«Күз ханзадасы мен ханшайымы» Сыныптас тыс шара

Тақырыбы: «Күз ханзадасы мен ханшайымы»

 Мақсаты: Күз туралы балалардың дүниетанымдарын арттыру, күз мезгілінің қоршаған ортаға әсерін таныту, күз ерекшеліктерін, күз сыйын ұғындыра отырып, балаларға меркелік көңіл-күй сыйлау. Әр баланың сахна мәдениетін қалыптастыру. Өз елін сүйер нағыз қазақ қызымен жігіттік қасиеттерін бойына сіңіре білуге тәрбиелеу.

Көрнекілігі: тақырып жазылған плакат, гүл, шар.

Барысы:

Терістіктен желдетіп,

Жаңбырлатып, селдетіп,

Шаттандырып біздерді,

Шат шадыман күз келді.

Шатыр тікті сары алтын,

Шартараптың бәрі алтын.

Алып келді мереке,

Астық, жеміс береке.

Батырлыққа жараса,

Көбейді той тамаша

Ән салды өзен, тал - құрақ,

Шашу болды жапырақ.

Армысыздар құрметті ұстаздар, ата-аналар, оқушылар бүгінгі  «Күз ханзадасы мен ханшаймы» атты сайысымызға қош келдіңіздер.

Армысыз асыл халқым ақ жүректі,

Баласына арналған ақ тілекті

Сыңға түсер достары арасында

Жансың лайым бәрінің жұлдыздары,-

дей келе ханзада мен ханшайымдарымызды ортаға шақырайық.

Кімдер жүйрік өнерпазды білейікші

«Ханзада мен ханшайым» деп жүрейікші

Әділқазы алқасынан әділдікті

 Ал балаларға сәттілік тілейікші-

дей келе сайысымызға әділ бағасын беріп, төрелік жасайтын әділқазы алқасымен таныс болайық.

Қайсы әнші, кім биші

Талабына қарайық

Кімдер зерек, кім жылдам

Таланттарын табайық!-

деп өнер сүйер қауымды бүгінгі сайыстың барысымен таныстырып өтейін.

1. Бөлім:  «Тегімді менің сұрасаң.»  (өзін таныстыру)
2. Бөлім:  «Өнерлі бала-елдің көркі»  ( өнер сайысы)
3. Бөлім:  «Сұлулық сыры»  (сән үлгісі)
4. Бөлім:  « Бар ізгілік тек білімнен алынар» (сұрақ-жауап)
5. Бөлім:  «Дәмді ас» (дайындап келген ас мәзірімен таныстыру)

1. Ақыл- көрік бойларында жетеді,

Әлі талай сынақтардан өтеді

Мына отырған баршаңызды өзімен

Тез арада таныстырып өтеді

Сайысымыздың бірінші бөлімі «Тегімді менің сұрасаң.»  деп аталады. Сайысқа қатысушылар  өздерін таныстырады.

1. Ал кімнің өнері бар қаншалықты,

Би-билеп, ал біреуі ән салыпты

Бүгінгі сайыста бәйге алуға

Сайыскерлер аянбай жан салыпты,

деп өнер сайысына кезек береміз.

2 «А» Мұрат Нұрдаулет, Габбасова Аружан (Жастар биі)

2 «Б» Бауыржан Нұрбек халық әні «Еркем-ай», Таубай Махаббат Қазақ биі

3 «А» Оразбек Сырымбек, Исламғали Дильяра (вальс)

3»Б» Ерболат Нұрасыл, Айтқали Альбина (вальс)

4 «А» Иосиф Диас, Амангелді Хиуаз (Испан биі)

4 «Б» Қуанұлы Бекзат, Нұрболатқызы Мархабат (вальс)

                                          3. Сынбатына сән киім жарасатын

Аспандағы айменен таласатын

Өнеріне сай келіп дайын тұрған

                                Ханзадалар мен ханшайымдарға қызығып қарасатын

келесі кезекте сән үлгсін ұсынбақпыз.

1. Білім жолы сара жол

Білімді адам бастар қол

Сұрақтарды тыңдап ал

Жауап беруге дайын бол!

Сұрақ-жауап бөліміне кезек береміз.

1. Ырыс алды (ынтымақ)
2. Өнер алды   (қызыл тіл)
3. Қазақтың ұлы ақыны (А.Құнанбаев)
4. Ақыл- дос,  ашу  (дұшпан)
5. Еңбек қылсаң ерінбей (тояды қарның тіленбей)
6. Әнұранның авторлары (сөзін  жазғандар Н.Ә. Назарбаев,

Ж. Нәжімеденов. Әнін жазған Ш.Қалдаяқов)

1. Бірлік болмай, (тірлік болмас)
2. Оқу инемен (құдық қазғандай)
3. Қына тасқа бітеді (білім басқа бітеді)
4.  Жақсының аты өлмейді   (Ғалымның хаты өлмейді)
5.  Оқу білім бұлағы (білім өмір шырағы)
6.  Отан үшін отқа түс (күймейсің)
7.  Болат қайнауда шынығады (батыр майданда шынығады)
8. Жаңбырменен жер көгерер (батырменен ер көгерер)
9.  Ерді намыс өлтіреді (қоянды қамыс өлтіреді)
10.  Отан отбасынан (басталады)
11.  Ерлік білекте емес (жүректе)
12.  Досы көпті жау алмайды (ақылы көпті дау алмайды)

1. Ас мәзірі. Оқушылар үйден дайындап келген ас мәзірімен таныстырады

Келешкете әлі талай сайыстар бар

Өнерлерің шыңдалсын қалыспаңдар

Өнерлілер көбейсін күннен күнгеө

Қатысу да бір жеңіс, болсаң егер ұғатын.

«Күз ханзадасы мен ханшайымы» байқауының ханзадасы мен ханшасын жариялау үшін әділқазы алқаларына сөз кезегін береміз.