ендеше бұл сынып сағаты сайыс түрінде өтпек. Ол үшін біз ең алдымен топқа бөлінеміз. (Бір бетінде суреттері бар жұлдызшаларды алу арқылы топтарға бөлінеміз.)

І топ «Мәншүк Мәметова» атындағы рота

ІІ топ «Әлия Молдағұлова» атындағы рота

ІІІ топ «Рақымжан Қошқарбаев» атындағы рота

(Әр топқа 2 минут уақыт беріледі өздерінің топтарының атауларын қорғау)

Ал енді топ бір біріне жүректен шыққан жылы сөз тілеу.

1. Еліміз гүлдене берсін.

2. Әрқашан бейбітшілік болсын.

3. Қазақстанымыз әрқашан көрінсін.

Сайысымыз бес бөлімнен тұрады.

1. Суреттер сөйлейді. (Бұл жерде, төрт бөлікке бөлінген суреттің әрбәр бөлігінде сұрақтар жасырынған. Сұраққа жауап беріп суретте кім екенін табу.)

2. Жанды сұрақ. (Алдынала дайындалған мұғалімдер сұрақтары)

3. Әр топқа жеке тапсырма беріледі.

І топ «Мен соғысты жек көрем» тақырыбына эссе жазады,

ІІ топ Сурет салады.

ІІІ топ Жеңіске арнап өлең жазу.

1. Кім жылдам? (Бұл жерде оқушылар өздеріне шапшаңдықтарын көрсетеді.)

Мұғалім: Мінекей құрметті қонақтар біздің болашақ ұландарымыз да, өз ерліктерін осылай көрсетті және әлі де, көрсетпек.

«Жойылсын жалғыз сөз соғыс деген» хор

«Катюша» хор

«Ел намысы» хор

Мұғалім: Балалар, бүгін соғыс туралы,батырларымыз туралы білетіндеріңді көрсеттіңдер, ендеше әр топтағы медальдарын санай отырып жеңімпаздар тобын марапаттау.

Ешқашан соғыс болмасын,

Аспанымызды соғыс бұлты торламасын.

Аналар жесір, балалар жетім қалмасын,

Бар елімде бейбітшілік орнасын!

Барша халық жеңіс күнін тойлайды,

Жас сәбилер думандатып ойнайды.

Ата-әжелер көздеріне жас алып,

Ұрпақтардың амандығын ойлайды.

«День победы» хор

1. Ұлы Отан соғысы қай жылы, қай айда басталған? ( 1941 жылы 22-маусым)

2. Ұлы Отан соғысы қай жылы, қай айда аяқталды? (1945 жылы 9-мамыр)

3. Мәншүк Мәметова қай жылы дүниеге келген? ( 1922 жылы)

4. Мәншүк Мәметова қанша жасында соғысқа қатысты?( 19 жасында)

5. Мәншүк кішкене кезінде кім болуды армандаған? ( дәрігер)

6. Мәншүк соғыста кім болды? ( пулеметші)

7. Мәншүк Мәметова Ресейдің қай қаласын қорғады? ( Невель)

8. Мәншүк Мәметова қай жылы қаза тапты? ( 1943 жылы 15-қазанда)

9. Әлия Молдағұлова қай жылы, қай жерде дүниеге келді? ( 1924 жылы Қобда ау. Көкбұлақ деген жер)

10. Әлия Молдағұлова қанша жасында соғысқа қатысты? ( 17 жасында)

11. Әлия Молдағұлова соғыста кім болды? (мерген)

12. Әлия Молдағұлова қай жылы қаза тапты? ( 1943жылы)

13. Әлия Молдағұлова Ресейдің қай жерін қорғады?(Казачиха)

14.Рақымжан Қошқарбаев қай жылы дүниеге келді? ( 1924 жылы)

15. Рақымжан Қошқарбаев қай жылы соғысқа қабылданды? ( 1942 жылы)

16. Рақымжан Қошқарбаев қай жылы «Алматы» қонақ үйінің директоры болды?(1967 жылы)