Ежелгі музыкалық аспаптар- дабыл,дауылпаз,-барабаны,асатаяқ-ложки,қоңырай-бубенцы, даңғыра-дойра дабылпаз.

Күні:

Сабақтың тақырыбы: Ежелгі музыкалық аспаптар- дабыл,дауылпаз,-барабаны,асатаяқ-ложки,қоңырай-бубенцы, даңғыра-дойра дабылпаз

Сабақтың мақсаты: Ежелгі музыкалық аспаптармен оқушыларды таныстыру.

Білімділік мәні : Оқушылардың жан – жақты білімдерін

арттыру.

Дамытушылығы: Жас өспірімдердің музыкаға деген

ықыласын дамыту,есте сақтау, ырғақты

айыру,тыңдай білу, айыра білу, есту

қабылеттерін қалыптастыру, дамыту.

Тәрбиелік мәні : Күйші композиторларының музыкалық

шығармалары арқылы халық

музыканың тәрбиелік мәнін

тыңдату , сезіну , арқылы бойына сіңіру.

Сабақтың түрі: дәстүрлі

Сабақтың типі:Жаңа сабақты меңгерту

Сабақтың әдісі: Жаңа сабақ түсіндіру , әңгімелеу, музыка тыңдау, шығармашылыққа баулу .

Пәнаралық байланысы: Музыка әдебиеті , тарих.

Сабақтың барысы:

Қазақта қоңырау, сақпан, тұяқтас, шартылдақ,асатаяқ сияқты сілкіп,ұрып ойнайтын аспаптар да бар.Ертеде ұрмалы аспаптарды әскери ұрыстарда,аңға шыққанда, халықты мерекеге жинағанда пайдаланған. Сондай-ақ ұрмалы аспаптарды бақсылар адам емдеуге пайдаланған. Ал мал күзетушілер үшін олар ит-құсты үркітуге таптырмас құрал болған.

Асатаяқ- Сілкімелі музыкалық аспап.Қазақ халқында ұлттық билерді сүйемелдеу үшін қолданылған.Асатаяқ шулы дыбыс шығарады. Бақсылар оны даңғыра және қылқобызбен қоса пайдаланған.

Тұяқтас- Ұрмалы аспаптар тобына жатады. Ол жылқының тұяғынан жасалады. Оны өңдеп, музыкалық аспап ретінде қолдану үшін, бір немесе бірнеше жыл уақыт кептіру қажет. Сонда ғана соққанда анық,таза үн шығады.Тұяқтасты бес саусақтың ұшымен ұстап, екі шетке жиегін кезекпен дөңгелетіп, алмастыра отырып соғу керек.

Қоңырау- Қылқобызшылар мен бақсылар қолданған музыкалық аспап. Күйшілер қоңырауды қылқобызбен домбыраның жоғары жағына байлап,күй тартқанда әрлі-берлі шайқап,шылдырлатып отырған.

Даңғыра- Бұрмалы-сылдырмақты, қатты дыбыс шығаратын музыкалық аспап. Бұл- бір жағы терімен қапталған. Ішкі жағынан темір сылдырмақтар ілінген дөңгелек аспап.

Дабыл- Бұл дабыл қағу деген сөзден шыққан,ұрып ойналатын аспап.Дауысы күркіреп шығады.Аспаптың екі жағы көн терімен қапталды.

Музыка тыңдау ережелері:

* Музыканы ден қойып тыңда

* Музыканың тақырыбы не туралы,көз алдыңа елестете біл.

Музыкалық сауат ашу:

Күй- музыкалық аспапта орындалатын шығарма.

Күйші- күйді орындайтын адам.

Күйші- композитор күйді шығарушы.

Қорытындылау :

* Қазақтың күйші композиторларын ата.

* Домбыра аспабына жазылған қандай күйлерді

білесің ?

Үйге тапсырма: Ежелгі музыкалық аспаптар- дабыл,дауылпаз,-барабаны,асатаяқ-ложки,қоңырай-бубенцы, даңғыра-дойра дабылпаз

Бағалау: