Н?р?иса - ?лы т?л?а

Сабақтың тақырыбы: «Нұрғиса-ұлы тұлға»

Сабақтың мақсаты: Нұрғиса Тілендиевтің өмірі,еңбектері, өнер саласындағы

жетістіктері туралы айту.

Білімділік: Нұрғисаның өмірі мен шығармашылығын оқыту арқылы оқу-

шылардың білімдерін толықтыру,Сазгердің әндерінен көріне-

тін еліне, халқына деген махаббатының мән мағынасын ашу, оқушыларға деңгейлік тапсырмалар беру арқылы алған білімдерін бағалау.

Дамытушылық: Өнерге айналған өмірді танып білу; музыкаға деген қызығушылығын ояту;тарихи және ғылыми деректер арқылы баланың танымын дамыту.

Тәрбиелік: Оқушыларға Нұрғисаның өнерін үлгі ету, сазгер күйлеріне қызығушылығын және музыка мен туған жерге деген сүйіспеншілігін арттыру.

Нұрғисаның бейнесі арқылы үлгі- өнеге алуға шақыру.

Сабақтың түрі: Панарамалық сабақ.

Сабақтың әдісі: дамыта оқыту.

Сабақтың көрнекілігі: интерактивті тақта, слайдтар,күйлері, әндері жазылған үнтаспа.

Сабақтың барысы.

1. Балалардың қызығушылығын ояту.(Жауап алу).

1. Нұрғиса туралы мәлімет беру.

Нұрғиса Атабайұлы Тілендиев 1925 жылы 1 сәуірде Алматы облысы Жамбыл ауданында дүниеге келген. Әкесінен 5 жасында айырылады,қайтыс болар алдында Тіленді бар жиған тергенін сатып екінші Алматы вокзалының жанынан кішкентай ғана үй сатып алып отбасын көшіріп әкеледі. Нұрғисаның таланттылығының барын сезген Ахмет Жұбанов оны өз қолымен жетектеп П.И.Чайковский атындағы музыкалық училищеге алып барады. Күйшілік өнерімен көзге түсіп, 12 жасында А.Жұбановтың ұйымдастыруымен құрылған Құрманғазы атындағы ұлт аспаптар оркестрінің құрамына қабылданады.

12 жасында сол оркестрге концертмейстер,14 жасында дирижерлік мінбеге шығады.

Ұлы Отан соғысы басталған кезде көппен бірдей соғысқа аттанады.Соғыста үш рет жараланып,өлім аузынан қалады.Соғыстан оралғаннан кейін М.Төлебаевтың баулуымен Москва консерваториясының опера- симфониялық факультетіне оқуға түседі. Сөйтіп ол Москва және Алматы консерваторияларын тәмамдайды.

Нұрғисаның 400-ге жуық әндері бар.

«Қарлығаштың құйрығы неге айыр?», «Қырық өтірік», «Ақсақ құлан» сияқты 20-ға жуық мультфильмдерге, «Қыз Жібек», «Құлагер», Менің атым Қожа», «Алпамыс мектепке барады», «Көксерек» сияқты 25 кинофильмдерге музыка жазады. «Көш керуен», «Ата толғауы», «Аққу», «Әлқисса», «Аңсау», «Махамбет» күйлері өмірдің өзінен өрілген нұрлы әлем , сұлу саз емес,қазақтың табиғаты, болмыс-бітімі,шежіресі. Тоқырау жылдарының өзінде «Отырар сазы» ұлттық-этнографиялық оркестрін құрды.

Елбасының Жаллығымен КСРО халық артисі, Қазақстан мемлекеттік лауреаты,ұлттық музыка өнерін дамытуға сіңірген аса үздік еңбегі мен жоғары кәсіби шеберлігі үшін «Халық Қаһарманы» жоғары атымен марапатталды. Елбасы Н.Назарбаев Нұрғиса ағамыздың кеудесіне айрықша белгі Алтын белгіні тақты.

1. Музыка тыңдау. «Аққу күйі».

Тілендиевті мақтаудың керегі жоқ,

Тілендиевпен мақтану керек.

( З.Қабдолов)

4.Үйретілетін ән. «Біз-Отанның ұланымыз»

Әнін жазған Н.Тілендиев. Сөзін жазған Т.Молдағалиев.

Әнді үйрету барысында балаларды Отансүйгіштікке, туған жерге деген сүйіспеншіліктерін ояту.

Әнді орындау кезінде көңіл бөлетін жайттар: пауза түрлерін ажыратуұзақтықтарын сезіну, жоғарығы дыбыстарға дәл түсу, еркін орындау.

5. Қорытынды.

Данышпан Абай атамыз айтқандай: «Өлді деуге бола ма айтыңдаршы, өлмейтұғын артында із қалдырған»- дегендей, ұлы талант иесі ешқашанда өлмек емес.

6. Үй тапсырмасы.

Нұрғиса туралы қосымша мәліметтер жинақтау, эссе жазу.