Конспект урока музыка, для урока Жаяу М?саны? "А? сисасы"

Сабақ жоспары

Күні:________

Сыныбы: 3 ^{а,ә,б,в,г}

Сабақтың тақырыбы: Жаяу Мұсаның «Ақ сисасы»

Сабақтың мақсаты:

а)білімділігі: Жаяу Мұсаның «Ақ сисасы» әнінің шығу тарихын білу.

ә)дамытушылығы: Оқушылардың ән айту қабілеттерін дамыту.

б)тәрбиелігі: Адамгершілікке тәрбиелеу.

Сабақтың түрі: аралас сабақ

Сабақтың көрнекілігі: Біржан сал суреті

Сабақтың барысы:

І.Ұйымдастыру кезеңі: сәлемдесу,сыныпты түгендеу

ІІ. Үй тапсырмасы: «Ләйлім шырақ»туралы мазмұндама

ІІІ. Жаңа сабақ

Адамның сезімін тербеп, өмірдің сырын шешуге талпындырып жатады. Сондай әндерінің бірі- Жаяу Мұсаның «Ақ сиса» әні.

Атақты әнші Жаяу Мұсаның жалғыз аты болды.Сол атына мініп, ел аралап, халыққа өнерін көрсетіп жүреді. Мұсаның беделі халық арасында арта түскен кез.Бір күні Шорман байдың баласы Мұстафа Мұсаның жалғыз атын тартып алады.

Осылайша өнерімен халыққа атағы жайылып бара жатқан Мұсаның жігерін басып тастамақшы болады. Бірақ Мұса бұрынғы аралаған ауылдарын жаяу кезіп, Мұстафаның жасаған қиянатын әнге қосып, ел арасында айтып жүреді.

Осыдан бастап әнші «Жаяу Мұса» атанып кеткен екен.

Әнді естігендер Шорман мен оның баласы Мұстафаның жасаған қиянатын аңыз етіп айтады. Жаяу Мұсаның бұл әні тез арада халықтың сүйіп тыңдайтын әніне айналады. Адамның астындағы атын тартып алуға болады, ал халықтың жүрегінен орын алған әнді тартып алу мүмкін емес еді. Сойтіп, бұл ән ел арасында «Ақ сиса» деген атпен таралып кетеді.

Ән орындайық: Ана тілін сүйемін

Әнін жазған: И.Нүсіпбаев, Өлеңін жазған: Қ.Толыбаев

Жаяу Мұса Байжанұлы ( 1835-1929) – Павлодар облысындағы Баянауыл ауданында дүниеге келген. Жаяу Мұса өмірінің қиындығына қарамастан, өте ақ жарқын, ақ көңіл адам болған. Оның әндері жеңіл әрі әзілге толы. Жаяу Мұса өзінің асқан әншілігімен қатар орыс тілін жақсы меңгеріп, скрипка мен балалайка аспаптарында ойнаған.

Ақ сиса

Жаяу Мұса

Ақ сиса,қызыл сиса,сиса,сиса.

Қалмайды кімдер жаяу зорлық қылса.

Шорманның Мұстафасы атымды алып,

Атандым сол себептен Жаяу Мұса.

Ақ сиса, қызыл сиса,сиса,сиса.

Жүрмейді кімдер жаяу зорлық қылса.

Байлары орыс-қазақ қашқын дейді,

Көрер-ем қашқындықты күнім туса.

Ақ сиса,қызыл сиса, сиса,сиса.

Жүрмейді кімдер жаяу зорлық қылса.

Аттыдан жаяу жүріп кек аламын,

Жігіттер шамаң келсе маған ұқса.

IV.Жаңа білімді бекіту:

• Не себепті атақты Мұса «жаяу» атанып кетеді ?

• Ақ сиса әнін кімдер жеткізген?

V. Қорытындылау

VII.Үйге тапсырма беру: Жаяу Мұсаның «Ақ сисасы» оқып келу

VI.Бағалау