Разработка урока на тему: " Адас?ан сандар"

Білім беру саласы: Таным. Әлеуметтік орта. Қатынас. Шығармашылық.

Ұйымдастырылған оқу іс-әрекеті: Қарапайым математикалық ұғымдарды қалыптастыру. Тіл дамыту. Қоршаған ортамен танысу. Жапсыру.

Тақырыбы: Адасқан сандар

Мақсаты: Балалардың сан, санау ұғымын кеңейту, ойлау қабілетін дамыту. Сандарды тура және кері санауға, сандар көршісін атауды үйрету. Салыстару, санау, топтау дағдыларын, ойын дамыту. Ойындар арқылы балалардың ой-өрісін, шығармашылығын, қиялын дамыту.

Көрнекілігі: доп, сандар, үлестірмелі материалдар.

Билингвалдық компонент: сан-цифра, себет-корзина, таяқша-палочка, шие-вишня,үш-три.

Сабақтың өту барысы

Ұйымдастырушы-ізденуші кезең:

Шаттық шеңбері Қайырлы таң, Алтын күн!

Қайырлы таң, Көк аспан!

Қайырлы таң, Жер ана!

Қайырлы таң апайлар,

Қайырлы таң достарым.

Балалар бүгінгі біздің оқу іс-әрекетіміздің тақырыбы «Адасқан сандар». Қазір біз сендермен «Сандар» еліне саяхатқа барамыз. Саяхатқа бармас бұрын сендермен бір ойын ойнап алайық.Ойынның аты «доп лақтыру». Ойынның шарты мынадай допты лақтырған балаға сұрақ қоямын, қағып алған бала сұраққа жауап береді.

-Қазір жылдың қай мезгілі?

-Көктем мезгілінде неше ай бар?

-Қазір қай ай?

-Бір аптада неше күн бар?

-Аптаның төртінші күні қай күн?

-Бейсенбі аптаның нешінші күні?

-Кәне, енді пойызға отырып, ән салып, сандар еліне көңілді болып барайық.

-Міне келдік. Мына сандар елі керемет. Бұл ел өте әдемі екен.

Ғажайып сәт:

-Есікті біреу қағып жатқан секілді, естисіңдер ме?

Жалқаубек

-Саламатсыңдар ма, балалар! Менің есімім Жалқаубек. Мен көмек сұрап келдім. Маған апайым тапсырма беріп еді, мен ол тапсырманы орындай алмадым. Сол себепті сендерден көмек сұрап келдім.

-Көмектесеміз бе, балалар?

Жалқаубек

-Маған мына суреттерді берді. Бұл қандай суреттер? Түк түсінбеймін.

-Бұл сандар ғой, Жалқаубек.

Математика елі сандардан тұрады. Сандар рет-ретімен орналасқан. Сандар арқылы неше түрлі амалдар орындалады. Қазір саған біздің балалар, сандар жайлы санамақтар айтып берсін.

Санамақтар

2)Мені келсе білгің,

Мен таяқша бірмін

Ата-әжеге жол бастап,

Оң қолында жүрмін.

2)Бірден кейін тұрамын,

Көлде менің құрағым.

Бірді-бірге қосқанда

Иіліп мен шығамын.

3)Екіден соң әрқашан

Үш саны боп қаламын

Қос мүйізді майысқан

Ұлттық ою саламын.

4) Үш сызықтан таяғым

Төрт боламын баяғы

Велосипед оңдайтын

Кілт боламын тағы да.

-Енді осы сандарды Жалқаубекке тура және кері санап үйретеміз.

Сол жақтан оңға қарай санау «тура санау». Оң жақтан солға қарай санау « кері санау» деп атайды.

1,2,3,4.5. 5, 4,3,2,1

-Балалар, қазір бір ойын ойнаыйқ. Мына сандарды сендерге таратып беремін. Мен қолымды неше рет шапалақтасам, сондай санды алып көрсетесіңдер.

-Ал, мынау Жалқаубектің екінші тапсырмасы. Мына пішіндер қандай пішіндер деп аталады?

-үшбұрыш

-төртбұрыш

-дөңгелек

-Мына ілініп тұрған пішіндердің артында тапсырмалар бар екен.

1)Ұлпа жүнін қыздырып,

Күн шуақта бір күшік.

Отыр еді маңына

Келді тағы бір күшік

Нешеу болды бұл күшік?

2) Екі балапан тұр, екі балапан отыр

Шатаспай тез ойлансақ,

Тура тауып атасақ.тұрғаны бар, отырған.

Барлығы қанша балапан?

3)Әр себетте неше сан, сонша жеміс-жидекті сал.

Жалқаубек

-Мына балалар көп біледі екен. Менің де осы балалар секілді көп нәрсе білгім келеді.

-Ол үшін Жалқаубек, сен апайларды мұқият тыңдап, берілген тапсырманы орындап, тәртіпті болсаң осы балалар сияқты көп білесің.

-Шаршаған болсаңдар балалар, бойымызды сергітіп алайық.

Сергіту сәті

«1» дегенде тұрайық,

«2,3,4» алақанды соғайық

Оң жаққа бұрылып,

Сол жаққа бұрылып.

«1» отырып, «1» тұрып,

Біз жүгіріп алайық.

«5» дегенде асықпай

Орнымызды табайық.

Дидактикалық ойын: Таяқшалар

-Балалар, мына суретке мұқият қарап алайық, енді сендер осыларды таяқшалармен жасап көрсетесіңдер .

Үй , шырша жасау.

Триз элементтерін қолданып күшік жапсыру.

Техника қауіпсіздік ережесін естеріне түсіру. Балаларды мадақтау