«Құқықбұзушылықтың негізгі себебі-отбасындағы қолайсыздық» тақырыбында 11 «Б», 4 «В» класс ата-аналарымен өткізілген коучинг

№5 орта мектеп

(«Құқық - өмір айнасы» апталығында 11 «Б», 4 «В» класс ата-аналарымен өткізілген коучинг)

«Құқықбұзушылықтың негізгі себебі-отбасындағы қолайсыздық»

Жауаптылар: 11 «Б» класс жетекшісі: Жанелова А.Е.

4 «В» класс жетекшісі: Дәрменқұлова Л.Ж.

2016-2017 оқу жылы

Тақырыбы: «Құқықбұзушылықтың негізгі себебі-отбасындағы қолайсыздық»

Мақсаты: Жасөспірімдердің деликвентті мінез-құлық көрсетуіне әкеліп соғатын отбасылық қолайсыздықтың әлеуметтік – психологиялық ерекшеліктерін анықтау 
Міндеттері:

1.Жалпы отбасындағы қолайсыздық түрлерін анықтай отырып, теориялық мағлұмат беру.
2. Отбасындағы балалар мен дөрекі қарым-қатынас түрлерін анықтау. 
3. Деликвентті мінез-құлық пен отбасы қолайсыздығы мәселелерін шешудің кейбір жолдарын ұсыну. 

Барысы: Ата-аналарды топқа бөлу. Төрт топқа бөлінеді.

Жүргізуші:

І.  Құрметті ұстаздар, ата-аналар! Бүгінгі  бағдарламамызға қош келдіңіздер. Бүгінгі кешіміз «Құқық - өмір айнасы» атты апталыққа арналады!

«Отан отбасынан басталады» демекші ата-аналар мен ұстаздар  қауымы үшін жас ұрпақ тәрбиелеп, оны қоғам мүддесіне жарату-кезек күттірмейтін мәселе. Осы мәселеге ата-аналар мен ұстаздар қауымы болып бірге атсалысса алар асуымыздың биік болары сөзсіз. Қазіргі қоғамда ата-ана баласынан не күтеді? Баласын қалай тәрбиелейді? Ата-ананың бақыты неде? Баласы ата-анасын қалай бақытты етпек? Баланың құқық бұзуына кімдер кінәлі? Мектеп оқушыларының құқық бұзуына кімдер жауап береді? Міне, осы тұрғыда сөз қозғалатын «Құқық бұзушылықтың негізгі себебі-отбасындағы қолайсыздық – атты пікіралмасу кешімізді бастауға рұқсат етіңіздер!

Бүгінгі пікіралмасу кешіміздің қонақтары

_______1.Аудандық Ішкі Істер бөлімінің жол полиция қызметкері Егимбаев Самат Қонысбаевич_________________________________________________________________________2.Мектеп директорының тәрбие ісі жөніндегі орынбасары Нұрмашева Жадыра Қалабайқызы

Әрбір ата-ана өз баласының болашағына алаңдап , «Қайтсем де баламды адам етем» деген ата-ананың үміт арманы баласымен бірге орындалады.

«Әрбір баланың мінез- құлқы ата-ананың жағымды іс-әрекетінен үлгі алуы барысында қалыптасады» деп И. Павлов айтпақшы баланың мінез-құлқы өскен ортасына, көрген тәрбиесіне байланысты қалыптасады. Ата-ана – бала үшін ең бірінші үлгі тұтар адам, өзін көретін айнасы. Сондықтан, кешімізге қатысып отырған ата-аналар, ұстаздар берілген сұрақтар бойынша өз ойларыңызды ортаға салып, пікір алмастырайық.

Пікір алмасуды бастамас бұрын бейнебаянға қарайық.

(видеоролик «Құқық бұзушылар»)

Қателік кімнен кетуде? Ата-анадан ба? Мектептен бе? Әлде қоғамнан ба? Мүмкін 3 тараптың жауапкершілікті тең арқалай алмағанынан болар?

(ата-аналар пікірі)

Қысқаша бейнебаянға назар аударсақ...

(видеоролик «Құқық бұзушылықтың алдын алу»)

Ата-аналар постер қорғап өз ойларын ортаға салады.

1 топқа: Ата-аналар жағы баланың мінезі бұзылуына байланысты мектепті айыптайды, яғни мұғалімдері дұрыс тәрбие беріп жатқан жоқ дейді. Бұл оймен қаншалықты келісесіз?

2 топқа: «Ұяда не көрсең, ұшқанда соны ілесің» - дейді. Демек, мұғалімдері емес ата-аналар кінәлі ме?

3 топқа: Қазіргі ата-аналар саған мектепте біреу тиіссе сенде оны ұрып жібер, қорықпа дейді. Бұл қаншалықты дұрыс?

4 топқа: 1. Баланың мінезі жүрген ортасына байланысты деген пікірмен келісесіз бе?

(Кеш қонақтары Мемлекеттік қызметкерлерге сөз беріледі)

Келесі сұрақ мектебіміздің психолог маманына: Не себепті балалар қылмысқа, қатігездікке барады? Интернет, ата-анасының көбірек көңіл бөлмеуі, тағы не себеп болуы мүмкін?

Тренинг: мектеп психологы Абжанова Г

Қоғамда балалардың құқығын қорғау басқармасы бар. Балалардың құқығын қорғау басқармасы сіз қазір балаңызды ұра алмайсыз, жұмысқа сала алмайсыз, жұмыс істетіп қойсаңыз, құқық қорғау басқармасы айтады: бұл баланың құқығын бұзу болып табылады, біз сізді әкімшіліктен жауапқа тартамыз деп әсірелеп айтып тұрмын, бірақ соған келе жатырмыз.

Бейнебаян көрсету

Әңгімелеріңізге, пікір алмасқаныңызға көп рахмет, кешімізді аяқтау үшін әр қайсыларыңыз бір сөзді таңдап , сол сөзбен тақырыпқа сай түйіндеме айту керексіз.

Сөздер:  мейірімділік, бала, тәрбие, ата-ана, бақыт, ұстаз, отбасы, үміт.

Құрметті ата-аналар,ұстаздар,! Бала бойындағы адамгершілік қасиеттердің пайда болуы ата-ана,ұстаз, жақсы құрбысынан екені сөзсіз. Сондықтан «Бала тәрбиесі-бір өнер, өнер болғанда ауыр өнер. Жеке бір ғылым иесі болуды тілейтін өнер. Баланы дұрыс тәрбиелеу үшін әркімнің өз тәжірибесі жетпейді» деп М. Жұмабаев айтқан болатын.

Келесі кездескенше сау сәлеметте болыңыздар!!!