Ерте?гілік ашы? т?рбие са?аты "Не білдік, не ?йрендік"

Не білдік, не үйрендік?

Біз мектепке дайынбыз

Мақсаты: балалардың даярлықта болған кездегі жиған тәрбиесін, үйренген білімін ашып көрсету, мерекелік көңіл-күй сыйлау.

Отан, Тәуелсіз Қазақстанымыз туралы жалпы мағлұмат беру.

Сөздік қорларын, оқушылардың Қазақстан туралы алған білімдерін дамыту.

Отанын, елін, мектебін, ұстазын шексіз сүюге тәрбиелеу, елеміздің рәміздерін құрметтеуге баулу.

Оқушылардың білімін тиянақтау, адамгершілікке, қарапайымдылыққа, әдептілікке баулу.

Ұйымдастыру кезеңі: тақырыпқа сай безендіру, нақыл сөздер, даналардың суреттері.

Еретеңгілік барысы: Құрметті жиналған барша қауым, құрметті ұстаздар, аяулы да ардақты ата – аналар , балалар. «Біз мектепке барамыз» атты ертеңгілігімізді ашық деп жариялаймыз . Бүгін елдігіміз ескеріліп, егеменді ел болған, тәуелсіз тұлпардай етек жеңіміз кеңейіп, атымыз алысқа жетіп жатқан шақта бүгінгі күні сіздер үшін тойларыңызға тағы бір той қосылмақ . Кеше ғана алаңсыз ағаш атқа шапқылап жүрген бүлдіршінлер , бүгінгіде бойларында жауапкершілік пайда болып дайындық тобын аяқтап, 1 сыныпқа қадам басқалы тұр , Қадамдарың құтты болсын жас бүлдіршіндер! Шәкірттер атаның баласы емес, халықтың баласы болсын.

Қазір алдарыңызда тұрған бүлдіршіндер дайындық тобынан 9 ай ішінде алған білімдерін ән-күймен, өлеңдермен, жұмбақтармен мақал-мәтелдермен өрнектеп, өнерін ортаға салмақ. Біліміздің артып, сөз байлығымыздың молайлағанын , санамыздың өскенін көрсетейік.

Балалар, біз үлкендерді қалай құрметтейміз?

1. Үлкенге де сіз,

Кішіге де сіз.

Баршаңызды құрметтеп,

Бас иеміз біз. (Бастарын иеді).

ІІ. – Балалар біз қай мемлекетте тұрамыз?

• Қазақстан Республиксында.

Әйнегі – күн, шатыры – аспан,

Кең дала төсі толқыған егін.

Көлдері көкке күмістер шашқан,

Қазақстан Республикам менің.

• Балалар Қазақстан өз Тәуелсіздігін қашан алды?

• 1991 жылы 16 желтоқсанда.

• Қазақстан Республикасы қандай республика?

• Егеменді, Тәуелсіз.

• Бауырласып бір туысқан,

• Ұлттары көп жүзден астам.

• Тілі түлеп, діні оралған,

• Тәуелсіз ел – Қазақстан.

• Елбасымыз кім?

• Н.Ә.Назарбаев.

• Еліміздің елордасы қай қала?

• Астана.

Болашаққа бастаған,

Шарықтайды асқақ ән

Елордасы Отанның

Мақтанышым – Астанам

• Өзіміз қай облыста тұрамыз?

• ШҚО. Зайсан ауданы,Қаратал ауылында тұрамыз.

• Балалар, біздің бір ғана Отанымыз бар. Ол Тәуелсіз Қазақстан. Тәуелсіздік алғаннан кейін еліміздің рәміздері дүниге келді. Балалар еліміздің рәміздерін атаңдаршы?

• Мемлекеттік ту, елтаңба, әнұранымыз. (Әнұран орындалады).

• Өздерің айтқан әнрұранның сөзін жазған кім?

• Жұмекен Нәжімеденов, Н.Назарбаев.

• Ал әнін жазған кім?

• Шәмші Қалдаяқов.

Шәмші атаның сазды үні,

Жігер беріп қайратты.

Бәрімізді мәз қылып,

Жаңғыртады аймақты.

Әнұраны елімнің,

Шақырады бірлікке.

Егеменді халқымның,

Болашағы бірлікте.

Жеңіс туын көтерген,

Жарыстарда сан қилы.

Жетіп бізге шет елден,

Көкте әнұран шалқиды.

Туымыздың түсі қандай?

Көгілдір түс – ашық аспанның түсі,

Алтын күн – тыныштық пен байлық.

Дала бүркіті – еркіндіктің, теңдіктің белгісі.

Ұлттық ою-өрнек – салт-дәстүрге құрмет.

Айнымайды аспаннан,

Біздің тудың бояуы.

Оны халық қашанда,

Биікке іліп қояды.

Тудың авторы, суретшісі – Шәкен Ниязбеков.

Тәуелсіздік жолында,

Талай-талай тер тамған.

Билігім өз қолымда,

Еркіндігім – Елтаңбам.

Елтаңбаның авторлары – Шота Уәлиханов пен Жандарбек Мәлібек.

Кең өлке

Көрікті өлкеме қарашы,

Тізілген орман, тау, қаласы.

Алтай мен Атырау арасы –

Қазақтың кең байтақ даласы.

Алтын заң

Ал бүгін міне жарқырап,

Нұрын төкті алтын заң.

Оқу оқып, білім ал,

Демал деген осы заң.

Дана халық Отан туралы мақал айтып, сол арқылы жас өркенді отансүйгіштікке тәрбиелеген екен.

• Отан үшін отқа түс күймейсің.

• Отансыз адам – ормансыз бұлбұл.

• Отан – оттан да ыстық.

• Отан – от басынан басталады.

• Отан үшін күрес.

Ерге тиген үлес.

ІІІ. Хор «Отан деген не?»

Отан деге атамекен,

Отан деген туған ел.

Отан ана, Отан пана,

Қазақстан туған ел.

Отан дейміз от жаққан жерімізді,

Отан дейміз өсірген елімізді.

Отан дейміз туған жер атамекен,

Биік тау, орман, тоғай, көлімізді.

Айналайын ақ мекен

Қандай адам сеніздеп тапты екен

Туған өлкем тәтті екен ғой , тәтті екен ! – демекші туған............

Сұлу дала менің сүйген еркемсің,

Жаны жайсаң жаратылған өлкемсің.

Қандай жақсы қазақ болып туғаным,

О, туған жер, тамашасың, көркемсің,– демекші туған жер туралы мақал-мәтел тыңдайық.

1. Туған жер тұғырың,

Туған ел қыдырың,

Дінің имандылығың.

1. Ел іші алтын бесік.

2. Туған жердей жер болмас,

Туған елдей ел болмас.

1. Елінен безген ер оңбас.

2. Туған жердің күні де ыстық, түні де ыстық.

3. Өз елімнің басы болмасам да,

Салтының тасы болайын.

Әдеп туралы:

1. Әдепті бала – арлы бала,

Әдепсіз бала – сорлы бара.

1. Әдепті бала ата-насын мақтатар,

Әдепсіз бала ата-анасын қақсатар.

Білім туралы:

1. Білекті бірді жығады,

Білімді мыңды жығады.

1. Оқу – білім бұлағы,

Білім – өмір шырағы.

1. Қына тасқа бітеді,

Білім басқа бітеді.

1. Білім қымбат,

Білу қиын.

Бастаушы : Балалар, біз қандай баламыз ?

Жабырқауды білмейміз

Жалқаулықты сүймейміз

Біз талантты жас ұлан

Үлгі аламыз жақсыдан

Ән: « Достық »

Бастаушы : Біз жеті атамызды білемізбе ?

Жеті атасын білген ер жеті жұрттың қамын жер.

Ата, әке, бала, немере, шөбере, шөпшек, немене.

Ойдың қозғап жасынан,

Қайта туған ғасырым.

Төле би мен Қазыбек,

Әйтеке би асылым.

Қазақтың үш биі - халық қамын ойлаған адамдар

- Төле би ақылды, әділ адам болған.

- Қаз дауысты Қазыбек тапқыр, батыл, шешен атанған.

- Әйтеке би шешендігіне қоса ел басқарған.

Айдын болган еліме

Айдын болган көліме

Айналайын үш биім

Пана болган жеріне

Елдің туын ұстаган

Ел намысын ұштаған

Калың қазақ пір тұтар

Қасиетті үш бабам

- Балалар біз көркем әдебиет сабағынан "Не тәтті?" тақырыбын өткен болатынбыз. Содан қазір көрініс көрсетейік.

- Жүргізуш: Жиренше шешен бір күні жолда келе жатып, алдында қарсы кездескен бір баладан:

Жиренше: Дүниеде не тәтті, балам?- деп сұрайды.

І бала: - Бал тәтті, - деген екен.

Жиренше: Ал жұмсақта не жұмсақ?

І бала: Мамық жұмсақ.

Жүргізуші: Бұл баланың жауабын тыңдап тұрған екінші бала:

ІІ бала: "Осы сұрақтарыңызға мен жауап берейінші, рұқсат етіңіз",- деп өтінеді.

Жиренше: - Ал айта ғойшы балам, не тәтті? - дейді.

ІІ бала: - Ананың сүті,- деп жауап беріпті.

Жиренше: Ал жұмсақта не жұмсақ?

ІІ бала: - Ананың қолы! - деген екен.

Жүргізуші: - Шешен екінші баланың жауабына риза болып, ақ батасын беріпті.

Жиренше: Оқуда алғыр бол,

Ойлауға даңғыл бол.

Ақылға кемел бол,

Ауылыңа көрік бол!

Баланың алғашқы ұғынып, меңгеретін асыл сөздері - Ана.

1.Ән. Құттықтаймын ана туған күніңмен (нұрын шашқан маған)

2. Анамызға мың алғыс (Аялаған баптаған).

Ана баласының ғана қамқоршысы емес, ол адамзат атауының амандығын тілейтін адам.

4) Ана - өмірдің қуанышы тірегі

Бала оның жұбанышы тілегі,

Ана алдында ел жауы да бас иген

Олар дәйім тыныштықты тіледі.

Ән : Ақ мамам (Ел жатқанда жатпаған)

IV. Сауат ашу сабаға нені оқытады?

Дыбыстарды, әріптерді.

- Дыбыс пен әріптің айырмашылығы неде?

Дыбысты естиміз, әріпті көреміз, жазамыз.

Әріп деген не десең?

Ол дыбыстың таңбасы.

Оқып біліп үйренсең,

Боласың сен сауатты.

-Дыбыстар неше топқа бөлінеді?

- екі топқа: дауысты және дауыссыз.

- дыбысты + дыбысқа қосса буын шығады.

- буынға+буынды қосса сөз шығады.

- сөзге+сөзді қосса сөйлем шығады.

1. Сөйлем құра. Хат жазуды үйрендім. 3 сөзден құралған сөйлем.

Сөйлем бас әріптен басталады. Сөйлемнің соңынан нүкте қойылады.

2. Буындарды оқы және олардан сөз құрастыр.

3. Сөзжұмбақ.

а) Гүлсім сөзі 6 дыбыстан 2 буыннан тұрады.

ә) а нан ас сөзі 6 дыбыстан 2 буыннан тұрады.

Мен ананас жедім. 3 сөзден құралған сөйлем.

б) оқушы сөзі 5 дыбыстан, 3 буыннан тұрады.

4. Әріптерді қос.

А) Раушан сөзі 6 дыбыстан 2 буыннан тұрады.

Ә) Тәртіп сөзі 5 дыбыстан, 2 буыннан тұрады.

Б) құлып сөзі 5 дыбыстан, 2 буыннан тұрады.

- Балалар біз санай білеміз бе?

Кел санамақ ойнайық,

Санайық та, табайық.

Ойын аты санамақ,

Санап талдап берейік.

1) 1-10-ға дейін

2) 10-0-ге дейін санау (кері санақ).

1. Орысша (1-10-ға дейін) санай білеміз бе?

Біздің келер шамамыз,

Бестен үшті аламыз.

Төртті бөліп екіге,

Жауабын тез табамыз.

1. «Сиқырлы сандық» ойыны. (есептер шығару)

1+2=3, 4+2=6, 5+4=9

1. Бір жылда неше ай бар?

Бір жылда 12 ай бар – қаңтар, ақпан, наурыз, сәуір, мамыр, маусым, шілде, тамыз, қыркүйек, қазан, қараша, желтоқсан.

1. Жыл мезгілдері: көктем, жаз, күз, қыс.

Қыс құнар береді

Көктем дән себеді

Жаз баптап өсірсе

Күз жайнап тереді

Қазір жылдың қай мезгілі: – Көктем мезгілі

Көктем мезгілі неше айдан тұрады? – Көктем мезгілі үш айдан тұарды.

Көктем мезгілі қай айлардан тұрады? – Наурыз, Сәуір,Мамыр.

3.Аптадағы күн аттары: – Дүйсенбі, Сейсенбі, Сәрсенбі, Бейсенбі, Жұма, Сенбі, Жексенбі.

5. Шығыс күнтізбесі: – Тышқан, сиыр, барыс, қоян, ұлу, жылан, жылқы, қой, мешін, тауық, ит, доңыз. Осы 12 жыл сайын бір мүшел жас.

Бастаушы: Туған жер табиғатын сүйіп, оны қорғауға баулу – басты парыз.

І бала: Айналадағы өзімізді қоршап тұрған дүние жер, күн, аспан, тау, тас, су, өсімдік, жан-жануар, жәндік атаулының бәрі – табиғат.

- Жылдың төрт мезгілінде болатын қандай құбылыс өзгерістерді білесіңдер?

ІІ бала: Қар, жаңбыр, бұлт, тұман, бұршақ, жел бұлар табиғат құбылыстары .

Бастаушы :

Оймен, қане, өсейік,

Ойлы жұмбақ шешейік

Оқысаң, аласың,

Оқымасаң, наласың,

Қатарыңнан қаласың

(Білім)

Аппақ, дала, қара дән,

Сепкен дәні түсінуге жараған

(Әріптер)

Мен ақ қалам, ақ қалам,

Жазган сайын жоқ болам.

(Бор)

Үйреткен ілімді А Ә Б В Г Д Е Ж З И Й К Қ Л М Н

42 білімді (Алфавит) ң о ө п р с т у ұ ү ф х h ц ч ш щ ъ ы і ь э ю я – хор.

Білім ошағы – мектеп!

Армандарым көп менің

Атқарамын деп келдім

Асыл анам метебім!

Өнерпазың көп сенің

Өнер табам деп келдім

Өз бесігім мектебім!

Өсіп оймен санамыз

Өмірге жол саламыз

Білім қуған баламыз!

Сәлем саған сүйікті

Оқып ғылым тектерін

Ой аламын деп келдім

Оттан ыстық мектебім

Мектеп қамқор анамыз

Оқып білім аламыз

Өнерпаз боп өсетін,

Біз – оқушы боламыз!

Өмірімнің көктемін

Сенде өткізем деп келдім

Алтын ұям - мектебім !

Сен әпердің білікті

Сенен өстім көктедім!

Алтын – ұя мектебім!

1-бала:

Қымбатты ұстаз, қадірлі тәрбиешім,

Аямаған біз үшін тәрбиесін.

Білімнің нәрін салып балаларға,

Оятқан ақыл-ойын, жан-жүйесін.

2-бала:

Мектепте тәтті нәрсе білім дейді,

Білім оңай уысқа ілінбейді.

«Оқы, жаз» дегенін ұғып алсаң,

Ұстазың да жайраңдап күлімдейді.

3-бала:

Жиырма бес сәби, жиырма бес үміт тілектер,

Жиырма бес сіз оқытқан түлектер.

Тілейміз ұстазым мен, мектебіме,

Жемісті еңбек, ыстық алғыс жүрекпен.

4-бала:

Ұстазым үйретуден зерікпеген,

Талай шәкірт өзіңе еліктеген.

Жақсылыққа жетелеген анамдай,

Өзіңізге еркелеп, еркелеп еріп келем.

5-бала:

Әріптерді тіземін,

Өзім жаза аламын,

Жазуымды түзедім,

Айтуымен апайдың.

6-бала:

Есепке де, ертекке,

Уақытымды бөлемін.

Өзім барып мектепке,

Өзім үйге келемін.

7-бала:

Көреміз көзіңізден мейрімді,

Сеземіз анамыздың алақанын.

Қыран ана секілді күтіп, баптап.

Ұшырған ұясынан балапанын.

8-бала:

Айтамыз апай сізге көп-көп алғыс,

Қашанда қасыңыздан табылармыз.

«Даярлық - бір білімнің негізі» деп,

Біз сізді әрқашан сағынамыз.

Отанның ұланын

Баулыған мұғалім

Өзіңсің ағытқан

Білімнің бұлағын

Кәусарын білімнің

Құлшына сіңірдім

Сол үшін өзіңе

Алғысым көп менің

Хор:

Алғашқы ұстаз анамызбен тең келді

Бар асылын бізге жиып мол береді

Қанатымен су себелеп асыл жан

Баласындай шын жүректен хан көреді.

9-бала:

Біз балауса баламыз,

Жетілді ой-санамыз,

Даярлықпен қоштасып,

Біріншіге барамыз.

10-бала:

Адам етіп баптаған,

Ардақтап бізді мақтаған.

Даярлыққа мың алгыс!

Барлығы:

Өсірген ұл-қыздарын,

Тәрбиешіге мың алғыс!

Ән:

Біз мектепке барамыз

Оқып білім аламыз

Еске сізді сақтаймыз

Еңбегіңізді ақтаймыз!

Хор:

Біріншіге енді барамыз

Үлгілі оқушы боламыз

Жақсы оқып сабақты

Кілең бестік аламыз

Есік қағып Әліппе оқулығы кіреді

Сәлем гүлдей болғандар

Алғашқы тәлімді алыңдар

Болыңдар, ойлы ақылды

Енді мектеп шақырды

Менің атым – Әліппе

Үйретемін әріпке

Үйретемін білімге,

Әріппен білім бастаған

«Әліппе» оны бастаған

Оқушылар: Әліппені сүйеміз

Әріппен бас иеміз

Аңыз, ертек, ән жырдың

Бәрін бойға құйғыздың

Санамызға сіз біздің - Хор

Бар асылды сыйғыздың

Жастық білім шырағы

Рахмет сізге мұғалім!

Бастаушы: Рахмет менің кішкентай бүлдіршіндерім, әрқашан осындай ертеңгіліктерге белсене қатысып, жақсы оқып, жақсы үйреніп, үлгілі, тәртіпті болыңдар!

Бүгінгі той бәрімізге құтты болсын!

Дендеріңіз сау, аман есен мықты болсын!

Мектеп есігі әрқашанда ашық болып ,

Біріншігі барған қадамдарың құтты болсын!

Өтер балған жастық шақ

Озат болып оқыңдар,

Ойға білім тоқыңдар.

Жолдарың болсын сәт, сапар тілеймін!

Басынан доссың баламен

Бас кітап сенің Әліппең

Оқысын сені балғындар,

Танысқан әрбір сөзіңе

Алғашқы әліппе ұстазы

Тапсырдым балаларды

Өзіңізге, - деп келесі сөз кезегін бастауыш сынып мұғалімі Жағыпарова ЖАННА АПАЙҒА БЕРЕМІН .

Қуанышқа көңіл бүгін толады.

Балаларым өмір есігін ашады .

Түлектерге ақ жол тілеп қуанып,

Әз аналар шашуларын шашады .

Бір ата ,бір ананың тірегіміз,

Бір болсын қайда жүрсек тілегіміз,

Бірлік барда тірлік бар деген бабам ,

Бірлікпенен бірге соқсын жүрегіміз ,-- деп бүгінгі ертеңгілігімізді аяқтаймыз .

Хош сау болыңыздар !