«Туған жерін» ән еткен Е.Хасанғалиев

Сабақтың тақырыбы «Туған жерін» ән еткен Е Хасанғалиев

Сабақтың мақсаты Әнмен,әншімен және сазгермен танысу

Дамытушылық Кәсіби сазгердің әншінің ерекшеліктерін танып білу,

теориялық музыкалық білімді дамыту

Көрнекілігі суреттер, үнтаспа

Сабақтың түрі Жаңа сабақ

Сабақтың барысы Ұйымдастырушылық кезең

Ескендір Өтегенұлы Хасанғалиев (1940 жылы Орал облысында туған) - әнші (лирикалық баритон), композитор,1984жылы Қазақстан Республикасының халық артисі. Құрманғазы атындағы Алматы мемлекеттік консерваториясының вокальды-хорлық факультетін Е. Виноградов пен Н. Шарипованың класы бойынша курсты, Әль-Фараби атындағы Шымкент мәдениет институтын бітірді. 1970 жылдан бастап, Қазақ радиосы мен теледидарының солисі. Е. Хасанғалиевтің орындау мәнері жоғарғы кәсіби деңгеймен ерекшеленеді. Ол Қазақстанның белгілі эстрадалық әншілері орындайтын көпшілікке жақсы танымал әндердің авторы. Құрмет» орденімен марапатталған (2000).

Шығармашылығы

Хасанғалиевтің "Әдемі", "Асыл арман", "Өмірімнің жазы", "Атамекен" әндерін тек Қазақстан тыңдармандары емес, шетелдерде де ықыласпен қабылдайды. Е. Хасанғалиев шығармашылығына тақырыптың әмбебаптылығы, материалды берудің көп салалығы тән. Ол музыканы қазақ, орыс, ұйғыр, татар, неміс ақындарының сөзіне жазды.қазіргі қазақ композиторларының ән-романстарын нақышына келтіре, шебер орындайды. Xасанғалиев - танымал композитор. Оның бірнеше ән жинағы жарық көрді. Xасанғалиев әндерінің тақырыбы сан алуан. Ол қазақ, орыс, татар, неміс ақындарының туған ел, еңбек, жастық шақ, махаббат тақырыбындағы өлеңдеріне көптеген ән жазды. Хасанғалиев гастрольдік сапармен Моңғолия (1975), Болгария (1982), Югославия (1968), Алжир (1969), Сирия мен Ливан (1973), Швеция және Финляндия (1970), т.б. елдерде болды. Қазақстан Комсомол сыйл. иегері(1970)

Атамекен

Жасыл жайлау түкті кілем көк кілем

Көк кілемде көп ойнаймын көп күлем

Маңдайымнан сипап өткен самалды

Қазагымның алақаны деп білем

Қайырмасы

Қайда жүрсем атамекен

Көкейіңде жатады екен

Күннің өзі қимай оны

Ұясына батады екен

Жасыл жайлау түкті кілем көк кілем

Көк кілемде көп ойнаймын көп күлем

Күннің нұрын айдың аппақ сәулесін

Қазағымның махаббаты деп білем

Қайырмасы

Жасыл жайлау түкті кілем көк кілем

Көк кілемде көп ойнаймын көп күлем

Асқар тауын аспаныммен астасқан

Қазағымның мәртебесі деп білем

Қайырмасы

Музыка тыңдау

Үйге тапсырма

Бағалау

Қорытынды