| Қызығу -шылық -ты ояту | АКТ Оқытуды басқару және көшбасшылық Жас ерекшелік-теріне қарай оқыту | 1.Психологиялық ахуал. Тұлға аралық байланысты орнату. Сабаққа дайындық.Күнге қолдарыңды созыңдар. Күннің жомарт сәулелері ананың нәзік алақанындай аялайды, сипалайды, жылытады. Сиқырлы күн барлық өкпе мен мұңды ерітіп жібереді. Жүрегімізді жылу мен махаббатқа толтырады. Барлығы: Күн жарығын алақанға саламын, Жүрегіме басып ұстай қаламын. Ізгі әрі нәзік, жарық, мейірімді, Болып кетер сонда дереу жан-жағым. -Міне,жүрегіміздегі осындай жылумен сабағымызды бастаймыз. 2.Сабаққа дейінгі үдеріс: Мұғалім: -Математиканың күнделікті адам өміріндегі мәні орасан зор.Санай білмей, сандарды қосуды, азайтуды, көбейтуді, бөлуді дұрыс орындай білмей тұрып адам қоғамының дамуы мүмкін деп ойлауға болмайды. Арифметика күнделікті практика талаптарынан,адамдардың еңбектеніп әрекет жасауындағы өмірлік мұқтаждықтарынан туған. Сондықтан сендерге күнделікті өмірде қолданып жүрген мәселелерге байланысты есептер құрастырып келуге тапсырма берілген еді. Енді әр топтан бір-бір оқушыдан шығып, соны жариялайды. 3.Тірек білімді еске түсіру. Ауызша есептеу. Санды 2, 3, 4-ке көбейтуді және бөлуді қайталау мақсатында «Қадам бас» ойыны ойналады | Шеңбер құрып, жылы лебіздерін білдіреді. Бүгінгі күнге сәттілік тілейді. Оқушылар ата-аналарымен бірге альбомға жасаған математикалық зерттеу жұмыстарын қорғауға кіріседі. Оқушылар жеке-жеке тақтаға шығып орындайды. | Жұлдызша арқылы | «Күн шуағы» слайд арқылы «Қадам бас» ойыны слайд арқылы |
| Мағына- ны тану | Оқыту мен оқудағы әдіс-тәсілдер АКТ Талантты және дарынды балаларды оқыту | 5.Жаңа материалмен жұмыс. Мұғалім: -Балалар біз бүгін математика пәні бойынша ертегі сабағын өтеміз. 1-тапсырма. "Ерте, ерте, ертеде..." деп аталады. Бұл тапсырмада қай ертегі туралы айтылады? Осы сұрақка жауап берсек "Ертегілер елінің" қақпасы ашылады. Мұғалім: -Әжесі немересін өте жақсы көреді екен. Сондықтан оған қызыл телпек сыйлапты. Содан бері оның аты осылайша аталып кетіпті. Ол қандай ертегі? Балалар: «Қызыл телпекті қыз» («Ертегілер елінің" қақпасы ашылады.) Мұғалім: -Біз Қызыл телпекті қызбен математикалық саяхатқа шығамыз. Жолда қиыншылықтар болады. Содан өтуге тырысуымыз керек. *Ертеде Қызыл телпекті қыз өмір сүріпті. Ол анасына әжесінің үйіне барғысы келетінін айтады. Анасы алдымен тауық қорадан жұмыртқаларды жинап келуін өтінді. Ол үшін мына есепті шығаруымыз керек. Тауық қораның ішінде 8 жұмыртқа бар, ал сыртындағы жұмыртқа саны одан 2 есе кем.Құстар барлығы неше жұмыртқа жұмыртқалаған ? *Содан соң анасы жұмыртқаны қайнатып пісіріп болған соң баратынын айтты. Ол үшін мына есепті шығаруымыз керек. Қызыл телпекті қыз 1 жұмыртқаны 4 минутта пісірсе, 4 жұмыртқаны неше минутта пісіреді? Мұғалім: Сол күні анасы бәліш пісіріп, қызына : -Қызым,әжеңе мына бәліштер мен құты майды апарып бере ғой. Бірақ жолда абай бол-, деді. *Ол орманмен келе жатады. Қызыл телпекті қыз әжесіне сыйлайын деп, гүл тере бастайды. Гүлдердің артына жазылған тапсырманы дұрыс шығарсақ, орманымыз гүлденеді. Гүлдердің артына санды 2,3,4-ке көбейту және бөлуге берілген мысалдар болады, балалар соны шығарады. Мұғалім:Қызыл телпекті қыз орманда келе жатқанда әкеле жатқан бәліштерінің иісі алысқа жетеді.
-Ал оның кәрзеңкесінде неше бәліш бар? Оны мына есепті шығарсақ табамыз. Есепті оқиық. Қызыл телпекті қыздың кәрзеңкесінде картоппен жасалған 8 бәліш бар. Ал етпен жасалған бәліш одан 6-ауы артық. Сонда Қызыл телпекті қыздың кәрзеңкесінде барлығы неше бәліш болғаны? Мұғалім: Қызыл телпекті қыз орманда келе жатқанда, алдынан Қасқыр шығады.Есеп. Қызыл телпекті қыз Қасқырмен жақсылап амандасады да, екеуі орманды 2 км жүрді. Олардың әрқайсысы неше км жүрді? Қыздан қайда бара жатқанын сұрайды. Әжесіне бара жатқанын айтады. Қасқыр Қызыл телпекті қызды ұзақ жолмен жібереді, ал өзі қысқа жолмен кетеді.Есеп. Қасқыр өзіне 200 метрлік қысқа жолды таңдап алып, Қызыл телпекті қызға 5 есе ұзақ жолмен жүруі керек екенін алдап айтады. Қызыл телпекті қыз енді қанша жол жүруі керек? Қызыл телпекті қыз жолын жалғастырады. Экологиялық есеп. Борсықтар орманда мекен етеді. Бұл пайдалы жануарлар. Олардың қорегі – орман зиянкестері. Егер бір борсық бір күнде 1кг жәндіктер мен тышқандарды жейтін болса, 2 аптада қанша зиянкестерді жей алады? Топтық жұмыс: Сергіту сәтін орындайды. Жұптық жұмыс Мұғалім:Қасқыр өзеннің жағасында қыздың әжесін, содан соң қыздың өзін жейтіні туралы айтып, армандап келе жатып, шөлдеп өзеннен су ішеді. Қызыл телпекті қыз әжесінің үйінің жанына келсе, Қасқыр уланып құлап жатыр. –Балалар, не себепті олай болды деп ойлайсыңдар? (Оқушылар өз ойларын айтады) Сөйтіп Қасқырды аңшылар келіп алып кетеді. Қызыл телпекті қыз әжесіне аман-есен барып, олар отбасымен бірге бақытты өмір сүреді. | Оқушылар ертегінің атын табады. 1-топ тапсырмасы: есептің шартын, сұрағын, шешуін, жауабын талдайды. 2-топ тапсырмасы: логикалық есептің жауабын табады. Гүлдердің артындағы санды 2,3,4-ке көбейту және бөлуге берілген мысалдарды шығарады. 3-топ тапсырмасы: есептің шартын, сұрағын, шешуін, жауабын талдайды. 4-топ тапсырмасы: логикалық есептің жауабын табады 5-топ тапсырмасы: есептің шартын, сұрағын, шешуін, жауабын талдайды. 6-топ тапсырмасы: есептің шартын, сұрағын, шешуін, жауабын талдайды. Топтық жұмысты топпен біріге отырып орындайды. Оқушылар сергіту сәтін орындап, сергіп қалады. Жұппен сәйкестендіру тестін орындайды. | Смайликтер арқылы | Суретті слайд Оқулық, дәптер, қалам, сызғыш Артында тапсырма жазылған түрлі-түсті гүлдер Постер, маркер Постер, маркер Сергіту сәтінің электронды жинақтамасы Таратпа материалдар | |
