Бастауыш сыныптарды? АЛТЫН К?З мерекесі

«Васильковка негізгі мектебі» КММ

Бастауыш сынып мұғалімі

Саржанова Асем Саржановна

Ашық тәрбие сағатының тақырыбы: «Қош келдің, әсем де сұлу, Алтын күз!»

Мақсаты: Мектебімізде өткізіліп жатқан  «Қош келдің, әсем де сұлу, Алтын күз!» мерекесіне ұйымшылдықпен қатыса отырып, күз-байлық, күз-береке, күз – молшылық, күз – шаттық,  күз-қуаныш  екенінін  оқушы санасына жеткізу. Өздеріне ерік бере отырып, ауызбіршілікке, ынтымақтастыққа баулу.

Көрнекілігі: тақырыптың аты, конверттер, түрлі-түсті жапырақтар, топтың аты жазылған қағаздар, нөмер жазылған фигура, асық, қоржын, қатысушылардың мойнына сары галстук.
Жоспары:

1. Таныстыру (топтың аты, топтың ұраны)

2. Үй тапсырмасы (плакатка А2 плакатына күздің суретін салып, қорғау)

3. «Күзге сағыныш» (белгілі ақындардың өлеңін мәнерлеп жатқа айту)

4. «Қосылшы менің әніме» (күз тақырыбына немесе қазақ жерінің табиғаты туралы ұстазбен ән шырқау)

5. «Жапырақтар жайқалып» (би өнері)

6. Сән үлгісі (өз шығармашылықтары)

7. «Білгенге - маржан» (сұрақ-жауап)

8. «Күзгі дәм» (күзгі өнімдерден үйден тағам дайындап әкелуі керек)

9. Қорытынды

10. Жәрмеңке

Барысы:

Кеш жарық, қымбатты ұстаздар, оқушылар!   «Қош келдің, әсем де сұлу, Алтын күз!»  атты күзгі бал кешіне қош келдіңіздер.  Берекелі, мерекелі алтын күз құтты болсын! Қасиетті күз мезгілі туралы бір сөзбен айтып жеткізу мүмкін емес.  Күз дегеніміз – жазира даланың дархан дастарханы.   Күз дегеніміз – байлық, молшылық.
Сыр беріп алтын күз келіп жетті,
Жылы жаққа құстар да ұшып кетті.
Күз болып жердің беті жайқалды

- деп келе бүгінгі Алтын күз мерекесін бастауға рұқсат етіңіз.
Ортаға сайыскерлерімізді шақырамыз. (музыка әуенімен ортаға шығады)

Баяғы өткен заманда
Дін мұсылман аманда
Әділдік іздеп екі адам
Биге барып бас қосқан,
Ал, бүгінгі заманда
ЖЮРИ деген ат шыққан
Қазақшаға аударған соң,
Әділ қазы деп шыққан.
Сайыс болғандықтан сайыскерлерімізді бағалайтын әділқазы алқасымен таныстырып өтейін:

1.

2.

3.

4.
Бүгінгі кешіміздің бағдарламасымен таныстырып өтейін:
1. Таныстыру (топтың аты, топтың ұраны)

1. Үй тапсырмасы (плакатка А2 плкатына күздің суретін салып, қорғау)

2. «Күзге сағыныш» (белгілі ақындардың өлеңін мәнерлеп жатқа айту)

3. «Қосылшы менің әніме» (күз тақырыбына немесе қазақ жерінің табиғаты туралы ұстазбен ән шырқау)

4. «Жапырақтар жайқалып» (би өнері)

5. Сән үлгісі (өз шығармашылықтары)

6. «Білгенге - маржан» (сұрақ-жауап)

7. «Күзгі дәм» (күзгі өнімдерден үйден тағам дайындап әкелуі керек)

8. Қорытынды

9. Жәрмеңке

Ал енді осымен сайысымызды бастаймыз. Ол үшін әр топтың басшысы шығып қоржыннан асық алуы тиіс. Сол алған асықтағы белгіленген нөмір бойынша сайысқа түседі.(әр топтың басшысы шығып, асық алады. Сол бойынша тобының нөмерін біліп, номерлері жазылған партаға жайғасады) 

Білім- теңіз,   мектепті -  кеме   дейміз,

Білім мен тәрбие егіз неге дейміз?

Әдемі мен тәлімі үндесетін,

Жастарды болашаққа жетелейміз.

Жеңістер мен жеңілістен тұратын

Өмір-күрес, жеткізе ме мұратын.

Жеңбедім деп,  жеңілдім деп ренжімегің,

Қатысу да бір жеңіс, жан болсаң сен ұғатын,-

 деп кешіміздің алғашқы шарттарына кезек берейік.

1. Таныстыру. (топтың аты, топтың ұраны)

Келесі екінші сайысымыз «Үй тапсырмасы». Мұнда әр топ үйден күздің суретін салып, оны қорғауы керек. Ендеше әр топ басшысы ортаға шығып, топ нөмері бойынша салып келген суреттеріңізді қорғайсыздар.

Табиғаттан бабамыз ала берген секілді,

Дархандықты қазаққа дала берген секілді

Еркелікті желден алған секілді

Мөлдірлікті көгілдір көлден алған секілді

-деп Қадыр Мырзалиев ағамыз жырлағандай, бүгінгі күзгі балл мерекемізді табиғатты аялау, табиғат сұлулығын сақтау тақырыптарымен ұштастырсақ артық айтпаған болар едік. Мұнда қатысушыларымыз  күз тақырыбына белгілі ақындардың өлеңдерінен  көркем сөз оқиды.   Құрметті әділқазылар алқасы оқу мәнеріне, сөйлесу шеберлігіне баға бересіздер.

3. «Күзге сағыныш»  (белгілі ақындардың өлеңін мәнерлеп жатқа айту)

Алтындай сылдырлайды күздің үні,

Жібектей майда шуақ алтын күні.

Биылғы мерекелі нұрлы күздің

Тамаша бірдей сұлу күн мен түні

Сондықтан биылғы күз мерекелі,

Байлығы өте-мөте берекелі

Мәз-мейрам барлық ұлт шат, байлығы мол,

Міне осы, шын бақытты ел екені.

Табиғат – күллі тіршілік атаулының құтты қонысы, алтын ұя бесігі, құт берекесі. Осы табиғаттың төрт мезгілінің өзіне тән ерекшелігі, жақсылығы, әр түрлі мерекесі, берекесі бар. Соның ішінде күздің алатын орны ерекше. Күз мезгілі адамның ішкі  жан дүниесін  оятып,   сағыныш әлемінде  тербейді. Ендеше,

4. «Қосылшы менің әніме» (күз тақырыбына немесе қазақ жерінің табиғаты туралы ұстазбен ән шырқау)

Алтын күз бірде шуақ, бірде салқын,

Жер мен көк жалтыраған сап-сары алтын

Ағашта жапырақтар сылдырлайды,

Төгілген алтын теңге сансыз жалқын.

Сары алтын батса дала мидай,

Үйілген мая-мая қызыл мидай

Қырманда қызыл алтын, қызыл маржан,

Жайнайды жаратылыс берген сыйдай,

-деп Сәкен Сейфуллин ағамыз алтын күзді керемет шабытпен сары алтынға теңеп жырлаған екен. Қазақ өнер десе ішкен асын жерге қоятын халық қой. Ендеше, құрметті көрермендер

5. «Жапырақтай жайқалып» би өнеріне   кезек берейік.

Бүгінгі кеш өтіп жатыр өз мәнімен,

Әр сұлу әсем болар өз жанымен

Өз қолынан шығарған киім үлгісін

Сіздерге көрсетеді өз сәнімен, - дей келе келесі кезекте сән үлгісі.

6. «Сән үлгісі»  (музыкамен күз элементтерінен сән үлгісін көрсету)

Келесі 7. «Білгенге - маржан» сайысы. Сайысымыздың шарты бойынша әр топтың басшысы ортаға келіп, үстелдегі конверттерді таңдайды. Күз туралы сұрақтарға жауап береді. (әр топтың басшысы шығып, конвертті таңдап алғаннан кейін өзінің тобына барып 2 минут ақылдасады. Осы кезде музыка ойнап тұрады)

8. «Күзгі дәм» (күзгі өнімдерден үйден тағам дайындап әкелуі керек)

Білім аққан сел дейді,

Бірақ оңай келмейді.

Ала білсең білім көп,

Ақыл ойға кел дейді

Білім ой мен арымыз,

Рухани ол нәріміз

Сайыскерлер сіздерге,

Қол соғамыз бәріміз!

9. Қорытынды

Қатысушылармыз өз тапқырлықтарын, шеберліктерін білдірсе, шығармашылығымен танылса,  арайлы алтын күзіміздің жүлдегерлерін анықтайық. Ендеше кезекті әділқазылар алқасына сөз береміз. (әділқазылар ақылдаса отыра мадақтау қағазымен топтарды марапаттайды)

Өнерлерің өрлей берсін, қайыспаңдар,

Ойлы орта кеңейсін күннен-күнге

Өскен елдің жұртынан қалыспаңдар,

-деп отырып бүгінгі «Қош келдің, әсем де сұлу, Алтын күз!» атты кешімізді аяқтай отырып, мектеп оқушылары ұйымдастырған жәрменкені тамашалаңыз. Жеңісті күндерде кездескенше, достар!!!