Мектебім-алтын бесігім!

Сынып: 1

Пән: музыка

Күні: 15. 09. 2015

Сабақтың тақырыбы: Мектебім – алтын бесігім.

Сабақтың мақсаттары:

1. Білімділік:оқушыларға мектеп туралы әнді үйрету, музыка сабағы жайлы мағлұмат беру;

2. Тәрбиелік: оқушыларды адамгершілікке, өз елін, жерін, Отанын сүюге, оны қастерлеп, құрметтеуге тәрбиелеу;

3. Дамытушылық: оқушылардың ой-өрісін кеңейту, патриоттық сезімдерін ояту, еңбекке баулу.

Сабақтың тегі: жаңа сабақ

Сабақтың әдіс-тәсілдері: әңгімелеу, сұрақ-жауап, көрнекілік.

Сабақтың көрнекіліктері: суреттер, үнтаспа.

Сабақтың барысы:

І. Ұйымдастыру кезеңі:

Оқушылармен амандасу, сабаққа даярлықтарын тексеру, назарларын сабаққа аудару.

Психологиялық дайындық:

• Екі көз не үшін керек?

• Жақсыларды көру үшін керек.

• Екі құлақ не үшін керек?

• Ақыл-кеңес тыңдау үшін керек.

• Екі қол не үшін керек?

• Елге көмек жасау үшін керек.

• Екі аяқ не үшін керек?

• Туған жерге жету үшін керек.

ІІ. Жаңа сабақ:

• Музыка – ғажап әлем. Оның сиқырлы есігін ашатын музыка сабағы. Қазір, мына суреттердің басқы әріптерінен сөз құраймыз. Қандай сөз шықты?

• Балалар, музыка сабағын мұғалім жүргізеді. Музыка сабағында сендер қандай әрекет жасауларың керек? Мына суреттерден дұрысын тауып, әңгімелеп беріңдер.

• Біздің айналамыз шулы және музыкалық дыбыстарға толы. Суреттерде не бейнеленген? Музыкалық немесе шулы дыбыстарды қай суреттен байқауға болады?

Мектебім – алтын бесігім

Өлеңін жазған: Ә. Асылбек

Әнін жазған: К. Қуатбаев

Сыңғыр-сыңғыр қоңырау –

Сыңғырлаған көңіл-ау.

Алып-ұшып жүректер,

Гүлге толды омырау.

ІІІ. Сабақты бекіту:

Музыка бір-бірімен байланысқан музыкалық дыбыстардан тұрады. Әдемі үйлескен дыбыстар әуен болып шығады.

ІҮ. Қорытынды:

• Бүгін қандай тақырыппен таныстық?

• Қандай тапсырма сендерге ұнады?

- Қандай әнді үйрендік?

- Музыка сабағын кім береді?

Ү. Мадақтау.

Сабаққа белсенді қатысқан оқушыларға көрнекіліктер таратып, оларды мадақтау.