?рт?рлі та?ырыптар?а логикалы? есептер

«Логикалық есептер шығару» таңдау курсы

Сабақтың тақырыбы: Әртүрлі тақырыптарға логикалық есептер

шығару

Сабақтың мақсаты:

• Әртүрлі тақырыптағы логикалық есептерді шығара білу, есепті шешудің тиімді жолдарын таңдауды үйрену.

• Есептерді шешу кезінде логиканың, математиканың заңдылықтырын қолдана білуге үйрету, пән аралық байланысты нығайту. Өз қателігін тез таба білу, талдай жасай білу қабілетін жетілдіру.

• Оқушыларды топпен жұмыс кезінде ұйымшылдыққа және жеке жұмыс істеген кезде төзімділікке, шапшаңдыққа тәрбиелеу. Сабақтың типі: практикалық

Сабақтың түрі: аралас

Сабақтың көрнекілігі: кестелер,маркерлер, постерлер,интер. Тақта

Сабақтың жоспары : І . Ұйымдастыру кезеңі

ІІ.Үй жұмысын сұрау.

ІІІ.Білімдерін жан-жақты тексеру

IV.Есептер шығару

V . Тәжірибелік есептер.

VІ. Үйге тапсырма

VІІ.Бағалау

VІІІ.Кері байланыс:

Сабақтың барысы:

• Ұйымдастыру кезеңі.

• Ынтымақтастық атмосфера құру, көңіл күйлерін көтеру, қызығушылықты арттыру мақсатында психологиялық тренинг өткізу.

• Әрбір адам ?

• Туысым, досым, жұрағат.

• Әрбір сабақ?

• Түсіну, ұғу, ұлағат.

• Әрбір ісім?

• Тірлік ,тілек, адамдық.

• Әрбір сөзім?

• Шыңдық, бірлік,адалдық.

• Сыныпты топқа бөлу(атомдар мен молекулалар) әдісімен екі топқа бөлу.

• Топ ережесін еске түсіру.

• топ басшысын сайлау.
  (Топқа бөлу (атом молекула бойынша).

• Бағалау түрін түсіндіру (әр жауапқа, жетон тарату бойынша)

-өте жақсы

-жақсы

-толықтыру керек

ІІ.Үй жұмысын сұрау.

• «Зымыран сұрақтар» ойыны

I топқа:

• Қатар тұрған үш санның қосындысы да көбейтіндісі де 6-ға тең Ол қандай сан? (1,2,3)

• Екеуі 4 сағат шахмат ойынын ойнады. Әрқайсысы қанша сағат шахмат ойнады? (4сағат)

• Үстелдің 4 бұрышы бар. Егер бір бұрышын кесіп тастаса, неше бұрыш қалады? (5)

• Бөлмеде 4 мысық отыр. Әр мысықтың алдында 3 мысық отыр. Бөлмеде барлығы неше мысық отыр? (4)

• Сиыр 4 аяғымен тұрса 200 кг, 2 аяғымен тұрса неше кг болады?(400 кг)

II топқа:

• Жанар ақиқат тұжырым айтты. Марат оның сөзін қайталап айтып еді,ол жалған болып шықты. Жанар не айтты? (Менің атым Жанар)

• 1 жұмыртқаны қайнатуға 3 минут кетсе, 5 жұмыртқаны қайнатуға неше минут керек? (3мин)

• Екі аяғымен түрегеп тұрған адамның салмағы 50кг, бір аяғымен тұрған адамның салмағы неше кг? (50 кг)

• Адамның 10 қолында неше саусақ бар? (50)

• Түнгі сағат 11-де жаңбыр жауса, 48 сағаттан соң күн шығады деуге бола ма? (Жоқ, себебі 48 сағаттан соң қайтадан түн болады)

ІІІ.Білімдерін жан-жақты тексеру (үй иапсырмасын,бұрынғы тапсырманы қайталау)

Топтарға тақырыптық логикалық есептер беру:

I топ:

1.Менің әкем31-де болған кезде, мен 8 жаста едім. Ал қазір менің әкем менен 2 есе үлкен.Мен қанша жастамын?

2. Атадан он баламыз
Бір –бір жастан арамыз
Қосылып кейде басымыз
Азайып кейде қаламыз
Бөлініп кейде арамыз
Көбейіпте аламыз

II топ:

1.Екі адам өзеннің жағасына келді. Жағада бір қайық тұр екен және ол қайыққа бір адам ғана отыра алады. Бірақ әлгі екі адам бір жағадан келесі жағаға өте алды. Бұл қалай болғаны?

2.Егіз туған қос жүйрік
Жарыса шауып терлейді.
Бірін-бірі көрмейді.
Дамылсыз қанша шапсада
Бір мәреге келмейді.

IV.Есептер шығару

I топқа:

Есеп 1.

Мектепішілік математика олимпиадасына Данияр,Мейіржан және Арай қатысты. Төрешілердің үшеуі олардың олимпиаданың нәтижесі туралы сұрағына сәйкес төмендегідей жауап берді:

• Данияр екінші орын алды;

• Мейіжан екінші орынды иеленбеді;

• Арай бірінші орында емес.

Нәтижелерді хабарлағаннан кейін олардың білгендері: екі төреші қателесіпті ,ал біреуінікі дұрыс. Жүлделі орындар қалай бөлінген?

Талқылау :

Д 1

М 2

А 3

Есеп 2.

Өзен ағысының жылдамдығы 2,2 км/сағ. Катердің жылдамдығы 15,3 км/сағ. Егер өзен ағысымен 3 сағат,ал өзен ағысына қарсы 4 сағат жүрсе, онда катер қанша жол жүрді?

Шешуі:

S=(15.3+2.2)*3+(15.3-2.2)*4=104.9 км

Есеп 3.

Егер 3191, 78=4964 болса, онда 37 қанша болады?

Шешуі:

3²=9, 1²=1 31=91

7²=49, 8²=64 78=4964

3²=9, 7²=49 37=949

II топқа:

Есеп 1.

Саябақта балалар қыдырып жүрді, олардың арасында Ажар, Мерей және Балжан дос үш қыз болды. Олардың біреуінде қызыл, екіншісінде ақ, ал үшіншісінде көк көйлек болды. Олардан достары сұрағанда, төмендегідей жауап берді:

• Ажар қызыл көйлекте болды;

• Мерей қызыл көйлекте болды;

• Балжан көк көйлекте емес.

Жауаптарындағы тек бір ұйғарым ақиқат болса,қыздардың әрқайсысы қандай көйлекте болды?

Шешуі:

Ажар қызыл

Мерей көк

Балжан ақ

Жауабы: Балжан ақ, Ажар көк, мерей қызыл көйлекте болды.

Есеп 2.

Ара қашықтығы 500м екі қаладан бір мезгілде қарама-қарсы бағытта трактор мен одан жылдамдығы 4 есе артық жүк машинасы шығып, 4 сағаттан кейін кездесті. Трактордың жылдамдығы қандай?

Шешуі:

х –трактордың жылдамдығы;

4х-жүк машинасының жылдамдығы болса, онда

4х+4*4*х=500

4x+16x=500

х=25км/сағ

Есеп 3.

Егер 856425, 92=814 болса, онда 43 қанша болады?

Шешуі:

8²=64, 5²=25 85=6425

9²=81, 2²=4 92=814

4²=16, 3²=9 43=169

V. Тәжірибелік есептер.

I топқа:

Есеп 1.Жоғары сыныптарда үш мұғалім жұмыс істейді: Сарсенбеков, Жаңабаев және Елеусізов. Олардың әрқайсысы екі пәннен сабақ береді, сабақ кестесінде барлығы алты пән бар: математика,физика, химия,тарих,әдебиет, ағылшын тілі. Елеусізов мұғалімдердің ең жасы. Химия мұғалімі тарих мұғалімінен үлкен. Барлық үшеуі-химия мұғалімі, физика мұғалімі және Жаңабаев спортпен шұғылданады. Әдебиет мұғалімі мен ағылшын тілі мұғалімінің арасында жанжал болғанда Елеусізов те жанжалға қатысады. Жаңабаев ағылшын тілінде, математиканыда бермейді.

Кім қай пәндерден сабақ береді?

Берілгені: Талқылау:

Мұғалімдер:

Сарсенбеков (С)

Жаңабаев (Ж)

Елеусізов (Е)

Пәндер:

М,ф,х,т,ә,а

Табу керек:

Кім қай пәндерден сабақ береді?

Жауабы:

Елеусізов физика мен математикадан,Жаңабаев тарих пен әдебиеттен, Сарсенбеков химия мен ағылшын тілінен сабақ береді.

II топқа:

ЖазушыАсқардың үш қызы-Жамилә, Айгүл және Гүлнәр өте талантты. Олар өнердің әртүрінен атаққа кенелді:ән айту, би билеу және кино саласында. Олардың барлығы әртүрлі қалаларда тұрады,сондықтан жазушы Мәскеуге,Астанаға және Ташкентке телефонмен қоңырау шалады.

Төмендегілер белгілі:

• Жамилә Мәскеуде, ал Гүлнәр астанада тұрмайды;

• Мәскеулік киноға түспейді;

• Гүлнәр биге құмар емес.

Айгүл қайда тұрады және оның мамандығы қандай?

Шешуі:

Жауабы:

Айгүл би билейді, Мәскеуде тұрады.

VІ. Үйге тапсырма: Тақырыптық логикалық есептер жинастырып келу.

VІІ.Бағалау: Әр топ жинаған жетон санын санап, үздік топ анықталып қошеметтеледі.

VІІІ.Кері байланыс: Сабақтан алған әсері, «Бағалау ағашы»