Асыл Анам-аяулым!

Досаханова Жанылсин Наримановна №1 Т.Әлиев атындағы орта мектеп Жаңаөзен қаласы Маңғыстау облысы

Тақырыбы: Асыл Анам-аяулым!
Сабақтың мақсаты:
1.Анаға деген мейірімділік,сүйіспеншілік сезімдерін арттыру.Ананы құрметтеп, сыйлай білуге үйрету.
2.Аналар туралы өлең шумақтарын мәнерлі,сауатты,анық оқи алуға машықтандыру.Оқушылардың бойындағы жеке қабілеттерін,таланттарын дамыту.
3.Ізгілікке,инабаттылық,сыйластық,адамгершілік сияқты қасиеттерін тәрбиелеу.
Сабақтың көрнекілігі:
Аналар туралы қанатты сөздер,аналардың фотосуреттері,плакаттар,гүлдер,шарлар.
Сабақтың жүрісі:
Мұғалім:
-Құрметті қонақтар,асыл аналар,ұстаздар және қыздар. Бүгін бізде үлкен мереке.Ол аналарға арналған«Асыл анам-аяулым!» деп аталып отырған ашық тәрбие сағаты.
Бұл тәрбие сағаты 8-наурыз Халықаралық әйелдер күніне байланысты аталып отыр.
-Құрметті аналар,мейрамдарыңыз құтты болсын!
Әр жанұяға тыныштық,денсаулық,амандық тілейміз!
Құрметтейік,о адамдар,аналарды,
Бізді өмірге әкелген даналарды.
Себебі ана деген асыл жан ғой,
Ойлаумен істелік әр қадамды.
Әуен ойнап сыныпқа оқушылар кіреді.
Хормен:Мерекелеріңіз құтты болсын,сүйікті аналар.
1-бөлім«Тіршілік тірегі-ана!»
1-оқушы:
О,Ана,абзал Ана,асылдарым!
Жайнайсын көңіліңнің жасыл бағы.
Сіздер үшін ән мен күй ,өлең мен би,
Сіздер үшін мереке шашулары.



2-оқушы:
Ана деген –жүректің батырлығы,
Ана болу-өмірдің мақұлдығы.
Ана деген-бар өмірдің қызығы,
Азбайтұғын адамның асылдығы.
3-оқушы:
О,Ана,Ардақты Ана,Асыл Ана!
Аз сөзбен қасиетің ашыла ма?
Теңіздей шалқып жатқан жан сырың
Бұл тілек бұлақ басы ғана.
4-оқушы:
Ардақты анам,асыл анам,қымбаттым,
Тәтті ұйқыңды талай бөліп үн қаттың.
Әлпештедің,аяладың,өсірдің,
Кең құшағың аясындай гүл бақтың.
5-оқушы:
Ана деген-асылы ғой даланың,
Ана деген-сағынышы баланың.
Бұл өмірге қуанышпен нұр төккен,
Бас иеміз аналардың алдында. Хормен айту.
Өлең:
2-бөлім:«Ана деген қандай адам?»
6-оқушы:
Ана дегеніміз-өмірдің бастауы мен таусылмайтын жалғасы.
7-оқушы:
Ана-тіршілік көзі,махаббат пен шабыттың нәрі.
8-оқушы:
Ана-өмір гүлі.Ана деген сөз барлық халықтың тілінде жылы естіледі.

9-оқушы: 
Ана-сұлулық,жарасымдылық,көріктілік.
10-оқушы: 
Ана-әлемдегі ең қамқор адам.
11-оқушы:
Ана-әр үйдің алтын қазығы.
Өлең:
3-бөлім:«Құттықтаймыз анамызды»
12-оқушы:
Ана-біздің күніміз,
Ана-біздің гүліміз.
Аналарды қуантып ,
Ұзақ өмір сүріңіз.
13-оқушы:
Мәпелейсің мені,анам,
Қолыңдағы құсыңдай.
Құлпыра өсіп дем алам,
Құшағыңда қысылмай.
14-оқушы:
Аялаған, саялаған,
Бар бақытым,берекем,
Апатайым,құттықтаймын,
Бүгін сенің мерекең.
15-оқушы:
Өзіңсің,сүйікті анам,құдіретім,
Жанымды жадыратып күлдіретін,
Сендегі маған деген мол мерейді,
Нұр толы қос жанарың білдіретін.

16-оқушы:
Бізді өсірген анашым,
Еңбегің де зор екен.
Құтты болсын анашым,
Құтты болсын мерекең.
17-оқушы:
Үлкенмін ғой мен енді,
Жудым бүгін еденді.
Аналарға арналған
Жаттап алдым өлеңді.
18-оқушы:
Өлең айтып беремін,
Нан да алып келемін,
Өйткені мен анамды
Өте жақсы көремін.
19-оқушы:
Бәрімізге анасыз,
Біз үшін күн боп жанасыз.
Құтты болсын мейрамыңыз,
Құттықтаймыз,анашымыз.
20-оқушы:
Анамыздай аялаған,баптаған,
Ұстаздарым ізгілікке бастаған,
Барлық ұстаздарды
Сіздерді де құттықтаймыз. Хормен айту.

21-оқушы:
Оқуды да ойлаймыз,
Бірге күліп ойнаймыз,
Қыздарды да аялап,
Мерекесімен сыйлаймыз.
Өлең:
4-бөлім:Концерт