Сабақтың тақырыбы: " Қазақстандағы спорт ғимараттары"

Есептер шығару

Тақырып: Қазақстандағы спорт ғимараттары

Математика

Күні:07.12.18ж.

Мұғалімнің аты-жөні: Досжанова П.Қ.

Оқу мақсаттары

3.5.1.4 шамалар арасындағы тәуелділікке; пропорцияның белгісіз мүшесін табуға берілген есептерді талдау және шығару

3.5.1.5 тіктөртбұрыштың (шаршының) ауданын және қабырғаларын табуға берілген есептерді талдау және шығару

Күтілетін нәтижелер

Барлық оқушылар үшін:

шамалар арасындағы тәуелділікке есептер шығару

Бірқатар оқушылар үшін:

шамалар арасындағы тәуелділікке есептер шығару және зерттеу; кері есептерді құрастыру және шығару.

Кейбір оқушылар үшін:

көрсетілген түрі бойынша өз бетімен есептер құрастыру.

Тілдік мақсаттар

Оқушылар:

Өзара байланысты шамалардың бірін қалай табу керек екенін түсіндіру.

Пәндік лексика және терминология:

Өзара байланысты шамалар.

Сабақта диалог/жазу үшін пайдаланылатын тіл.

Талқылау:

Қалай байланысты екенін есіңе түсір

Егер шамалардың екеуін білсең (жалпы массасын, бір жәшіктің массасын, жәшіктер санын) олардың бірін қалай табуға болады.

Хат:

Есептердің шешуін жазу.

Тірек білім, білік, дағдылар

Жалпы массасы, бір жәшіктің массасы, жәшіктер саны шамаларының өзара байланысы туралы түсінік.

Жоспар

Жоспарланған уақыт

Жоспарланған іс-әрекет

Ресурстар

Сабақтың басы

Ұйымдастыру кезеңі

Шаттық шеңбері

Көтеріле көкте күн,

Күлімдеді маған да.

Күлімдеді саған да,

Күлімдеді баршаға.

Ынталандыру.

Қазақстанда өтілетін спорттық іс-шаралар туралы әңгіме жүргізу

Шаттық шеңбері

Бүгінгі сабақ сайыс түрінде өткізілетінін хабарлау.

Қазақстандағы мұзайдындардың суретін таңдау арқылы оқушыларды топтарға біріктіру. (3 топқа бөлу)

Медеу Спорт кешені–дүниежүзіндегі ең ірі жасанды мұзайдын.Ол тек спорт жарыстары үшін ғана емес,сонымен қатар қала тұрғындары мен қонақтарының демалатын орны.

Алау-жасанды мұз сарайы.Астанадағы жабық коньки тебу стадионы. Хоккей, мәнерлеп сырғанаудан жаттығулар және спор жарыстарын өткізу үшін арналғанОл жерге 8000 көрермен сияды.

Алматы Арена Алматы қаласында орналасқан.Мұз сарайы 12000 орындық мәнерлеп сырғанауға арналған.

Мұзайдындарының жасанды екендігіне тоқталып өту, аудандарының көлемін салыстыру.

1)Медеу Спорт кешені Алау-жасанды мұз сарайынан неше (м^{2 )}артық?

2)Алматы Арена мұз сарайы Алау-жасанды мұз сарайынан

неше (м^{2 )}кем?

Топта ауызша есептеуге тапсырмалар жазылған қима қағаздар тарату: (Жеке және жұппен жұмыс)

1. Тіктөртбұрыштың ұзындығы 8 дм, ені 7 дм. Оның ауданын тап.

2. Шаршы қабырғаларының ұзындығы 6 см. Шаршының периметрін тап.

3. Тіктөртбұрыштың ұзындығы 7 см, ені 5 см. Тіктөртбұрыштың ауданы мен периметрін тап.

4. Қабырғалары 6 см, 8 см және 9 см болатын үшбұрыштың периметрін тап.

5. Тіктөртбұрыштың ұзындығы 8 дм, ені 5 дм. Оның ауданын тап.

6. Шаршы қабырғаларының ұзындығы 6 см. Ауданын тап

«Басбармақ» арқылы бағалау

Жасанды мұзайдынының суреттері.

Қима қағаздарға жазылған тапсырмалар.

Үштік әдіс

«Ойлан,жұптас, бөліс»

Сабақтың ортасы

(Өзіндік жұмыс) Кестемен жұмыс.№2

Кестеде тіктөртбұрыштың ауданы белгілі. Оның ұзындығы мен ені қандай болуы мүмкін? Мүмкін нұсқаларды таңдау. Алдымен ауызша сұрақтар қою арқылы тапсырмаға талдау жүргізіледі.Мысалы:

-Қандай екі санның көбейтіндісі 48-ге тең?

-Қандай екі санның көбейтіндісі 45-ке тең?

-Қандай екі санның көбейтіндісі 18-ге тең?

Тақтаға кесте ілінеді. Оқушылар жауаптарын айтады, мұғалім немесе алғаш жауап берген оқушы жазады.

«Шапалақ ұру» арқылы бағалау

(Дәптермен жұмыс) Кесте бойынша есеп құрастырып, оны шығар.

«Бағдаршам» бойынша бағалау.

Сергіту сәті

(Тақтамен жұмыс ) №4

9м – 205 см =695см 1 тәул. -15 сағ=9 сағ

4 дм– 15 мм = 25 мм 2 тәул. -40 сағ=8 сағ

5 ц – 198 кг = 3 ц 2 кг =302кг 1 т. – 8 ц= 2 ц

(Топпен жұмыс) №5 Тапсырманы орындамас бұрын тіктөртбұрыштың ауданын табудағы формулаларды еске түсіру.

1 топ

2 топ (сөмке)

Суретте неше тік төртбұрыш бар? Ең үлкен тік төртбұрыштың ауданын тап. ( ұзындығы 9 дм,ал ені 5дм)

3 топ (әтеш)

Суретте неше тік үшбұрыш бар? Ең үлкен үшбұрыштың периметрін тап. ( ұзындығы 22 см, 20және 10см)

«Смайликтер» арқылы бағалау

№6 Жұпта орындауды жалғастырады. Сызбалар беріледі, есепке сәйкес сызбаны таңдап, есепті шығарады.

Есепті шығару барысында:

-Үлесі бойынша шаманы қалай табады?

-Барлығынан бөлікті қалай табатыны туралы сұрақтар қою арқылы есепті шығаруға көмек беріледі.

Сөздік бағалау «Жарайсың!», « Өте жақсы!», «Керемет!»

(Қосымша тапсырма орындау).

Үйге тапсырма: №7

Бағалау критерийлері бар тапсырманы орындауды ұсыну.

Мен:

• – шамалар арасындағы тәуелділікке берілген есептерді шығаруды және талдауды;

• – шамалар арасындағы тәуелділікке берілген есептердің шешуін жазуды;

• – аудан бойынша тіктөртбұрыштың қабырғаларын табуды;

• – қабырғалары бойынша тіктөртбұрыштың ауданын табуды білемін.

Кестемен жұмыс

«Ойлан,тап» әдісі

«Дауыстап айту»

әдісі

«Джигсо» әдісі»

«Жарайсың!»,

«Өте жақсы!»,

тарату

«Допты қағу»

әдісі

Сабақтың соңы

Рефлексия.

Сабақтың басында алдымызға қандай мақсат қойдық?

– Осы мақсаттарға жете алдық па?

– Сіздерде қиындық туындаған ба еді?

– Сіз оларды өте алдыңыз ба?

– Бүгінгі сабақ несімен қызықты болды?

Өз жұмысын жетістік сызғышының көмегімен бағалауды ұсынады.

Жетістік сызғышы.