М.Х.Гайнуллин исемендәге Кызылтау урта гомуми
белем бирү мәктәбе
Герой аналарыбыз.
( кичә)
Бадртдинова Г.Ф.
Максат: герой аналарга әниләр буларак ихтирам, игътибар
тәрбияләү;
әниләрнең изге зат булуларын һәрдаим искәртү.
Хәерле көн, хөрмәтле кунаклар, апалар, укытучылар һәм нәни дусларыбыз. Сөйкемле, ягымлы, йомшак күңелле аналарыбыз! Бүгенге кичәдә сезнең барлык кайгы – хәсрәтләрегезне, мәшәкатьләрегезне оныттырып, күңелегезне эчтәлекле шигырьләребез, матур җырларыбыз, дәртле биюләребез белән күтәрә алсак без бик шат булыр идек.
Бу очрашу сезнең күңелләрдә матур истәлекләр калдырсын иде.
Сезгә нык сәламәтлек, иминлек, озын гомер телибез, һәрвакыт шат, сөйкемле, бәхетле булыгыз.
Бу кичәбез гөрләп үтсен,
Истә калсын гомергә.
Бәйрәмнәрсез яшәп булмый
Җирнең якты йөзендә...
Бәйрәмсез бик күңелсез бит,
Күңелсездер сезгә дә.
Бәйрәмнәр кирәк безгә дә,
Бәйрәмнәр кирәк сезгә дә,
Кирәк һәммәбезгә дә.
Аллаһы Тәгалә хатын – кызны йомшак табигатьле, нәфис, хисчән
итеп яраткан һәм гүзәл затларга гаиләдәге иң җаваплы, иң четерекле вазыйфаны – бала тәрбияләүне йөкләгән. Хатын – кыз - иң элек ана һәм гаилә җылысын саклаучы.
Син булганга күрә әни, җаным,
Бу дөньяда бары нур гына.
Нур сүнмәсен, һич тә сүрелмәсен
Озак яшә, исән бул гына.
(Минязетдинов Илнур – җыр).
Рәхмәт яусын безнең әниләргә,
Аларгадыр бөтен авырлык.
Әниләргә якты йолдызлардан,
Йә кояштан һәйкәл салырлык.
Ярый әле мине әнкәй
Сан булганга гына тапмаган.
Туган җиргә гашыйк иткән мине
Ялан тәпи йөргән чаклардан.
Шатлык, куанычлар, сәламәтлек
Юлдаш булсын, әнием гомергә.
Йортыбызны җылытучы учак
Нур сибүче кояш син безгә.
(Нуриева Сөмбел – бию көнчыгыш).
Алып баручы.
аның назлы карашы, кайгыртуы кирәк. Әниеңне яратуың никадәр зур булса,
яшәвең дә шулкадәр якты, шатлыклы булыр.
Авырлар бер дә кичермә син,
Кыенлыклар бер дә килмәсен.
Синең йөзеңдәге шатлык нуры
Балкып торсын, мәңге сүнмәсен.
Озын булсын синең гомерең,
Тыныч булсын һәрчак күңелең.
Бәхет чишмәләрең мул аксын,
Зур шатлыклар белән таң атсын.
Телим сиңа саулык, озын гомер,
Уңыш телим алгы көнеңдә.
Чикләнмәгән бәхетләргә иреш
Тормышыңның һәрбер көнеңдә.
3 класслар җыр: “Әниемә”.
Зур бәхетләр юлдаш булсын сезгә,
Көнегезне шатлык бизәсен.
Сәламәтлек – ярты бәхет, диләр,
Шушы бәхет читләп үтмәсен.
Сезгә булган безнең хөрмәтебез
Урын алсын йөрәк түрендә.
Зур бәхетләр, шатлык – куанычлар
Юлдаш булсын сезгә гомергә.
4 класслар – җыр.
Алып баручы.
- Бүгенге кичәдә катнашучы апалар әни булу өстенә әле алар әбиләр, оныкларының яраткан – дәү әниләре дә. Дәү әниләр – нәни оныкларын тәрбияләүгә күпме көч куялар. Матур җырлары, бәетләре, мөнәсәбәтләре аша күңелләргә нәфислек, рухи байлык иңдерәләр. Татар халкында шундый гыйбарә дә бар бит әле: “Балам баласы – балдан татлы”.
(Әбиләргә сүз бирелә).
Күпме генә бәхет теләсәк тә,
Бик аз булыр кебек тоела.
Сәламәтлек, бәхет, шатлык белән
Яшик әле гомер буена.
Җир йөзенең бөтен матурлыгын
Килә сезгә бүләк итәсе.
Дөньядагы матур сүзләрнең дә
Иң җылысын килә әйтәсе.
Имин булып атсын таң кояшы,
Йөзегезгә нурлар сибелсен.
Һәр яңа таң сезгә бетмәс шатлык
Һәм гомерлек бәхет китерсен.
Алып баручы.
Чәчәк бәйләме сузсак,
Үрелеп ала алмассыз.
Җыр бәйләме бүләк итсәк,
Кабул итми калмассыз.
Ибраһимова Венера – җыр.
Ата – ана хакы, дигән
Кануннар яшәп калсын.
Гаиләләр һичкайчан да
Кыйбласын югалтмасын.
Ата – анадан башка
Бар нәрсә дә табыла.
Һәр бала ата – анага
Изге итеп табына.
Тәмам.
