«Шеңбердің ұзындығы мен дөңгелектің ауданы» тақырыбында есептер шығару

Күні

Геометрия

9-сынып

Сабақ №

Сабақтың

тақырыбы:

«Шеңбердің ұзындығы мен дөңгелектің ауданы» тақырыбында есептер шығару.

Жалпы мақсаттары:

Білімділік мақсаты: Шеңбер ұзындығы мен дөңгелектің ауданына қатысты практикалық есептерді шығару жолдарын қарастыру. Тақырыпқа байланысты теориялық жағдаяттарды жинақтау, алған білімді өмірлік жағдайға қолдана білу, біліктілік пен бейімділіктерін қалыптастыру.

Дамытушылық міндеті: қайталау, пікір талқылау арқылы білімді қайта қалыпқа келтіру, негізгіні бөліп алу дағдыларын, математикалық ойлауды дамыту, өз бетімен іздену, өзіндік ойлау белсенділіктерін, өзін-өзі бақылау іскерліктерін арттыру. «Сын тұрғысынан ойлауға» мүмкіндік жасау, қиыншылықты жеңе білуге дағдыландыру .

Тәрбиелік міндеті: оқу еңбегінің мәдениетіне тәрбиелеуге ықпал жасау, оқушыларды ұйымшылдыққа, еңбексүйгіштікке, ізденішпаздыққа, тазалыққа, ұқыптылыққа тәрбиелеу .

Сілтеме:

1.Оқу бағдарламасы, оқу- әдістемелік құралы.

2. «Геометрия» Оқыту әдістемесі. / Шыныбеков Ә.Н. /

3. 9-сыныпқа арналған «Геометрия» оқулығы / Шыныбеков Ә.Н./

4. Мұғалімге арналған нұсқаулық

Оқу нәтижесі:

Шеңбердің ұзындығы мен дөңгелектің ауданы туралы меңгерген білімдерін өмірде қолдана алады.

Негізгі идеялар:

Оқушылардың функционалдық математикалық сауаттылығын дамыту.

Сабақта қолданылатын материалдар:

1. Слайд,

2. Топтарға арналған белгі көрсеткіштер.

3. Тапсырмалар жазылған үлестірме карточкалар.

4. Шеңбер мен дөңгелектің моделдері.

Оқыту әдістері:

Интерактивті оқыту әдістері

СТО, Блум таксономиясы

1. Топтық жұмыс

2. Жеке жұмыс

3. Жұптық жұмыс.

Дерек көздері:

Шеңбер мен дөңгелек тақырыбына берілген материалдар.

Тапсырмалар:

«Геометрия» оқулығы бойынша берілген №222 есептер

Логикалық есептер, сызба, сәйкестендіру тесті,практикалық есептер, дайын сызбалармен жұмыс.

№

Сабақ кезеңдері

Ойлау деңгейі

Мұғалімнің іс-әрекеті

Оқушы іс-әрекеті

1.

Ұйымдастыру кезеңі

-Оқушылармен амандасу, сынып оқушыларын түгендеу, сынып бөлмесінің тазалығына көңіл бөлу.

-Сыныпта психологиялық ахуал тудыру, шаттық шеңбері.

-Сыныпты топқа бөлу.

Шеңбер,дөңгелек, шар бейнеленген түрлі-түсті қағаздар арқылы топқа бөлу

2) Топ ережесімен таныстыру.

Әр оқушы бір-бірден алып, сол фигураларға сәйкес келетін столға орналасып, топ құрады. Топ басшысын сайлайды

2

Сабақтың мақсат -міндеттерін қою.

-Бүгінгі сабақтың тақырыбы мақсаты мен міндеттерін хабарлау.

-Өтілетін материалдың тұрмыста қолданысын көрсету.

-Оқушылардың сабаққа деген құлшынысын бағамдау.

-Сабақтың ұраны құрылады.

Біліп қою ғана аз,
сол білгенді істеп, қолдана білуің керек.
Ниеттену ғана аз,
сол ниетіңді іске асыру қажет.
(неміс жазушысы Гете)

-Бағалау парағы мен стикерлер таратылады.

3

Білімді бекіту кезеңі.

Теориясы «Білу.»(Кім? Не? Нені? Қашан? Қандай? Қалай? Не істеді?)

Практикасы «Түсіну»

( Неге? Неліктен? Не үшін? Себебі?)

1.Бүгінгі сабақтың мазмұнын ашу үшін топтарға сәйкестендіру тесті беріледі

1.Шеңбердің ұзындығы

2.Дөңгелектің ауданы

3.Сектордың ауданы

4.Доғаның ұзындығы

А. C = 2πr

2- тапсырма. Штрихталған бөліктің ауданын табу.

Әр топ мүшелері орындайды, жауаптарын сыныпқа хабарлайды. Қалған топ жауаптың дұрыстығын өздерінікімен салыстыра отырып, тексереді.

Жауаптары: 1-а

2-с

3-д

4-в

3-тапсырма. Балалардың қайсысы киіз үйдің ішінде, қайсысы сыртында тұр?

4-тапсырма. « Шеңбер мен дөңгелек –бізді қоршаған әлемде.»

Практикасы «Қолдану»

(қарапайым тапсырмалар)

Интерактивті тақтада

«Ғажапқа толы дүние...»

5-тапсырмасы беріледі.

1-топқа:Тайгада әлі де жұмбағы ашылмаған Тунгус
метеориті жарылысынан (1908 ж. ) кейін сол жерде диаметрі 38 км-ге тең үлкен қазаншұңқыр пайда болды.
Сұрақ: Тайганың ғаламдық құбылыстан зардап шеккен жерінің ауданын тап.

2-топқа:Орталық Африканың Виктория сарқырамасының маңында әлемге әйгілі ең жуан ағаш баобаб ағашы бар. Оның діңіне сәйкес шеңбердің ұзындығы 25,2 м.
Сұрақ: Ағаш діңінің радиусы мен диаметрін тап.

3-топқа: Ұзақ жасауы мен биіктігі жағынан алып ағаштардың бірі – мамонт (гигант ) ағашының діңінің диаметрі 11 м.
Сұрақ: Осы ағаштың діңінің ұзындығы қанша болады екен?

Практикасы «Талдау»

(Салыстыр, айырмашылы-ғы неде, ұқсастығы неде?)

Зерттеушілік жұмысы:

5-тапсырма:Ұзындығы бірдей үш сыммен дөңгелек пішінді, тең қабырғалы үшбұрыш пішінді, шаршы пішінді учаскелер қоршалған. Осылардың ішінде қайсысы ең үлкен ауданды қамтиды?

Қорытынды: Есептеу жұмыстарын жүргізген кезде периметрлері бірдей барлық жазық фигуралар ішінде ең үлкен ауданды қамтитыны дөңгелек екен.

Бабаларымыздың киіз үйді дөңгелек пішінді етіп жасауының тағы бір ғажап сыры осында екеніне көз жеткіземіз. Бабаларымыздың дөңгелектің изоперимерлік қасиетін білгендігін мынадай дәлелдермен келтіруге болады.

Қазақы үстеліміздің дөңгелек пішінді болуы- қазақ халқының қонақжайлығы. Себебі:

Дөңгелек столға көп адам отыруға болады.

Шаңырақ- үйге жарықты көп түсіреді.

Ауызша есептерді жұптасып орындап, топ сыныпқа түсіндіреді

Практикалық жұмыс

3 топқа 3 есеп беріледі

4

Сергіту сәті

5

Практикасы

«Қолдану»

Шығармашылық тапсырма.

Тік бұрышты темір тіліктен дөңгелек саңылау тесілген , егер 1 см² ауданы

2 г. болса, онда детальдың ауданын мен массасын тап.

(𝜋≈3)

Оқулықпен жұмыс

№609

Жер шарын айнала шеңбер бойымен ұшатын спутник бір айналым жасағанда 42076 км жол жүреді. Егер Жердің радиусы 6370км болса,онда спутник Жер бетінен қандай қашықтықта ұшады

№611

Газ құбырының ішкі диаметрі 1376 мм, ал сыртқы диаметрі 1420 мм. Құбырдың көлденең қимасының ауданын табыңдар.

Алыс қашықтықтарға газ тасымалдау үшін үлкен диаметрлі құбырларды қолданудың қандай тиімділігі бар?

6

Практикасы «Жинақтау»

(қорытынды шығар, анықтама бер)

«Ұшқыр ойдан ұтымды жауап»

1. Егер шеңбердің радиусын 3 есе арттырса, онда оның ұзындығы қалай өзгереді?

2. Егер шеңбердің диаметрін 4 есе кемітсе, онда оның ұзындығы қалай өзгереді?

3. Егер дөңгелектің радиусын 2 есе арттырса, онда оның ауданы қалай өзгереді?

4. Егер дөңгелектің радиусын 5 есекемітсе, онда оның ауданықалай өзгереді?

Әр топ өз тапсырмаларын орындап, сыныпқа көрсетеді, бірігіп талдайды, түсіндіреді.

7

Бағалау

Практикасы

«Баға беру»

Сен қалай ойлайсың?

Не істер едің?

«Баға беру»

Сен қалай ойлайсың?

Не істер едің

Жиынтық бағалау. Топ басшылары өз топтарынтест, топтық, зерттеушілік жұмыстары бойынша өзі бағалайды.

Бағалау парағы

Кері байланыс

Бүгінгі сабақта не үйрендік?

Сабақтан алған әсерлері бойынша тақтаға стикерлерді жабыстырды

Үйге тапсырма

№622

Өздік жұмыс