«ӘН - КӨҢІЛДІҢ АЖАРЫ» (сыныптан тыс шара)

«ӘН - КӨҢІЛДІҢ АЖАРЫ»

Мақсаты:

Ән айту қабілетін дамыту.Еңбекқорлыққа тәрбиелеу.

Көрнекілігі: тақырып «Ән көңілдің ажары», шарлар, ноталық суреттер

Әдісі: сайыс

Жүрісі: Ұйымдастыру бөлімі.

/ оқушыларды жинақтау/

Мұғалім:

• Сәлеметсіңдер ме қонақтар, ұстаздар, оқушылар. «Ән – көңілдің ажары» атты ән байқауымызға қош келдіңіздер.

1. Шалқытып сахнада ән салайық,

Өнерпаз өрендерге тамсанайық

Әділдік пен шындықты арқа тұтқан

Әділқазы алқасымен танысайық

1. ТЖО – Есекенова Л.Е

2. Саз пәнінің мұғалімі – Қайсағалиева Р.Ж

2. Мың бұралған арулар билей басып,

Келеді міне ортаға толқып тасып

Аруларын сыйлаған халқым менің,

Көңілді қошеметпен қарсы алайық.

- Айзере қыз өнерлі

Бойға жиған өнерді.

- Жұлдызай қыз елгезек

Алады тез тіліңді

- Жібек қыз білімді

Меңгерген бар ілімді

- Ақша бетті Айнаш та

Ұқсайды хор қызына

/ қатысушылар номер суырып, орындары белгіленеді/

Сайыс үш кезеңнен тұрады. 1. Таныстыру

2. Халық әні

3. Таңдаулы ән (еркін тақ)

1. Бойжеткен арулар келіп жетті танытуға

Бойындағы бар дарынды дамытуға

Қорықпастан сахнаға келіп жетті,

Әдеппен , ізетпенен танысуға

Бұл сайыста үзеңгі қағыстырып

Көрейік, ару қыздарды жарыстырып,

Бұл залда білетін бар, білмейтін бар

Әрбір ару көрсін өзін таныстырып

- Арулар өздерін таныстырады./ әділ-қазылар бағасын береді/

4. Мұңға батқан жүректі ән оятар

Тәтті үннің әсерін жан оятар

Жанға қуат, жүрекке шаттық сыйлап

Жас балаша көңілді жадыратар, - деп екінші сайысымыз халық әнін орындауды бастайық.

1. – халық әні «Гүлдерайым»

2. халық әні «Әгугай»

3. халық әні «Гүлдерайым»

4. халық әні «Бипыл»

/әділ-қазылардан екінші сайыстың әділ бағасын сұрау/

1. Өнері өрге жүзер талаптының

Таланты талмай ұшар қанаттының

Әлди әуен әлемі өнер аты

Шарпып өтсін лебімен қанатының, -дей келе сайыскерлерімізді сүйіспеншілік, мейірімділік мақсатында таңдаған әндерін орындауға ортаға шақырамыз.

1. «Құттықтаймын ана туған күніңмен»

2. «Қос бәйтерегім»

3. «Әкешім»

4. «Ақ мамам»

/ әділ-қазы алқаларынан барлық ұпай сандарын санап, жеңімпаздарды анықтауларын сұраймыз/

ІІ. Қорытынды.

- Қыз баланы, ізетті, инабатты асыл жан етіп тәрбиелеу, қыз сыйлау халқымыздың қанына сіңген қасиет олардың айналадағы адамдармен қарым-қатынас жасай білуіне көңіл бөле отырып, оларға нәзіктік пен сүйкімділік қасиеттерін бере білген , ата-бабаларымыздың ықылым заманнан келе жатқан салт-дәстүрін, әдет-ғұрпын сөндірмей жалғастыратын өнерлі де ибалы боп өссін деген тілекпен кешімізді аяқтаймыз.