Открытый урок на тему "Жай б?лшектерді ?осу"

Сабақтың тақырыбы: Жай бөлшектерді қосу

Сабақтың мақсаты:

1. Білімділік: Бөлімдері бірдей жай бөлшектерді, бөлімдері әртүрлі жай бөлшектерді қосуға, қосу ережесін айта білуге үйрету. Қосудың ауыстырымдылық және терімділік қасиеттерін жай бөлшектерді қосуда және өрнектерді ықшамдауда қолдана білуге дағдыландыру.

2. Дамытушылық: Логикалық ойлау қабілеті мен есептеу дағдыларын жетілдіру. Оқушылардың белсенділігін арттыру арқылы пәнге қызығушылығын арттыру.

3. Тәрбиелік: Оқуды өз бетімен жауапкершілікпен меңгеруге тәрбиелеу. Сөйлеу мәнеріне тәрбиелеу.

Сабақтың түрі: Жаңа білім беру сабағы

Сабақтың көрнекіліктері: 1) Сабаққа қатысты сызбалар.

2) Бөлімдері әр түрлі бөлшектерді қосу алгоритмі.

Оқыту әдістері: Түсіндірмелі сұрақ-жауап.

Сабақтың барысы: 1) Ұйымдастыру

2) Үй тапсырмасын тексеру

3) Жаңа материалды меңгерту

4) бекіту

5) Үйге тапсырма беру.

І. Ұйымдастыру: Оқушыларды түгендеп, олардың сабақ бастауға дайындығын тексеру.

ІІ. Үй тапсырмасын тексеру. Әрбір оқушының шығарған есептерін тексеру, білімдерін сұрақ арқылы тексеру.

1. Оқушылар кезекпен тақтаға шығып, жай бөлшек жазып, келесісі оқып, алымын, бөлімін айтады.

2. Келесі оқушы бұрыс бөлшек жазып, анықтамасын тұжырымдайды.

3. Бұрыс бөлшекті аралас санға айналдырады.

4. Аралас сан жазып, оны бұрыс бөлшекке айналдырады.

5. Бірнеше жай бөлшектер жазып, оларды ең кіші ортақ бөлімге келтіреді.

6. Жай бөлшектер жазылып, салыстырылады.

ІІІ. Жаңа сабақтың мақсатын қою, оқушыларды таныстыру.

Жаңа сабақты бастамас бұрын осы тақырыпқа қатысты сұрақтарға жауап алынады.

1. Үлес деген не?

2. Жай бөлшек деген не?

3. Жай бөлшектің негізгі қасиетін тұжырымда

4. Жай бөлшектерді қысқарту деген не?

5. Жай бөлшектердің ортақ бөлімі деген не?

6. Жай бөлшектерді ортақ бөлімге қалай келтіреміз?

Бөлімдері бірдей бөлшектерді қосу.

Жай бөлшектерді координаталық сәуледе қосып көрсету.

Бөлімдері бірдей бөлшектерді қосу үшін алымдарын қосып, бөлімінің өзін қалдырамыз.

Бөлімдері әртүрлі бөлшектерді қосу.

3

2

1/4+ 1/6=3+2/12=5/12; ЕКОЕ (4:6)=12

- Толықтауыш көбейткіш

12:4=3

12:6=2

3

5

2/5+ 1/3=6+5/15=11/15 ЕКОЕ (5:3)=15

- Толықтауыш көбейткіш

15:3=5

15:5=3

Бөлімдері әртүрлі бөлшектерді қосу үшін ортақ бөлімге келтіреміз, ортақ бөлімін әр бөлшектің бөліміне бөліп, толықтауыш көбейткішті табамыз, толықтауыш көбейткіштерді бөлшектің алымымен бөліміне көбейтіп, бөлімдері бірдей бөлшектерді қосу ережесі бойынша қосамыз.

Бөлімдері әртүрлі бөлшектерді қосу алгоритмі

1. Бөлімдерінің ең кіші ортақ еселігін табамыз.

2. Толықтауыш көбейткішті табамыз.

3. Толықтауыш көбейткішті бөлшектің алымы мен бөліміне көбейтеміз.

4. Шыққан бөлімдері бірдей бөлшектерді қосамыз.

Бөлшектерді қосуда қосудың ауыстырымдылық және терімділік заңдарына бағынады. (осы жерде қосудың ауыстырымдылық және терімділік заңын қайталау)

a+b=b+a 3/5+1/2=1/2+3/5;

a+(b+c)=(a+b)+c 4/9+(1/2+5/9)=(4/9+5/9)+1/2;

Жаңа тақырыпты меңгеруін тексеру мақсатында төмендегі сұрақтар беріліп, жауап алынады.

1. Бөлімдері бірдей бөлшектерді қалай қосамыз?

2. Бөлімдері әртүрлі бөлшектерді қосу ережесін тұжырымда

Жаңа сабақты есептер шығару арқылы бекітеміз.

Сыныпта №607, 609, 611, 613 есептер шығарылады.

Есептер шығару кезінде оқушыларды 3 топқа бөліп шығарамыз. Әрбір топтың оқушылары бір-бірден шығып есептер шығарады. Соңында қайсы топ көп есеп шығарғанын тексереміз. Әрбір топтағы оқушылар «бірі бәрі үшін, бәрі бірі үшін» жауап береді. Ол оқушылардың бір-біріне көмектесуіне, сұрақтар сұрауына өзара жақсы қарым-қатынаста болуына көп ықпал етеді.

Сабақты қорытындылау: Оқушылардың білімін бағалау.

№28 орта мектептің математика пәні мұғалімі А.Еңсегенова