Лездік жылдамды?. Туындыны? физикалы? ма?ынасы

Отар Ақан Тельманұлы

Ақтөбе қаласы

Ақтөбе ауыл шаруашылық колледжінің

математика пәні мұғалімі

Сабақтың тақырыбы: Лездік жылдамдық. Туындының физикалық мағынасы.

Сабақтың мақсаты:

• Функцияның берілген нүктедегі өзгеру жылдамдығы (лездік жылдамдық) туындының физикалық мағынасын беретінін игеріп, осы білімдерін қолдана отырып, қиындығы әр түрлі есептер шығару.

• Оқушының ойын ауызша және жазбаша түрде анық, нақты жеткізе білу дағдысын қалыптастыру , функционалдық сауаттылығын дамыту.

• Өз білгенін достарына еркін үйрете білуге, қорытынды шығара білуге, ізденуге дағдыландыру.

Күтілетін нәтиже:

• Туындыны табу ережелерімен есеп шығару дағдысын дамытады.

• Туынды тақырыбы бойынша білімді өзектендіреді.

• Туындының физикалық мағынасын талдайды.

• Туынды тақырыбын терең меңгереді.

Әдіс-тәсілдері: СТО, Фишбон, топпен жұмыс, РАФТ, Кластер, семантикалық карта, сұрақ-жауап, кітаппен жұмыс.

Көрнекіліктері: семантикалық карта сызбысы , интербелсенді тақта.

І. Ұйымдастыру кезеңі

Саламатсыздар ма, оқушылар! Сабағымызды бастамас бұрын топқа бөлінейік.

Оқушыларға есептер жазылған ракеталар таратылады.Ғарыш айлағы жасанды жер серіктерін жеткізгіш зымыран арқылы берілген орбиталарға шығарылуын қамтамасыз етеді.Ғарыш айлағы- мұғалім,жеткізгіш зымыран – алған білімдері,ал орбиталары оқушының білімді қабылдап,игеруі. Қосындының туындысын табу керек болса 1-топқа, көбейтіндінің туындысын табу керек болса 2-топқа, бөлшектің туындысын табу керек болса 3- топқа барады.Оқушылар 3 топқа бөлінеді:1-топ қосындының туындысы, 3-топ көбейтіндінің туындысы,2-топ бөлшектің туындысы

Топ ережесі:

Бір-бірімізді тыңдаймыз,

Бір-бірімізді сыйлаймыз

Саспай, қорықпай

Әр есепке қателеспей

Шуламай, қол көтере отырып,

Жауап беруге тырысамыз.

ІІ. Қызығушылықты ояту

Өткен алгебра сабағының тақырыбы: «Туынды табу ережелері». Осы тақырыпты қалай игергендеріңді білу үшін семантикалық карта толтырамыз. Семантикадық картаны толтыру кезінде оқушының білімі бірнеше жағдайда тексеріледі (түрлендіру, формуланы және ережені білу, кестені қолдану,математикалық тілде сөйлеу, ауызша есептеу)

1-топқа №1 семантикалық карта

2-топқа №2 семантикалық карта

3-топқа №3 семантикалық карта беріледі

Семантикалық картаны 3 топта дұрыс толтырса, дұрыс жауаптар бүгінгі сабағымыздың тақырыбын жазып береді.

1-топ тапсырмаларын ауызша орындайды да, 2- және 3- топтардың тапсырмасын орындап, дұрыстығын тексереді.

1- топқа №1 семантикалық карта

2 -топқа №2 семантикалық карта

3- топқа №3 семантикалық карта

3.Білімді дамыту кезеңі

Біздің мектеп биылғы оқу жылынан бастап «Саналы білім берудегі SMART оқытудың тиімділігі» тақырыбында облыстық экспериментке қатысып жатырмыз. Сол эксперимент 10 «а» сыныбында жүргізіліп жатырғандықтан жаңа сабақ SMART оқыту аркылы беріледі. Жаңа сабаққа контент жасалып,бір күн бұрын оқушылардың ұялы телефондарына жіберіледі. Жаңа сабаққа үйден дайындалып келеді.

Жаңа сабақты өз бетінше қалай игергендігін тексеру мақсатында 3 топқа тапсырмалар беріледі:

1-топ Туындының физикалық мағынасын анықтама бойынша табу (фишбон арқылы )

2-топ Туындының физикалық мағынасын формула бойынша табу (кластер арқылы)

3-топ Туындының физикалық мағынасын мысал есеп арқылы беру ( РАФТ арқылы)

математикалық диктант

1. Функцияның берілген нүктедегі өзгеру жылдамдығы ... . (туындының физикалық мағынасын береді немесе лездік жылдамдық болып табылады)

2. қатынасы ... . (t уақыт ішіндегі қозғалыстың орташа жылдамдығы )

3. қатынасының шегі ... . (жылдамдық деп аталады)

4.Жаңа сабақты бекіту

Класта А – барлық оқушылар үшін міндетті тапсырмалар № 192, 193

В – қиындығы орта деңгейлі тапсырма № 200

С – ізденісті қажет ететін қиындығы жоғары деңгейлі тапсырма № 206 орындалады

Шығармашылық жұмыс. С тобының есебі.

5. Оқушылардың білімдерін бағалап, қорытындылау.

1. Әрбір оқушы өз білімін келесі формула арқылы  бағалайды:

Бағалау: С=А/7*100%

С - өзін-өзі бағалау деңгейі.

7–Сабақта берілген барлық тапсырмалар саны.

А –Оқушының өзі түсініп орындаған тапсырмалар саны.

Рефлексия.

1 - сабақтан қандай әсер алдыңыздар?

2 - топпен жұмыста сіздерге не көмектесті және не кедергі болды?

3 - бүгінгі сабақтан жаңадан қандай мағлұмат алдыңдар?

Ракеталарына жазып, өз орбиталарына жапсырады

1.Дөңгелек суреті -Бүкіләлемдік тартылыс күші әрекетінен дененің дөңгелек орбита бойымен қозғалысы жүзеге асатын жылдамдық 1-ғарыштық жылдамдық 7,9км/с

2.Эллипс суреті -1-және 2- ғарыштық жылдамдықтар арасындағы аралық жылдамдық кезінде серік Жердің созылыңқы эллипс бойымен айнала қозғалуы

3.Парабола суреті -парабола бойымен қозғала отырып, Күннің немесе басқа планетаның жасанды серігіне айналады 2- ғарыштық жылдамдық 11,2 км/с

4.Гипербола суреті -Жер бетіндегі бастапқы жылдамдағы 16,7 км/с жетсе, ракета Күннің де, Жердің де тарту күшін жеңіп,Күн жүйесінің шеңберінен шығады

Қай орбитада қозғалып жүргендіктерінен оқушылар білімді қалай игергендерін білеміз.

Сабақты қорытындылап, оқушылардың, сыныптың жұмысына баға беру.

Бағалау критериалды өлшем бойынша: