Та?ырыбы: Т?зу мен ше?берді? ?зара орналасуы

Ашық сабақ жоспары

Тақырыбы: Түзу мен шеңбердің өзара орналасуы

7 «а» сынып

Математика пәнінің мұғалімі:

Бегимбаева Збира Оспановна

2015-2016 оқу жылы

7 «а» сынып. Геометрия.

Сабақтың тақырыбы: Түзу мен шеңбердің өзара орналасуы.

Мақсаты: 1. Түзу мен шеңбердің орналасуының үш жағдайын,

жанама, қиюшы ұғымдарын меңгерту.

2.Тақырыптан маңыздысын таба білуге, өз пікірін дәлелдеу үшін

ізденуге және өз ойын тұжырымдай білуге дағдыландыру.

3. Пәнге деген қызығушылығын арттыру, логикалық

ойлау қабілетін дамыту.

Сабақтың типі: жаңа білімді меңгерту

Сабақтың барысы

І. Ұйымдастыру

а) Оқушылармен амандасу, сыныпты түгендеу.

ә) Оқушылар назарын сабаққа аудару.

ІІ. Үй тапсырмасын тексеру: ІІІ тарау §1.1 оқу, № 206, 215 есептер шығару.

а) дәптерлерді өзара тексеру.

ә) теориялық және практикалық білімді тексеруге тест.

Тест.

1.Шеңбердің радиусы деп нені айтамыз?

а) шеңбердің кез келген нүктесін центрімен қосатын кесіндіні айтамыз;

ә) шеңбердің центрі арқылы өтетін кесіндіні айтамыз;

б) бір ұшы шеңбердің центрінде жататын кесіндіні айтамыз.

2. Шеңбердің хордасы деп қандай кесіндіні айтамыз?

а) шеңбердің екі нүктесін қосатын кесіндіні айтамыз;

ә) шеңбердің центрімен нүктесін қосатын кесіндіні айтамыз;

б) бір ұшы шеңбердің центрінде жататын кесіндіні айтамыз.

3. Диаметрі 64 мм болатын шеңбердің радиусын табыңдар:

а) 8мм; ә) 32 мм; б) 64 мм.

4. Егер шеңбердің радиусы 4 см болса, оның ең ұзын хордасы неше см болады?

а) 2см; ә) 4 см; б) 8 см.

5. Шеңбердің радиусы 10 см. Шеңбердің ұзындығын тап:

а) 62,8 см; ә) 6,28 см; б) 20 см.

Тест жұмысына 3 минут уақыт беремін. Жауабы тақтаға ілінеді, оқушылар бірін бірі тексереді.

ІІІ. Жаңа тақырыпты түсіндіру

а) Ой қозғау: Столдағы әртүрлі заттардың ішінен шеңбер мен түзуге мысал болатын заттарды табу.

- Балалар, осы шеңбер мен түзуді стол үстіне қойсам, неше түрде орналасуы мүмкін?

Бүгінгі сабағымыздың мақсаты – осы түзу мен шеңбердің орналасу жағдайларын анықтау.

ә) Мағынаны ашу: Қане, балалар, оқулықтан 75 беттегі тақырыпты оқисыңдар, маңыздысын тауып, есте сақтайсыңдар. 5минут уақыт беріледі (бір бетке 3 минут есебімен).

1) Оқушылар тақырыпты өз бетінше оқиды. Ұсақ детальдарға көңіл қою керек екенін ескертемін. 5 минут өткен соң жаңа ұғымдар тақтаға жазылады, тағы 1 минут қайта оқуға болады.

2) Оқулық жабылады. Жаңа ұғымдармен жұмыс. Әр ұғым 5-6 рет қайталанады.

Жаңа ұғымдар:

1. Орналасудың үш жағдайы

2. Жанама

3. Қиюшы

4. Хорданы тең екіге бөлетін диаметр

5. Жанама мен радиус туралы теорема.

IV. Практикалық бөлім – есептер шығару.

№212. Егер нүкте: 1) шеңберден тысқары; 2) шеңбер бойында;

3) шеңбердің ішінде жатса, онда осы нүктеден шеңберге неше жанама жүргізуге болады?

№214. Шеңберден тыс жатқан А нүктесі арқылы шеңберге АВ және АС жанамалары жүргізілген. Мұнда В және С –жанасу нүктелері: АВ=АС теңдігін дәлелдеңдер.

V. Бекіту - сызбаны оқу.

VI. Бағалау- оқушылардың сабақтың бес кезеңіндегі білімін бағалаймын. Сабақты қорытындылаймын.

VII. Үйден оқып үйренуге арналған тапсырмалар:

• 75-78 бет §17.Түзу мен шеңбердің өзара орналасуы. ( Мектеп баспасы, 2007 ж)

• №209, 227 есептерді шығару. (Атамұра баспасы, 2012 ж)

Сабақтан күтілетін нәтижелер:

• түзу мен шеңбердің орналасуының үш жағдайын жақсы біледі;

• «қиюшы», «жанама», «жанасу нүктесі» ұғымдарын жете меңгереді;

• шеңбердің берілген нүктесінде осы шеңберге жанама жүргізе алады;

• өз ойын еркін айтуға дағдыланады.