Просмотр содержимого документа
«"?ош бол с?йікті ?ліппем" »
Қош бол сүйікті Әліппе!
1-мұғалім:
Армысыздар, құрметті ата-аналар, ұстаздар, қонақтар! Бүгін сіздерді 1"а", 1"б" сынып оқушыларының әзірлеген "Қош бол сүйікті Әліппе!" атты ертеңгілігін тамашалағалы отырсыздар. Шәкірттердің тұңғыш рет қолдарына ұстап, бетін ашқан оқулығы - Әліппе. Бұл кітап бүкіл ғылым дүниесінің алғашқы жолы. Әліппе 42 әріпті танытып, оқуға жазуға үйретіп сауаттарын арттырды. Сондай жағдайға жеткізген, сүйікті Әліппемен бүгін қоштасқалы отыр.
2-мұғалім:
Бала деген шіркін-ай балдай екен,
Тәттілігі жая мен жалдай екен.
Арып-ашып даладан келгеніңде,
Бал иісін таттырып алдайды екен.
- деп Кенен атамыз айытқандай, кішкене бүлдіршіндердің бал тіліне кезек берейік.
1-жүргізуші: Ерте, ерте, ертеде үлкен мектеп шаһарында Әліппе хан билік жасапты. Ханның 40 уәзірі және екі күтушісі болыпты. Әліппе хан сондай қатал болған екен. Ол уәзірлеріне ел аралатып білімсіз балаларды жинатып,
сауаттандырады екен. Әліппе хан елін жинап тақтан кететінін жарияламақшы.
1-оқушы: Уа халайық, келіңіздер көріңіздер, Әліппе хан тақтан кеткелі жатыр.
2-оқушы: УА жарандар, жарандар! Әліппе хан орындарына өз ұлын сайламақшы. 40 уәзірі мен 2 күтушісінің, ханды шығарып салу салтанатының куәсі болыңыздар!
Әліппе хан: Уәзірлерім, сендер неге тұрсыңдар! Ел ішін аралап келіңдер! Мына мен таққа ұлымды отырғызар кезде, елде сауатсыз балалар болмауы керек.
1-оқушы: Әміріңізге құлдық хан ием! Біз ел ішін түгел араладық. Сіздің қатал мінезіңіз бен бұйрығыңыздың арқасында елде еш сауатсыз бала жоқ. Барлығы білімді, сауатты, өнерлі екен.
Әліппе хан: (көңілденіп). Тамаша, тамаша. Ха, ха, ха. Мен осыншама уақыт неге көңілсіз болдым?
Барлық балалардың сауаты ашылғанша мен де уайымдап, көңілсіз жүрдім. Бүгін менің де, мына дұйым жұрттың да көңілін көтеріңдер.
2-оқушы: Хан жарлығына құлақ салыңдар. Дәл бүгін хан ием мен дұйым жұрттың көңілін көтеріп өнер, білім көрсетейік. Олай болса бүлдіршіндердің өнері мен біліміне кезек берейік.
2-жүргізуші: Қайырлы күн, уа, халайық!
1-жүргізуші:
Армысыздар, мұғалімдер, әз жандар,
Білім іздеп, инемен құдық қазғандай.
Құшақ жая қарсы аламыз сіздерді,
Би билеп, әнде бүгін шырқалар.
2-жүргізуші:
Көз салып қараңызша бойымызға,
Ортақ боп бүгінгі өскен ойымызға.
Хош келіпсіз, ұстаздар, ата-аналар,
Әліппемен қоштасу тойымызға.
1-жүргізуші: Кешіміздің пердесін.
Ән шашумен ашайық.
Бүлдіршіндер өнеріне,
Қол соғып қошемет жасайық!
Ән. "Мұғалім ол біздің"
2-жүргізуші: Ал осымен әріптер,
Шежіресін бастайық.
Басшысы Әліппенің,
А-дан сөзді бастайық.
Адия
"А" дегенің- ана ғой,
Ана деген дана ғой.
Нұрбол
Әжем әнге басады,
Әтеш әнге басады.
Ағын
"Б" дегенім бала ғой,
Жұмсаса апаң бара ғой.
Алтын
"Гу" деп алғаш бөбектер,
Гуілдейді ақырын.
Рауан
Ғалым, ғылым ғасырды,
"Ғ" білімге асырды.
Абылай
Отан деген - атамекен,
Отан деген - туған жер.
Отан - ана,
Отан үлкен.
Қазақстан - туған ел!
Айша
Иба, әдеп, ақыл ой,
Имандылық басы ғой.
Иісі қазақ баласын,
Инабатты дейді ғой.
Дидар
Өнер іздеген өсер,
Өсек іздеген өшер.
Ару
Озат болып оқыңдар,
Ойға білім тоқыңдар.
Ақтолқын
Ас біткеннің атасы,
Қасиет "нан" осы.
Қайсы әріптен басталып,
Аяқталғанын қарашы.
Ән: "Әліппе" Ұлан
Аяжан
Әліппем менің әліппем,
Өшпейтін нұрлы әріптен.
Есігін аштым әріптің,
Өзіңнен кілт алып мен.
Айбар
Әліппе деген алтын жол,
Апарар сені алысқа.
Жеңіл емес ауыр жол,
Тырысып бақ намысқа.
Мансұр
"Әліппе" даңғыл жол ашты,
Жаңадан пәндер жалғасты.
Әліппе сырын ұқтырған,
Рахмет ұстаз алғашқы.
Ұлан:
Әліппем менің әліппем,
Сені қолға алып мен.
Есігін аштым мектептің,
Ертеңгі сәуле жарық пен.
Даяна:
Қош бол құтты әліппем,
Көп нәрсені үйреттің.
Таныстырып әріппен,
Тақылдатып сөйлеттің.
Әсет
Алфавиттің А тұрады басында,
Әрқашанда Ә тұрады қасында.
Байқадың ба, Б тұрады үшінші,
Ал осының сыры неде, түсінші?!
Манас:
Сөйледі олар тіл бітіп,
Не бір қызық сырларды.
Тыңдай бердім мен жұтып,
Тіл біткен тақпақ жырларды.
Аяулым:
Арта берді қітапқа,
Бойымдағы қуатым.
Бірге жүрген қасымда,
Кітап болды сыңарым.
Жансая:
Ашыла берді алдымнан,
Кең дүние есігі.
Соғылған сомдар алтыннан,
"Әліппе" білім бесігі.
Алдияр:
Сипадың да басымнан,
Әліппені ұсындың.
Бақытымның осыдан,
Басталғанын түсіндім.
Біржан:
Ой салады балаға,
Әріптердің парағы.
Кезегімен алаңда,
Қатар түзеп тұрады.
Қайсар:
Әліпбиді біліңдер,
Онда жүйе, қалып бар.
Біздің қазақ тілінде,
Қырық екі әріп бар
Жанат:
Әліпбидің басында,
А - командир тұрады,
Басқалары -қасында,
Әріп санын құрады.
Аида:
Әліппе, әліппе, Екінші әріппен. Бала деп қазір біз, Жазуға әзірміз.
Камила:
Әліппе әліппе Алғашқы әріппен Ана деп қазір біз Жазуға әзірміз
Ән: "Балапан" Аяулым
1-жүргізуші:
Ертеңгі күнін ойлайтын,
Биіктерге самғайтын.
Биші біздің балалар,
Өнерден құр қалмайтын. - деп "Танго" биін қарсы алайық.
2-жүргізуші:
Әліппеден оқыдық,
Мысал менен ертегі.
Сақтадық еске тоқыдық.
Көрініс "Саңырауқұлақ саясында"
1-Жүргізуші:
Қызымыз бар көңілді, Шақырамыз ортаға. Тойымызға сән беріп, Көрсетеді өнерін. "Шығыс" биімен ортаға Адияны шақырамыз.
2-жүргізуші:
Би билейді талмайды, Әсем ән де шырқайды. Сүп - сүйкімді балалар, "Қара жорға" билейді.
Ортада қазақтың "Қара жорға" биі.
1-жүргізуші:
Қыр гүліндей жайнаған,
Ақыл-ойы сайраған.
"Қамажай" биін билейтін,
Адия келсін ортаға. - Ортада би "Қамажай" .
2-жүргізуші:
Аққу қаздай қалқыған,
Қол ұстасып наздана.
"Вальс" биін билейді,
Таңқалмаңдар ата-ана. - ортада "Вальс" биі.
Хор: "Мектебім"
Әліппе:
Ал, балалар! Енді менің сендерге айтар тілегім жаңа хандарыңды да мендей сүйіп, мендей күтіп құрметтеңдер! Енді мен сендермен қоштасамын. Ортаға Ана тілін шақырып оны өз орнына орналастырайық.
Балалар:
-Ана тілі, Ана тілі .( хормен шақырады)
Ана тілі:
- Сәлеметсіңдерме құрметті қонақтар мен оқушылар.
Оқушылар:
-Сәлеметсіз бе Ана тілі?
Ана тілі:
Сөйлетер сөзді шеберлеп,
Өзіңнің ана тіліңмен.
Байыппен жақсы оқысаң,
Негізі болам білімнің.
Әліппе:
Қош келдің Ана тілі. Бүгін мен мына таңымды, мына сүйкімді балаларымды саған аманат етпекпін. Сен оларды білімді етіп шығаруға уәде бер.
Ана тілі:
Уәде беремін Әліппе. (Әліппе басындағы тәжісін Ана тіліне кигізеді)
Әліппе: Балалар Ана тілін жақсы оқимызба?
Балалар: ия!
Әліппе: Қош, сау болыңдар балалар!
Балалар: Қош бол Әліппе!
1-жүргізуші:
Жаңбырменен жер көгерер,
Батаменен ел көгерер, - дейді халық.
Ақылы дәрия, алғысы мол, батасы бақ аталардан ақ бата сұраймыз.
(Қария шығып бата береді)
2-жүргізуші:
Қадамың құтты болсын,
Сапарың сәтті болсын.
Атам берген ақ бата,
Басыңа қонсын бақ бата.- дей келе бүгінгі мерекемізді қорытындылаймыз.
Сөз кезегін мектебіміздің директоры Раисов Арғынбек Көкетайұлына береміз.
