?ош келді?,Наурыз

Қош келдің,Наурыз.

1-жүргізуші: Қымбатты қонақтар,баршаларыңызды жақсылықтың лебізіндей жыл құсымен бірге келер Наурыз мейрамымен құттықтаймыз!

2-жүргізуші:Ұлыс оң болсын,ақ мол болсын,

Ұлыс береке берсін,пәле-жала жерге енсін.

Ұлыс бақты болсын,төрт түлік ақты болсын

Ұлы күні ұлыстың басы болғай ырыстың!

1. жүргізуші:Тәуелсіз биік халқымның

Желбіреп туы шалқысын.

Әз наурыз келіп еліме

Жер-Ана бойы балқысын.

Жаңғырар дәстүр-салтымның,

Көзелсін бұлақ жылғасы

Қастерлі менің халқымның,

Мереке наурыз – жыл басы.

1. жүргізуші:Наурыз-өте ертеден келе жатқан мейрам.Күні бүгінге дейін жер шарындағы көптеген халықтардың дәстүрлі мейрамына айналып отыр.Наурыз-күн мен түннің теңелген күні.

Әдеби монтаж.

«Қош келдің, төрлет-Наурызым!» әнін қабыл алыңыздар.

1. жүргізуші:Халайық,шашу,шашу!Әжелер келеді,әжелер!

Көп шашайық шашуды,жауғандай кеп аспаннан нөсер жаңбыр.Уа,жамағат,жинап ал несібеңді.Ризығың болсын көл-көсір.

1. жүргізуші:Қазағымыздың ұлттық тағамдары дайындалып әкелінген екен,ақ дастарханға әкеліп қояйық.

1. жүргізуші:Біздің арамызға алыстан ат терлетіп,аса қадірлі қонақтарымыз Қыдыр атамен бірге Күн мен Түн де келіпті.Қарсы алайық.

Қыдыр ата:Оу,аман ба,жарандар,

Алтын таңға қараңдар.

Ерте жайнап атты таң,

Естіліп тұр шаттық ән.

Жұрағатым қуанып,

Рахатын таптыжан.

Келе жатыр жылымыз,

Мейрамдаймыз мұны біз.

Жас балаша нұрланып

Жадырайды күніміз.

Күннің жаңа нұры бар,

Мұның ғажап сыры бар.

Халық сүйген мейрам бұл,

Қарсы алайық тұрыңдар!

Күн:Сәлем ата-аналар,

Айналайын балалар!

Қыдыр баба аман ба,

Жаса жайлы заманда.

Уақыт үдеп келдім мен

Бақыт тілеп адамға.

Қудым жерден суықты

Қырдан салқын буықты.

Құтты болсын мерекең,

Наурыз айы туыпты.

Әне,Наурыз келеді

Ән салып,билеп береді.

1. жүргізуші:Көктемнің әсем гүлдер биімен ортаға бишілерді шақырайық.

Наурыз:Сәлем анам алтын күн

Сәлем қарты халқымның.

Уақытыма ризамын

Бақытыма шалқыдым.

1-жүргізуші:Уа,жарандар,жарандар,

Бәрің бері қараңдар.

Наурыз айға бас иіп,

Күнге сәлем беріңдер.

2-жүргізуші:22 наурыз күн мен түн теңелетін күн.Ендеше,күн мен түннің әңгімесін тыңдайық.

Күн:Сәулесі мол күнмін

Түн:Жұлдызы мол түнмін

Екеуі:Бірдей болып біздер,

Теңелеміз бүгін.

Түн:Ал, ертең күн ұзақ

Күн:Түн қысқарар бірақ

Екеуі:Ұйқы қанбай қалып,

Жүрмеңдер тек жылап.

2-жүргізуші:Қара жорға биін тамашалайық.

1-жүргізуші:Біздің наурыз тойымызға ұлттық киімдер киген қыздар мен ұлдар келген екен,соларды қошеметпен қарсы алайық.

Қамажай биі.

2-жүргізуші:Ойын құмар досымыз ойынға шақырады.Қарап қалмайбәріміз ойнайық.

«Қыз қуу» ұлттық ойыны.

1-жүргізуші:Халайық,мында назар салайық.Жарапазаншылар кележатыр.Қарсы алайық,сый-сияпат берейік.

Жарапазаншылар:Айтамыз жарапазан отбасыңа,

Тілейміз денсаулықты бас-басыңа.

Тілесек денсаулықты бас-басыңа.

Амандық келер әр күнотбасыңа.

Айтамыз жарапазан ауылыңа,

Береке,бірлік берсін қауымыңа.

Бас имес кімдер келіп ауылыңа.

2-жүргізуші:Ән көңілдің ажары дегендей ән тыңдай отырайық.

1-жүргізуші:Ұлттық ыдыс-аяқтар жасайтын шеберлерімізді ортаға шақырайық.(ұлттық ыдыс-аяқтарды таныстырып өту)

«Жаса,Қазақстан» әнін қабыл алыңыздар.

2-жүргізуші:Ойын ойнауға ортаға балаларды шақырамыз.

«Тауық күрес» ұлттық ойыны.

1-жүргізуші:Батырлар биімен ортаға дайындық сыныбын шақырайық.

2-жүргізуші:Ұлттық аспаптарда ойнайтын өнершілер келе жатыр екен,өнерлерін тамашалайық.(ұлттық аспаптарды таныстыру)

Домбырашылардың өнерін тамашалайық.

1-жүргізуші: «Қазақ қызы» әнімен ортаға 2-сынып оқушысы Өмірбек Мадинаны шақырайық.

2-жүргізуші:Наурыз тойымен құттықтап,бізге қонаққа қырғыз халқы келген екен,ортаға шақырайық.

(4-сынып ат әбзелдерімен таныстырады)

Қырғыз биі.

1-жүргізуші:Көтермек ойынын ойнауға балаларды ортаға шақырамыз.

2-жүргізуші:Аққу биімен ортаға кішкентай биші аруымыз Арунаны шақырайық.

1-жүргізуші:Ашық болсын қас қабақ,

Таспен атқанды аспен ат.

Бейтаныс та,таныс та,

Бүгінгі төрде бас қонақ.

Наурыз көжеден дәм татайық.

2-жүргізуші:Көктем келді әнімен дайындық сыныбын шақырайық.

1-жүргізуші:Ділназдың орындауында әнді тамашалайық.

2-жүргізуші:Қыдыр ата мына жиылған көпшілікке бір тілегіңізді білдірсеңіз.

Ақ бата тілесеңіз.

Қыдыр ата:Жарайды мен ақ батамды беріп,аттанайын.

Ұлыс оң болсын,ақ мол болсын,

Қайда барсаң жол болсын.

Ұлыс бақты болсын

Төрт түлік ақты болсын.

Ұлыс береке берсін

Бәле-жала жерге енсін.

Мал қосылсын малыңа

Бас қосылсын басыңа

Кетпесін дәулет қасыңнан

Әумин!

Келесі кездескенше сау болыңдар!

«Итеріспек» ойыны.

Сызылған шеңберде тұрып,екі бала бір-бірлерін секіріп жүріп иықпен итеріп шығару керек.

1-жүргізуші:Қазақ жігіттері әнімен Әбдіррахман мен Ниязды қарсы алайық.

2-жүргізуші:Бүгінгі мақсатымыз-заман өзгерсе де,ұлттық салт-дәстүріміздің көнермейтіндігін еске салып,ұлттық мұраны қайта жаңғырту.

1-жүргізуші:Ой қосылсын ойыңа

Бой қосылсын бойыңа.

Аман –есен жетейік

Келесі наурыз тойына!

Бірге:Қош,сау болыңыздар!