«Қыз-еркем,қылығымен көркем»

Қызылорда облысы, Сырдария ауданы №132 Т.Айтбаев атындағы орта мектебінің бастауыш мұғалімі: Дүкенбаева Маржанкүл

3 «а» сынып

«Қыз-еркем,қылығымен көркем»

Сценарий тақырыбы:«Қыз-еркем,қылығымен көркем»

Білімділік: Қыз балалардың жан дүниесіндегі көркемдік талғамын қалыптастыру.

Дамытушылық: Балалардың танымдық және шығармашылық қабілетін, эстетикалық талғамын, шеберлігін дамыту.

Тәрбиелік: Көпшілік алдында өзін — өзі ұстай білуге, әдептілікке, мейірімділікке, сұлулыққа тәрбиелеу.Ананы құметтеуге, ардақтауға тәрбиелеу.

Жүргізуші: Құрметті Ақ жаулықты аналар, ұлағатты ұстаздар, сұлу арулар! Сіздер 8- Наурыз Халықаралық аналар күніне арналған «Ару қыз!» атты мерекелік ертеңгілікке жиналып отырсыздар.

Жүргізуші:

Армысыздар ақ тілекті әжелер,

Ертегімен өмірімді әсемдер.

Мерекеңмен аялаған аналар,

Бір өзіңнен бар қуаныш таралар.

Шуақ шашқан алтын көңіл арулар,

Дарынды боп өнерменен қарулан.

Жүргізуші:

Құрметті жиналған қауым бәріміз ана деген асыл жаннан жаралған бір тұлғамыз. Сол аналарымызға ұзақ өмір, талмас қанат, таусылмас бақыт тілей отырып, мерекесімен шын жүректен құттықтаймыз.

Жүргізуші:

— Балалар, бүгінгі тақырыбымызға байланысты мен сендерге жұмбақ жасырғым келіп тұр.

Бала,бала,бала деп

Түнде шошып оянған

Түн ұйқысын төрт бөліп

Түнде бесік таянған

Бұл кім?

Балалар: Ана,ана,ана.

Жүргізуші: Ана - перзент тәрбиелеуші. Ендеше осы асыл аналарымызға арналған балаларымыздың тілегіне кезек берейік

Хор: Анашым-ана жаным

Жүргізуші:

Бүгін наурыздың сегізі

Сұлулықтың негізі

Әдемі сөз адамның

Анаға айтар лебізі – дей отырып өздеріңізге арналған , жүрек жарды лебіздерін қабыл алыңыздар.

Ақ тілекті ағытып бір тастайық,

Аналардың мерекесін бастайық.

Көздеріңнен көрем шаттық арайын, Данияр

Өтсін солай әрбір күнің, әр айың

Көңілің Алатаудың ақ қарындай,

Мейірімің күннің шуақ шақтарындай. Гүлсезім

Қалайша аяулы ана тына алармын,

Ән болып сағыныштан ақтарылмай,

Әлемдегі ең ақылды, дана боп,

Нұрын шашар жақсыларға пана боп. Ерасыл

Кім-кім болсын сені алақанында,

Мейірлене ешкім сүймес ана боп.

Алақаны жылылықтан балқыған,

Бір күлкісі бар әлемді шарпыған. Айсұлтан

Бұл сезімге ие болған барша жұрт,

Әрқашан да мол байлықта шалқыған,

Жарты жанын бөліп беріп балаға,

Ақ сүтімен әлдилеген бар ана.

Қиын күндер кешсе дағы басынан,

Міндет етпей жүрген адам сол ғана. Өркен

Қасиетті жұмақ кілті табылар,

Алыс кетсең алаңдар да сағынар.

Аналарын сыйламаған адамдар,

Қашан болсын өз ісінен жаңылар.

Анасыздар, әр үйге панасыздар,

Бала десе от болып жанасыздар.

Сәтті басса ұрпағың,- мерей тасып, Азима

Қыз күлкісін сусын қып қанасыздар.

Анасыздар — Ақ Еділ, Жайықсыздар -

Жүзе алмайды өтінде қайықсыздар.

Маздататын, жүректе от лаулататын,

Әр үйдің Күні десе, лайықсыздар.

Аналық алтын борышың,

Жүр әлі менің арқамда.

Көтеріп сізді сол үшін,

Меккеге күнде барсам ба?!

Ақ маңдайыңның әжімі, Айзере

Жылдардың ізі шуақты.

Омырауыңның ақ сүті –

Өтелмес қарыз сияқты.

Аппақ қар болып шашың да,

Ағарып кетті-ау, жан анам.

Ақындығым да, даңқым да,

Қормалым сенің садағаң.

Өсіру мені о бастан, Гүлназ

Машақат еді не деген.

Ақ армандарды қууға,

Ақ тілегің ғой жебеген.

Ана деген – бастауы ұлылықтың

Ана деген - рәмізі сұлулықтың Бақдәулет

Ана деген - бір жыр бар шырқалатын

Асқақтатар биікке ұрпақ атын

Ардақты ана, аяулы ана, қымбаттым,

Тәтті ұйқыңды бөліп талай түн қаттың

Өміріме нәрін берді ақ сүтің,

Кең құшағың аясындай гүл бақтың. Еңлік

Ер жеткізіп елге берген баласын,

Ақылдысың, ардақтысың, данасың!

Қарайтыным қас-қабағың бір сенің,

Қайратыңнан қайта көрме, анашым!

Ана десем шешек ашып жанары,

Өмірімнің бастау алар ажары. Аянат

Ана деген тіршілікке пана боп,

Әрбір үйде жұлдыз болып жанады.

Адам барма ана сүтін татпаған,

Алуан-алуан ауыр сынды аттаған Нұрдана

Адалдықты, ар-намысты сақтаған,

Мен анамның сонысына мақтанам!

Аяулы да алтын нұрлы анашым,

Жүрегіммен мәңгі бірге боласың Балжан

Сен асқарсың, сен аспансың, биіксің,

Сен дархансың, сен жомартсың, данасың.

Өмірде қымбат екен ана деген,

Өмірі гүл жаратын баламенен Нариман

Біздерді ақ гүліндей аялаған,

Мен оның жалғасы боп қала берем

Ана –деген өмірімнің шырағы

Өмір көзі алтын күннің шуағы Әділет

Дем беретін сүйетұғын жаныммен

Шөл далада сусындайтын бұлағың.

В добрый день Восьмое марта

Мамам нашим шлем привет! Анель

«Мама» — слово дорогое,

В слове этом жизнь и свет.

I love mother, she loves us

We love daddy, he loves us Ханшайым

He loves us and so you see

We are a happy family

Хор: Ана туралы жыр

Жүргізуші:

Қыздарымыз сүйкімді болсын деп,

Өнер –білімге икемді болсын деп,

Бәйтеректей бойшаңды болсын деп,

Өрен-өршіл өркенді болсын деп,

«Ару қыз» атты байқауымызды бастайық.

Жүргізуші:

Өнер, білім, өнеге тұнған дарын,

Өнерліге өз басым таң қаламын.

Өнерді әділдікпен бағалайтын,

Таныстырайын әділқазы алқаларын.

___________________________________

___________________________________

___________________________________

Жүргізуші:

Мың бұралған арулар билей басып,

Келеді міне ортаға толқып тасып,

Аруларын сыйлаған халқым менің,

Көңілді қошеметпен қарсы алайық!

(Арулар сахна төріне шақырылады)

Еңлік ару, Нұрдана ару, Айзере ару, Гүлназ ару, Балжан ару, Аяната ару, Гүлсезім ару, Анель ару, Ханшайым ару.

Жүргізуші:

Енді қыздарымызды сайыстың өтілу барысымен таныстырып өтейік:

1 — сайыс: «Мен қазақ қызымын»- өзін-өзі таныстыру.

2 — сайыс: «Өн бойынан, өнер тамған». Әрбір сайыскер өз өнерлерін ортаға салады.

3 — сайыс: Сұрақ-жауап

4 — сайыс: «Ас адамның арқауы»

5 — сайыс: «Сән үлгісі»

Жүргізуші:

Көңілге түй сен мұны,

Әр бүлдіршін — ел гүлі.

Бақытты елде туғаның

Есіміңнен белгілі

Бірінші сайыс өзін — өзі таныстыру.

Аналардың құрметіне ұлдардың орындауында:_____________

Жүргізуші:

Жадырап сәуле бейне күн дидары.

Бұлбұлдай дауысыңмен ән сыйлашы,

Күй тартып, би де биле, өлең оқы

Аруға қай өнер де жарасады

(Өнер көрсету сайысы)

Аруларымыз келесі бөлімге дайын болғанша ер балаларымыздың

биін тамашалайық.

« Ұлдар тобының биі. Флешмоб»

Жүргізуші:

Қыздарды ортаға жақырамы.

2-сайысСұрақ-жауап бөлімі

1-ару 6-ару

2-ару 7-ару

3-ару 8-ару

4-ару 9-ару

5-ару

4-сайыс «Ас адамның арқауы» Әзірлеген тағамдарының жасалу жолын, құрамын таныстырады.

5 — сайыс: «Сән үлгісі» Қолдарынан келетін киім үлгілерін ұсынады.

Жүргізуші: Әділқазылар әділ бағасын бергенше ұлдарымызбен қыздарымыздың биін тамашалайық.

Қыз сыны, қыз өнері, қыз әдебі,

Тал бойына жарасқан күлкі әлемі.

Бір көріп таң қалдырмай сахнада,

Өмірде сақталсыншы бұл әдебі — деп ару қыздарымызды ортаға қошаметпен шақырайық.

«Жүзден жүйрік мыңнан тұлпар» демекші бүгінгі сайысымызды таразылап әділ бағасын береді деген оймен келесі сөзді әділқазылар алқасына береміз. Жеңімпаздарды марапаттау.

_________________________

_________________________

Би билеп ән мен күйде аяқталды

Уақытта біраз жерге таяп қалды

Көктеммен қоса келген

Ару қыздар, аналар мерекесі аяқталды.

Құттықтау сөз кезегін ата – аналарға ұсыну