Сабақтың тақырыбы: Қозғалысқа берілген есептер
Сабақтың мақсаты:1.Бір-біріне қарама-қарсы қозғалыс бағыты мағынасын ұғынады, есепке сызба құруға үйренеді.
2.Оқушыларды математикалық ой-белсенділіктері қалыптасып, сабаққа деген қызығушылықтары артады.
3.Оқушылар ауызша, жазбаша жұмыстар орындай отырып, ізденімпаздыққа, өз бетінші ой қорыта білуге, еңбектенуге, тиянақтылыққа тәрбиеленеді.
Сабақтың типі : жаңа материалды меңгерту
Әдісі:түсіндіру, сұрақ-жауап,ауызша, жазбаша
Көрнекілігі:интерактивті тақта, оқулық, анаграмма, слайд, постер, қағаздар, стикерлер, семантикалық карта, тест тапсырмалары, бағалау парағы, бағдаршам макеті.
Пәнаралық байланыс: дүниетану
Қолданылатын әдістер: «Ой ашу стратегиясы», сұрақ-жауап, графикалық тест, семантикалық карта, кері байланыс
Сабақтың барысы:
І.Ұйымдастыру кезеңі
Сынып түстерге байланысты 3 топқа бөлінеді. Олар анаграмманы шешу арқылы оқушылар өз топтарының аттарын шығарып, постер арқылы қорғайды. Формуласын, белгіленуі, өлшем бірліктері
І топ. «Жылдамдық» тобы -жасыл түс
ІІ топ. «Уақыт» тобы-сары түс
ІІІ топ. «Қашықтық» тобы- қызыл түс.
Топ ережесін еске түсіріп, топ басшыларын сайлап алады. Топ мүшелерін топ басшысы бағалау парағына бағалап отыратыны ескеріледі.
ІІ Қызығушылықты ояту.
«Ой ашу» стратегиясы
-Балалар тақтаға қарайық. Мына суреттен не көріп тұрсыңдар?
1.Машиналардың қозғалыс бағыты туралы не айтасыңдар?
2. Олардың арақашықтық өзгерісі туралы не айтасыңдар?
3. Жылдамдықтары бірдей болғанда, бірдей уақыт аралығында жүрген жолдары қандай болмақ?
4. Жылдамдықтары әртүрлі болса ше?
5. Кездескеннен кейін жылдамдықтарын ары қарай жалғастыра берсе, қандай өзгеріс болады?
-Ендеше, бүгінгі сабағымызда немен танысамыз деп ойлайсыңдар?
-Қозғалысқа байланысты есептер шығарамыз екен.
Дәптермен жұмыс
Көркем жазу. Күннің атын жазу.
IIIМағынаны тану.
1-тапсырма Топпен жұмыс
Есеп: Екі ауылдан бір мезгілде бір-біріне қарама-қарсы екі машина жолға шықты. Олардың біреуі кездескенге дейін 310 км, ал екіншісі 275 км жол жүрді. Екі ауылдың арақашықтығын тап.
2-тапсырма Өз беттік жұмыс
Есеп: екі ауылдан бір мезгілде екі салт атты бір-біріне қарама-қарсы жолға шықты. Олардың біреуі кездескенге дейін 27 км, ал екіншісі одан 7 км артық жол жүрді. Екі ауылдың арақашықтығы неше километр?
3-тапсырма Кестемен жұмыс
Жылдамдық Уақыт Қашықтық
60 км/сағ 3сағ ?
Х км/сағ 5сағ ?
80 км/сағ Х сағ ?
- Сонымен қашықтықы табу үшін не істейміз?Балалар жауап береді.
Сергіту сәті
«Сөйлей алатын қолдар» жаттығуын орындату.
4-тапсырма Семантикалық картамен жұмыс
Әр балаға карта таратылып беріледі. Балалар дұрыс жауапты + немесе – таңбасымен көрсетеді.
Тақтамен жұмыс
Балаларға бағанмен бөлу амалдарына тапсырмалар беріліп, тақтаға орындайды. Отырғандар тақтамен тексереді. Әр топтан бір баладан шығып, түсіндіреді.
IY. Ой толғаныс
«Иә-жоқ» математикалық диктанты
«Сұқ саусақ» стратегиясы арқылы жүзеге асады.
Сурет бойынша жұмыс
1. АВС үшбұрыш
2. АВКО тіктөртбұрыш
3. АВ қабырғасы СД –ға параллель
4. Мына суретте 5 үшбұрыш бар
6. ЕДКО шаршы емес т.с.с
Y. Бекіту кезеңі
-Міне, балалар бүгінгі сабағымыз да таяған сияқты. Сондықтан мен сендерден графикалық тест алғым келіп тұр. Балаларға таратылған графикалық тестке белгілеп болған соң топ басшылары жинап бағалайды.
Аудио дыбыс тыңдату. Екі машинаның соғылысып қалғаны. (СӨС негізінде)
-Балалар, бұл ненің дыбысы?
-Жол апаты
-Жол апатын болдырмау үшін бізге не керек деп ойлайсыңдар?
-Бағдаршам. Қазіргі жол апаты туралы айтып өту (қысқа ғана)
-Ендеше, бүгінгі сабағымыздан алғандарыңнан бәрі маған түсінікті дегендер, стикерлеріңді жасылға, әлі де менің түсінбеген тапсырмам бар дегендер, сары түске, ал әлі дайындалып, есептер шығаруым керек, мен көмекке мұқтажбын дегендер қызыл түске жапсырсын.
Топ басшылары бағалайды. Мұғалім қорытынды бағаны шығарады. Үй тапсырмасы беріледі 23 бет №9 шығарып келу.
