Ашы? саба? жоспары «?о?ыраулы ?оша?ан»

Күні: 27.04.15

Уақыты: 11-00де

Ұйымдастырушы:

Халымова Гүлзипа

Тақырыбы: «Қоңыраулы қошақан»

1 жүргізуші.

Армысыздар ұлағатты ұстаздар,

Бармысыздар жадыраған жас достар!

Бүгінгі «Қоңыраулы қошақан» ән байқауына қош келдіңіздер!

2 жүргізуші.

Қош келдіңіздер, «Өнер десе, ішкен асын ұмытар халқым менің!»

1 жүргізуші.

Бүгінгі байқауымыздың мақсаты:

2-4 сыныптар аралығындағы әнші өнерпаздарымыздың өнерлерін тамашалау, бағасын беру.

2 жүргізуші.

Бүгінгі «Қоңыраулы қошақан» ән байқауының әділ-қазы алқаларымен таныс болыңыздар:

1. Бастауыш ӘБЖ: Бимурзаева Нүрби

2. Бастауыш сынып мұғалімі: Пірназарова Алмагүл

3. Бастауыш сынып психологы: Ашенова Ұлдан.

1 жүргізуші.

Ән де, күй де еріккеннің ермегі емес, адам жанының айнасы, өмір құбылыстарының көрінісі. Әсем әуезді ән-адам өмірінің тамаша бейнесі. Ендеше алғашқы жас өренімізге жол береміз.

Ортада 2 Б сынып оқушысы Тастан Нурисламның орындауында «Қыздар, қыздар» әні, тамашалаңыздар.

2 жүргізуші.

Уа, халайық, халайық,

Мұнда назар салайық

Ана жолын жалғамақ,

Ел дәстүрін сақтамақ,

Ел намысын қорғамақ

Жұмабек шықты ортаға

Бүгін әнші атанбақ деп

ортада 3 А сынып оқушысы Амандық Жұмабек.

1 жүргізуші.

Ұстаз болу – жүректің батырлығы

Ұстаз болу – сезімнің ақындығы.

Ұстаз болу – мінездің күн шуағы

Азбайтұғын адамның алтындығы – деп Ғафу Қайырбеков ағамыз жырлағандай кезекті 2 Б сынып оқушысы Рахымжан Ақниеттің орындауында «Ұстазым» әні.

2 жүргізуші.

Мен қазақ қыздарына қайран қалам

Жанары, жаны жаздай жайраңдаған

«Қыз өссе елдің көркі» деген сөзді

Қапысыз қалай айтқан қайран бабам – дей отырып ортада 2 Ә сынып оқушысы Жандарбек Нұрай.

1 жүргізуші.

Әндер-әндер! Үш әуемде

Үш көгімде, күллі әлем

Көктем келсе гүл боп елге,

Мен де бірге түрленем

4 Б сынып оқушысы Әбубәкир Әйгерім «Саржайлау» әнімен, қошеметтеңіздер!

2 жүргізуші.

Ал, оқушы, ұстаздар

Ортаға назар салыңдар

Бегарыс жігіт келеді,

Бар өнерін төгеді.

2 А сынып оқушысы Абдразақ Бегарыс «Жаяу» әнімен.

1 жүргізуші.

Мәпелейсің мені, анам

Қолыңдағы құсыңдай

Айтқаныңды екі етпей

Ақ сүтіңді өтермін

2 жүргізуші.

3 Б сынып оқушысы Бәкір Аяла «Апа» әнімен.

1 жүргізуші.

Отан – сенің ата-анаң

Отан – досың, бауырың

Отан – өлкең, астанаң,

Отан – аудан, ауылың – дей отырып 3 «Ә» сынып оқушысы Еркінбек Еркежанның орындауында «Атамекен» әні, қошеметтеңіздер.

2 жүргізуші.

Қуанып жасымыз да, кәріміз де,

Саламыз шаттық әнге бәріміз де

Ақтолқын әншілерің ортамызда

Халқына ән арнайды шапалақта

дей отырып ортада 4 «Б» сынып оқушысы Бәштәй Ақтолқын «Бақытты балалық» әнімен, қошеметтеңіздер!

1 жүргізуші.

Бап шаппайды, бақ шабады деп бағын сынауға келген 4 «Б» сынып оқушысы Рахым Бақдаулеттің «Алға Қазақстан» әнін тамашалайық.

2 жүргізуші.

Дауысығ қандай сырлы еді,

Табиғатты тыңдатқан

Көркің қандай нұрлы еді

Таңшолпанмен астасқан – дей отырып алдарыңызда 4 «Б» сынып оқушысы Бекбутаева Ақботаның орындауында «Апатайым» әні, қарсыалыңыздар!

1 жүргізуші.

Сән салтанат жасайық,

Күй сандықты ашайық

Бұл мереке, бұл тойға

Әнмен шашу шашайық

2 жүргізуші.

2 «А»сынып оқушысы Абдразақ Қуаныштың орындауында «Ұстазым» әні, қошеметтеңіздер!

1 жүргізуші.

Сонымен, бүгінгі «Қоңыраулы қошақан» ән байқауымыздың өнерпаздарын қошеметпен ортаға шақырайық.

(Әнші балапан әні орындалады)

2 жүргізуші.

Күнде жиын бола бермес дәл осындай,

Күн сайын өзгереміз, өркендейміз.

Ұл-қыздың бақытты үшін ғұмыр кешкен,

Алдымызда отырған әділқазы қонаққа сөз береміз.

Бүгінгі кештің әділ қазыларына сөз кезегін береміз.

Сын – шын, бағалау әділетті болсын!

Жеңіске жеткен жеңімпаздарды

Жеңістерімен құттықтаймыз!

Соңынан оқушыларды мақтап, марапаттау.