Аттанды? бала ша?тан-болаша??а

«Аттандық бала шақтан – болашаққа» атты бассстааауышпе қоштасу кешінің сценарийі

Мектеп: С. Шаймерденов атындағы қалалық классикалық гимназия

Сыныптар: 4а,4ә

Сынып жетекшілері: Уалиева Г.С. Мұхамеджанова Б.А

Өтетін орны: спорт зал

Безендірілуі: шарлар,кілем, презентациялар,баннер

Барысы:

І бөлім- «Жұлдызды шеру»

Фанфары ойналады.

Қазақ биі. «Туған жер» би ансамбілі

Жүргізушілер ортаға шығады:

1ж:

Бүгін міне қоштасады бастауышпен балбұлақ,

Әніменен жырына, тарландарым сал құлақ,

Кеше сәби, бүгін міне, жас түлек.

Лаулап жансын болашағың шамшырақ.

2ж: Қош келіпсіз, ақ жаулықты аналар,

Жүздеріңнен мейірім мен нұр тамар.

Алдарыңызда жауқазындай құлпырған,

Бұл алаңсыз балғын шақты балалар.

Қош келіпсіз, өр тұлғалы әкелер,

Қыран құстай болашағын мәпелер.

Бүгін, міне бастауышпен қоштасады,

Азамат боп, кешегі сәби - еркелер.

1ж:

- Бұл оқу тамақ болар қарны ашқанда

Жол табар қараңғыда адасқанда

Мал озбас, біле білсең білім озар

Ақыры керек болар бір сасқанда - деп Міржақып ақын айтпақшы, тарыдай болып кіріп, ақыл ойлары толысып, оң мен солын танып жақсы мен жаманды айыра білуді үйренген шәкірттеріміздің ұйымдастыруымен өткізгелі отырған «Аттандық бала шақтан – болашаққа» атты мерекесін бастағалы отырмыз.

2ж: Қош келіпсіздер құрметті қонақтар! Бүгінгі күн осында отырған бәріміз үшін ерекше күн. Оның ерекшелігі сол, осыдан 4 жыл бұрын мектеп табалдырығын жүрексіне аттаған балаларыңыз білімнің негізі болатын бастауышта оқып, білім алып, қанаттарын қатайтып бастауыш сыныппен қоштасқалы отыр.

1ж: Бүгінде бұл бүлдіршіндерді аспандағы жұлдыздармен тең десек те қателеспейміз. Себебі, мектеп табалдырығын аттағанда оқимын, білемін, көремін деп келген бұл шәкірттер бүгінде өз орны бар жарық жұлдыздай жарқырып, жайнап болашаққа аттанады.

2ж: Толқимыз, толқып тұрсыз баршаңыз да

Мұндай күн болған, сірә, қаншаңызда

Қол соғып, қошеметтеп шақырайық

Ұстазы мен шәкірттерін ортамызға

4а сынып жетекшісі: Уалиева Гүлзира Серікқызы

1ж: 4ә сынып жеткешісі Мұхамеджанова Ботагөз Аскерқызы.

(музыка әуенімен бастауыш сынып түлектері ортаға келеді)

4а сынып жұлдыздары:

....

4ә сынып жұлдыздары:

......

ІІ бөлім- «Бастауышым –бал-бұлағым»

(оқушылар өнері)

1ж: Мектеп - кеме, білім - теңіз,

Барар жерге тез жетеміз.

Адаспаймыз ұлы жолда,

Ұстаз берген білім қолда.дегендей, сіздердің алдарыңызда тұрған 4 - сынып оқушылары осыдан 4 жыл бұрын 6 жасар бала болса, бүгін міне, ес біліп, етек жиған шәкірт. Міне, бүгін біздің бүлдіршіндер өміріне өшпес із қалдырған бастауыш сыныбымен қоштасып, бір жылға тағы да есейгелі отыр. Ендеше қызықты да ғаламат өзгерістер сыйлаған, білім нәрімен сусындатқан, өмірде өз жолдарын табуға жол сілтеген ұстаздарына, ата - аналарына өз өнерлерін көрсетуге дайын. Олай болса 4а сынып оқушыларына сөз кезегін берейік.

Сөзді 4а сынып алады

(4а сынып өз өнерлерін көрсетеді)

1. «Білім-кеме,мектеп-теңіз» слайд фильм

2. «Тойбастар» күйі (домбырашылар тобы)

3. «Жыр шашу» мектеп, ұстаз, білім туралы тақпақтар

4. Ән: «Үйретеді,үйретеді мектепте»

5. Орыс тілінде тақпақтар

6. Ән: «Мы желаем счастье вам»

2ж: Өтті сенде қызық шағым

Бастауышым - бал бұлағым

Алдым сенен балдың дәмін

Рахметімді жаудырамын,деп сөз кезегін 4ә сыныпқа береміз.

Сөзді 4ә сынып алады

(4ә сынып өз өнерлерін көрсетеді)

Ән «Мектебім» 4а,4ә сынып

ІІІ бөлім-«Шын жүректен»

(Құттықтау рәсімі)

2ж: Ажырамай мектептен бір елі сіз,

Жақсылыққа жаралған жүрегіңіз.

Сөз берелік құрметпен өзіңізге,

Шәкірттерге арналсын тілегіңіз,- дей келе құттықтау сөз мектеп директоры Муканова Күлтай Ахметқызына беріледі.

1ж: Сертификат

С. Шаймерденов атындағы қалалық классикалық гимназияның оқушысы........................................................... бастауыш сыныбын аяқтағаны үшін беріледі. (фамилиялар ғана айтылып тұрады, оқушы келіп алады.)

(құттықтау сөз сертификаттар тапсыру және ата-аналарды марапаттау)

1ж:

Ана жанын ана болсаң ұғарсың,

Алдыңдағы ол бір биік құз бен шың,

Балаң үшін кеуде керіп қуанып,

Балаң үшін биіктен де құларсың

Сөз кезегін ата - аналарға береміз.

(екі сыныптан бір-бір ата-ана шығып құттықтау сөз алады)

1ж: Өнерпаздар ортамызда әлі бар

Бишілердің билеп берер сәні бар

Қошеметтеп, қол соғып қарсы алайық

Вальс биін билеп берер ұл, қыз бар.

Вальс биі

2ж: Алғашқы ұстаз, ерекше тұлға, дара шың

Ұмытылмастай көңілде мәңгі қалатын

Сағына әркез суреттерді парақтап

Шәкірттерін жиі еске алатын

1ж: Әліппемен аштым өмір есігін,

Тербетемін білім бөбек бесігін.

Өмір деген өрлі өзенге шомылып,

Жаттап өстім ұстазымның есімін

2ж: Әлі есімде әліппені ашқаным

Есіміңді есте мәнгі сақтадым

Жүрегіме нұрын құйған жылылық

Көрген емес ешқашанда суынып

-дей отыра құттықтау сөз кезегін бүгінгі түлектердің ұстаздарына береміз.

(Сынып жетекшілері сөз алады)

Ән: «Ұстазым»

(екі сынып оқушылары барлық ұстаздарға гүлдер таратады)

ІҮ бөлім- «Ақ жол, жас түлек»

1ж: Шәкірттердің қанаттары талмасын

Көк аспанда қыран болып самғасын

Бата тілеп, барша мына ұл қызға

Ақ матадан ақ жолақтар жайылсын, дей отырып, «Бала шақтан – болашаққа» аттанып отырған шәкірттерді ақ жолмен өткізуді жөн көрдік.

2ж: Шәкірттеріміздің алар асулары, биік белестері, қиял-армандары алда. Сол арманға жетер жолдары ақ болсын деген ниетпен шәкірттерге ақ жол төселеді.

(Сынып жетекшілері ақ жол матасын төсейді)

1ж: Шәкірттеріміздің бойында мол білім, адалдық, инабаттылық, парасаттық, күш-қайрат болсын деп тілейміз.(шарлар ілінген, сөздер жазылған аркалар ортасынан өтеді)

(екі сынып музыка ырғағымен ақжолмен шығып кетеді, музыка жүрып тұрғанда жүргізушілер тақпақ оқиды)

2ж: Арман ойын жеткізген тілектермен,

Қимас сезім туғызған жүректерден.

Қадамыңа сәттілік, ақ жол тілеп

Қоштасамыз бастауыш түлектермен!

1ж: Мойытпасын қиындықтар сендерді

Батылдықпен асыңдар сан белдерді

Біліміңмен қуантсаңдар мектепті

Жақсы іспен қуантыңдар елді енді.