Изонить – сабынан оһуор-ойуу

«Бүгүҥҥү саҥа көстүү – урукку умнуллубуту сөргүтүү» диэн өйдөбүлү урукку кэмтэн төннүбүт изонить дакаастыыр. Кини киһи олоҕун кэрэ көстүүтүнэн киэргэтэр. Изонить диэн кытаанах төрүккэ сабынан хартыынаны уруһуйдааһын ааттанар. Атыннык картоҥҥа араас өҥнөөх саптары быһыта охсуһуннаран вышивкалааһын (оһуордааһын) дэнэр. Кини судургутук толорулларынан, оҥоһук кэрэ көстүүлээҕинэн киһи интэриэһин тардар. Изонитынан дьарыкка матырыйаалы булууга ороскуота кыра буолар. Маннык оһуордаан, кинигэ закладкатыттан саҕалаан, дьиэ ис-тас көстүүтүн сиэдэрэй гына оҥоруохха сөп. Кыра ороскуотунан кэрэ, хатыламмат көстүүлэри оҥоруу бүгүҥҥү күҥҥэ сүҥкэн суолталаах (актуальнай)