«?дептілік-?ліппесі»

Тақырыбы: «Әдептілік-әліппесі»

Мақсаты:Ата-аналармен тығыз байланыса отырып,бірігіп оқушыларды әдептілікке

үйрету.

Өтілу әдісі:Дөңгелек стол басында пікірталасу.

Көрнекілігі:Ұлағатты сөздер,буклет,оқиға шешімін телеарна арқылы беру.

Барысы:Бүгінгі заман адамы сегіз қырлы,бір сырлы болып өсуі керек.Ата-ананың тілегі жақсы адам,азамат тәрбиелеу.Үйде күнде ата-ананың алдында шыншыл бол,өзіңнен үлкеннің ақыл-кеңесін тыңда,кішіге мейірімді бол деп айтып отыру керек.Үлкенді сыйлап,көмек көрсету,кішіпейіл болу,жаман сөз айтпау,ұрлық қылмау,өсектен аулақ болуға балаларды тәрбиелеп отыру керек.

«Қыз анадан үйренбей өнеге алмас,

Ұл атадан үйренбей сапар шекпес»,-дегендей бала тәрбие,үлгі,өнеге,әдептілік бәрін үйден,отбасынан,ата-анасынан алады.

Әдептілік әліппесі ең алдымен сәлемдесуден басталады.Әдептілік,адамшылық-амандасудан басталады.Ол туралы Мұхтар Әуезов ағамыз былай депті: «мен оның тегінің дұрыстығын,әдепті ұядан ұшқанын ертеңгі әлемінен білемін»,-деген екен.Сол сияқты «Әдепті бала алыстан сәлем береді»,-дейді гой атамыз қазақ.Әдептілік өз ауылыңнан,ата-анаңды сыйлаудан басталады.Ендеше ата-аналар осы себеппен біз дөңгелек стол басында пікірлесейік,қалай ойлайсыздар?

1.Әдептілік-әліппесі дегенді қалай түсінесіздер?

2.Әдепті болу үшін балаға қалай тәрбие беру керек деп ойлайсыз?

3.Баланы өнерге баулу да әдептілікке тәрбилейді дегенге не айтасыз?

Әр ата-ана өз ойларын ортаға салып,пікірталас жасайды.

Енді ситуауиялық сұрақтарға кезек береміз.

1-сұрақ:Бір топ үлкен кісілер тұрады.Сіздің балаңыз қастарынан өтіп бара жатып өзіне жақынбіреуімен ғана амандасты да өте шықты.Негізі ол бала топ кісінің барлығын да таниды.Амандаспай өткен балаға кісілер таң қалысып сізге айтады.Сіздің әрекетіңіз.

2-сұрақ:Қалада балаңызбен автобусқа міндіңіз.Сіз мінген кезде орын көп еді.Лезде автобус іші лық толды.Бір кезде таяқ ұстаған әжей мінді де балаңыз отырған жерге келді.Сіздің әрекетіңіз.

3-сұрақ:Сіздің балаңыз мектепте жаман сөздер айтады.Үйде ондай қылығы білінбейді.Сізге жетекшісі ескертеді.Сіздің әрекетіңіз.

4-сұрақ:Сізді балаңыз үйде мүлдем тыңдамайды,қарсы сөйлейді,сізді сынап,кемшіліктеріңізді бетіңізге басып отырады.Сырттан көрген көршіңіз сізге балаңызды қолға алмасаңыз дұрыс болмайтынын ескертеді.Сіздің әрекетіңіз.

5-сұрақ:Тілалғыш,еңбекқор ,ешкімді ренжітпейтін балаңыздың мінезі күрт өзгергенін байқадыңыз.Балаңыздан сөз тартып көріп едіңіз ештеңе айтпады.Сіздің әрекетіңіз.

Ата-аналар өз ойларын ортаға салады.

Сонымен құрметті ата-аналар,біз бүгін жақсыдан үйрен,жаманнан жирен дегендей өз пікірлерімізді ортаға салып дөңгелек стол басында пікірталастырдық.Өздеріңізді толғандырып жүрген ойларыңызбен бөлістіңіздер.

Адамның сұлулығы оның қарапайымдылығында екен.Бір жұрттың үлкен бір оқымыстысы екішші бір елдің байымен сөйлесіп тұрады.Қасынан жарлы кісі өтіп бара жатып,оқымыстыға иіліп сәлем береді.Оған оқымысты одан да төменірек басын иіп қайтара сәлем береді.Сонда қасында бай: «Тақсыр,осынша біліміңіз,мәртебеңіз бар,неге сонша басыңызды иіп сәлем бердіңіз»,-деп сұрапты.Сонда оқымысты кісі: «Сонша иіліп әдептілік көрсеткенде менің оған әдепсіз боп көрінгенім лайықсыз болған болар еді»,-депті.Ы.Алтынсариннің бұл мысалы біздің пікірталасу сағатының қорытушысы болсын.Құрметті ата-аналар бүгінгі пікірталасу сағатына келіп ой бөліскендеріңіз үшін алғыс білдіреміз.Сіздерге көп-көп рахмет!