Математика п?нінен "Пысы?тау" та?ырыбына саба? жоспары.1-сынып

Бекітемін: Уақыты:

Пәні: Математика Сыныбы:1 ә

Сабақтың тақырыбы: Пысықтау

Құзыреттілікке жеткізетін сабақтың мақсат – міндеттері:

Ақпараттық құзыреттілік: Оқушылардың сегіз саны және цифры сабағын толықтыру,білімін кеңейтумақсатында пысықтау. Өткен тақырыпқа байланысты ауызша және жазбаша есептер шығару.

Коммуникативтік құзыреттілік: Оқушыларды тапсырманы тез және дұрыс орындауға дағдыландыру.

Проблеманы шешу құзыреттіліг: Есептер шығару барысында оқушылардың жан-жақты ойлауын дамыту, логикалық ойлауға дағдыландыру.

Сабақтың түрі: Қайталау

Сабақтың әдісі: Көрнекілік,түсіндірмелі-иллюстративті,

практикалық.

Сабақта қолданылатын педагогикалық технологиялар: Білім беруді ізгілендіру,дидактикалық бірліктерді ірілендіру, дамыта оқыту.

Көрнекілігі: мысалдар,дидактикалық материалдар, алма ағашы,суреттер.

Сабақтың барысы

І. Ұйымдастыру бөлімі.

-Амандасу, түгендеу;оқу-құралдарының дайындығын тексеру;

-Психологиялық дайындық.

Күлімдеп күн бүгін

Қарады маған да.

Күлімдеп күн бүгін

Қарады сағанда.

Мен сен үшін

Сен мен үшін

Бақытты болайық.

-Жақсы, осындай көңіл-күймен сабағымызды бастаймыз.Отырыңыздар.

-Сабағымыздың ережесін еске түсірейік.

1. Белсенді қатысу
2.Тыныштық сақтау
3. Бірін-бірін тыңдау
4. Ойын ашық айту
5. Бір-бірін сынамау
6. Ынтымақтылық

II.Қызығушылығын ояту.

-Оқушылар бүгінгі біздің сабағымыз «Жүзден жүйрік»- деген бәйге ретінде өткізіледі.

-Сендер бәйге қатысушы ұландарсыңдар! Білімдеріңді көрсетіп, ат салысып қатысайық!
Бәйгеміздің кезеңдері.

І кезең «Математика сандары»

II кезең. «Математика оқулығы»

III кезең. «Математика дәптері»

IV кезең. «Математика жұмбағы»

III.Тірек білімдерін жетілдіру.

І кезең «Математика сандары»

1-тапсырма “ Менің орным қайда”

Тақтаға 10 оқушы шығару.

-оқушылар сендерге кеспе цифрлар беремін. Мен 1,2,3 деген кезде сендер сан сәлесін құру керексіңдер. Отырған оқушылар сандарды өсу, кему ретімен айтулары керек.

2-тапсырма “ Ой ширату” 8 санының құрамын жазу.

3-тапсырма

Алма теру» ойыны

Дидактикалық мақсаты: Бір таңбалы сандарды қосу және азайту. Балалар ойнай отырып ауызша немесе жазбаша есептеп жаттығады.

Керекті құралдар: Алма бағының суреті, бірнеше алма мен алма салатын себеттер.

Мазмұны: Тақтаға үлкен алма ағаштың суреті орналастырылады. Ағашқа ілінген алмаларға тапсырмалар жазылады.Оқушылар үзіп алып орындайды.Дұрыс болса себетке салып,себетті алмаға толтырады.

Тапсырмалар:

3+3 4+ 4 7-5 6-4 5-1 4-3

3+4 6+1 7+1 8-5 8-4 2+5

.

IV. Өткен материалды қайталау.

II кезең. «Математика оқулығы» Оқулықпен жұмыс

1. Сандардың көршілерін ата

6

7

2

1

4

1. Суреттер бойынша өрнектер құрастыр.

1)

4+3=7 2+4=6 5-1=4

1. Үйлерге орналастыр.

1. Салыстыр

7 см = 7 см 3 = 4 – 1 3 + 2 4 – 1

7 см 8 см 4 4 – 1

6 см 5 см 8 8 – 2 6 + 26 – 2

Сергіту сәті.

Жел уледі

Дауыл келіп биледі

Қатты, қатты жел соқты

Жапырақтар қол соқты

***

Тербеледі ағаштар

Алдымнан жел еседі.

Кіп-кішкентай ағаштар

Үлкен болып өседі.

III кезең. «Математика дәптері»

2-тапсырма. Өрнек құрастыру

3-тапсырма. Көркем жазу

4-тапсырма. Оқулықтағы салыстыруды дәптерге түсірту.

5-тапсырма. Берілген суретті,өрнектерді дұрыс шығару арқылы боя.

V.Бекіту

IV кезең. «Математика жұмбағы»

1.Бес асықтың екеуін,

Досым сұрап алады.

Айтшы сонда нешеуі,

Өз қолымда қалады? 5-2= 3

2.Алма бағы жайнаған.

Қызыл алма айналам.

Алдым үзіп бесеуін,

Тағы да алдым екеуін. Алдым сонда нешеуін? / 7 /

3.Бәйгеге шықты жануарлар

Алға шықты бесеуі.

Қосылды оған екеуі

Мәреге келді нешеуі? 5 +2=7

4.Айманда бюолды бес алмұрт,

Әселге берді екі алмұрт.

Айманның қалды қолында

Неше алмұрт тез ойла? 5-2=3

5.Сегіз қияр базардан

Сатып алды Сәлімжан.

Бес қиярды алғанда

Қанша қалды дорбада? 8-5=3

VI.Мадақтау. –Оқушылар бүгінгі сабақта «Жүзден жүйрік, мыңнан тұлпар» екендерінді көрсете білдіңдер.(оқушыларға жұлдызша беру)

-Сабаққа өте белсене қатыстыңдар. Сабақ аяқталды.Сау болыңдар!