Д - С: - Иә, жай той емес, мен мектепке барамын. (сумкасын жерге қойып)
Қыз: Қойшы
Д-С: Иә, көрдің бе, не жинап алдым!(сумкасын көрсетіп)
Қыз: Не жинадың?
Д -С: Әр түрлі заттар, оқуға арналған, кітаптар, үйде не бар бәрін салдым.
Қыз: Бәрін бе?
Д -С: Иә, бәрін салдым.
Қыз: Өзім де біліп едім, онда маған менің кітабымды берші „Тоқитын адамдарға арналған„
Д -С: Нені тоқитын?
Қыз: Енді, әр түрлі тоқымалар, носки, қолғап, желетке...
Д -С: А! Мінекейіңіз, бүгін еңбек сабағы болмайтын шығар деп ойлаймын. (Сумкасынан кітапты алып...) Мынау ма?
Қыз: Сен не, Дымбілмес, мынау тамақты қалай даярлау жөніндегі кітап қой! Мында ботқаны қалай пісіру жөнінде жазылған.
Д -С: Ботқаны ма? фу... жегім келмейді ботқаны. (кітапты қайтарып беріп). Әлі сабақ басталған жоқ қой, мен кішкене ұйықтап алайын...
Қыз: Қара, кім келе жатқанын, қазір екі қояды.
(Музыка ырғағымен мұғалім кіреді.)
Құрметті ата аналар, меймандар! Тілашар тойы құтты болсын! Мектеп есігін алғаш ашқан шәкірттер, қадамдарың сәтті болсын! „Қош келдің,даярлығым!атты ертеңгілікке қош келдіңіздер!
Енді біздің оқушылармен жақынырақ таныссақ деймін:
1.Баршаңызға иіліп сәлем берем, Бұл ұлдарың Мирас деген.
Оқуды да, жазуды тез меңгерем, 42 әріпті жатқа білем.
2.Отбасының еркелеткен, жарқыраған жұлдызымын,
Сабақты жақсы оқитын, Әйгерім деген бір қызыңмын.
3.Әлсаид деген баламын, таудай биік талабым,
Жақсы оқып сабақты, білімді адам боламын.
4.Ақерке деп қойыпты есімімді, бұл әрине ата ана шешімі де.
Ақылды боп көп істер атқарамын, Ұстаз сөзін ұғамын жатқа бәрін.
5.Мен де есті баламын, айтқан тілді аламын.
Жұмсағанға барамын, жақсы менің сабағым.
Арсен деген ұлдарың, мен боламын, ағайын!
6.Жақсы оқитын мен үлгілі баламын, азамат боп мен де өсіп толамын.
Бассам деймін даналардың тек ізін, алдарыңда Елдесбаев Елдармын.
7.Қыздар деген бола алады қыр гүлі, қазақ қызы болу керек үлгілі.
Жақсылыққа ұмтылатын әрқашан, Жамилямін анашымның бір гүлі.
8.Ұстаз ұғар қашан да, дамуын әр баланың,
Жақсы оқитын сабақты, Риза атты баламын.
9.Ай нұрынан жаралған, ай мен күні анамның.
Ақылдысы баланың, кілең бестік сабағы.
Томирис деген сұлуың, мен боламын, ағайын!
10.Шәкіртінсіз ұстаз ісі, жарқырай ма, жана ма.
Жеті өнер де жеткіліксіз, Чингиздей балаңа.
11.Түсінсем деп бар кітапты, ынта қойып қарамақпын.
Сыныптағы ең еркесі, Мерғасым Қасымжомартпын.
12. Жеңу үшін қиынды, еңбегіңді аяма.
Алдарыңда тұрған қыз, Мәлік Дәрия.
13.Суретті шебер саламын, есепті тіпті шағамын.
Білімді де, өнерлі, Мақсат атты баламын.
14.Кең болсыншы еліміздің керегесі, тату болсын, болмағай ерегесі.
Таныстырсам өзімді, оу, ағайын, Раминамын ата әжемнің немересі.
15.Сабақтан еш қалмаған, ерінбей оқып талмаған.
Боламын дейді үлгілі, Нұрсұлтан атты бір балаң.
16.Ынталы да инабатты, өнегелі бір қызбын.
Ата анамның ақылдысы, Мухамеджанова Томириспін.
17.Расулмын, Досжан ата баласымын, әжемнің тәттісімін, дарасымын.
Қашанда қатарластың алды болып, Сенімін ақтаймын анашымның!
18.Ата анамның ардақтаған, Алдияр атты ұлымын.
Әжем мені еркелетіп, дейді „Алтын жүзігім„.
19.Лаулатып сәби сезім ой алауын, шаттық тілеп таңменен оянамын.
Еркелеткен есті қызы атамның, Мына мен Сабыржан Тамиламын.
20.Жақсы әдепті, жақсы істі, бойымда әркез бар асыл,
Достық жырын біліңдер, ту ғып ұстап бірлікті, еңбекті сүйіңдер.
Дос болайық бәріміз, жарасып тұр әніміз.
Тыныштықты сақтаймыз, атсын күліп таңымыз.
Қайраттанып қарышта, озып шыққан жарыста, батыл бас, жас ұлан.
Самға биік алысқа, жұлдыздарға, ғарышқа, бойда күш тасыған.
Мұғалім: Енді, балалар, сендер бүгіннен бастап оқушы атандыңдар. Мектеп сендердің екінші үйлерің болып саналады. Кім өзінің мекен жайын біледі?
Ал мектеп № 3 Красный Яр орта мектебі, Целинная көшесінде орналасқан. Мен сендердің мұғалімдерің боламын Айымгүл Сапарбековна, мен сендерді оқуға, жазуға, санауға үйретемін.
Д -С: Мен шаршаймын ғой, оқы, жаз, сана...
Қыз: Жоқ шаршамайсың, өйткені сергіту сәті бар деп естідім.
Д-С: Сергіту сәті?
Мұғалім: Иә, сабақ арасында біз сергіту сәтін өткіземіз. Қане балалар, Дымбілмеске сергіту сәтін көрсетейікші.(сергіту сәті)
1.Жақсы білім көрімдік, болсын бізге халайық. (Чингиз)
Не үйрендік, не білдік, кәне ортаға салайық.
2.Қыркүйекте келдім де, сыныпқа кірдім қуанып. (И. Томирис)
Қарсы алды ұстаз мейірмен, қадамымды қарсы алып.
3.Өзім ұстап кітапты, жалынбадым ағама. (Амирали)
Қуанды анам оқудан, алған бестік бағама.
4.Достастырған өзіңмен, ұстазыма мың алғыс. (Рамина)
Иландырған сөзіне, қамқоршыма мың алғыс.
5.Келгенде алғаш мектепке, білмеуші едік әріп те, (Қасымжомарт)
Енді біз жаза білеміз, әріпті қосып әріпке.
6.Келгенімде алдыңа, Қызыл арай гүл алып. (Алдияр)
Жақын тарттың жаныңа, шәкіртім деп қуанып.
7.Сипадың да басымнан, Сауат ашуды ұсындың. (А. Тамирис)
Бақытымның осыдан, басталғанын түсіндім.
Қыз: Қарашы, менде тағы бір кітап бар. (оқып шығады) „Би билейік„
