Конспект урока математики,презентация для урока

Айгуль Тунгатарова Туйешиевна

Маңғыстау облысы, Маңғыстау ауданы, Жыңғылды ауылы

Есір Айшуақұлы атындағы орта мектептің бастауыш сынып мұғалімі

Айгуль Тунгатарова Туйешиевна 3 – 4 сынып оқушыларымен бірге

Маңғыстау облысы, Маңғыстау ауданы, Жыңғылды ауылы

Есір Айшуақұлы атындағы орта мектептің бастауыш сынып мұғалімі

Тақырыбы: «Не үйрендік, не білдік?»

(3 – 4 сыныпаралық сайыс)

Мақсаты: Оқушылардың қызықты математика пәнінен алған білімдерін тексеру, білімдерін шыңдау, ойлау қабілетін, ой ұшқырлығын арттыру.Оқушыларды ұйымшылдыққа, жауапкершілікке, өзін-өзі тәрбиелеуге үйрету. Ұйымдастырушылық қабілетін дамыту.

Көрнекілігі: Ребус, кесте, пішіндер, нақыл сөздер, жұмбақтар, слайдтар

Әдісі: Сұрақ – жауап, ойын, тест, әңгімелеу

Түрі: Сайыс

Жүрісі:

І. Кіріспе:

- Құрметті ұстаздар, оқушылар! Бүгін бізде «Не үйрендік, не білдік?» тақырыбында сайыс өтпекші. Бұл сайыстың тақырыбы неге олай аталды? Себебі, біз «Қызықты математика» сабағында көптеген қызықты да, қиын тапсырмаларды үйреніп жатырмыз, әлі де үйрене береміз. Сол сабақта үйренгенімізді, не білгенімізді бүгінгі сайыста көрсетуіміз керек екен.

- Енді ортаға «Білімді бірді жығады, білекті мыңды жығады» - дегендей осы математика ғылымына өзіміздің азғантай болса да үлесімізді қоссақ деген үмітпен келіп тұрған жас математиктерімізді ортаға шақырайық! Қол соғып қарсы алайық!!!

- Ендеше сайысымызды бастайық!

• Сайысымызды бастамас бұрын әділ баға берер апайларымызды сайлап алайық.

(Әділ – қазы сайланады)

• Сайыс 3 – 4 – сынып оқушылар арасында өтеді.

ІІ. Психологиялық дайындық

Ауданымыздың білім додасында олимпиада жүлдегері атанған 4 – сынып оқушысы Іңкәрдің «Сәттілік тілеймін сіздерге!» деген тақырыпта жазған өлеңін тыңдайық

- Сәттілік тілейік!

І. Таныстыру

ІІ. Ұшқыр ой

ІІІ. Ойлан, тап!

ІҮ. Математикалық фокус

Ү. Көңілді ребус

ҮІ. Сиқырлы пішіндер

ҮІІ. Зерде

ҮІІІ. Қас қағым

ІХ. Санжұмбақ

І. «Таныстыру» (Әр топ өздерін таныстырады)

«Болашақ» - 3 – сынып

Ұраны:

Еліміздің болашақ,

Азаматы боламыз.

Білім менен ғылыммен,

Болашаққа барамыз!

«Бәйтерек» - 4 – сынып

Ұраны:

Бәйтеректей биікке,

Ұмтыламыз, талмаймыз.

Есептерден сайыста

Біз ешкімнен қалмаймыз!

ІІ. «Ұшқыр ой» Тест тапсырмалары беріледі

«Болашақ» тобының тапсырмалары

1. Математика ғылымына көбейту кестесін енгізген кім?

2. Күн көзі жылына неше рет шығады?

3. Жарас Ақылбектің баласы, ал Ақылбек Кәрімнің баласы. Жарас Кәрімге кім?

4. Қоянның үйінен құдыққа дейінгі жер 30 метр. Ол бір шелек су әкелу үшін неше метр жерді жүріп өтуі керек?

«Бәйтерек» тобының тапсырмалары

1. Төрт жүз жетпіс төрт миллион екі жүз үш мың алты жүз жиырма бір санын цифрмен өрнекте.

2. «Барлық математиканың негізі - арифметика». Кімнің сөзі?

3. Жұмысшылар әр 5 минут сайын ағаштың 1 метрін кеседі. Ұзындығы 2 метр бөренені олар неше минутта кесіп болады?

4. 3 км = *** мм

ІІІ. «Математикалық фокус»

«Болашақ» тобы «Бәйтерек» тобы

1. Бір сан ойла

2. Оған 6 – ны қос

3. Қосындыдан 2 – ні азайт

4. Одан ойлаған санды азайт

5. Нәтижесіне 1 – ді қос

6. Неше шығады?

1. Бір сан ойла

2. Оған 25 – ті қос

3. Оған және 125 – ті қос

4. Нәтижеден 37 – ні азайт

5. Нәтижеден ойлаған санды

азайт

7. Айырманы 50 –ге көбейт

8. Шыққан санды 10- ға бөл

9. Неше шығады?

Егер барлық амал дұрыс орындалса,

нәтижесінде 565 саны шығады

ІҮ. «Ойлан, тап!»

Логикалық тапсырма

(Екі топқа бірдей тапсырма. Кесте толтырады.)

Қайрат, Бауыржан, Ерасыл, Ілияс жарыста алдыңғы 4 орынды иеленді. Бірақ балалардың ешқайсысы бірдей бір орынды өзара бөліскен жоқ. «Нешінші орын алдыңдар?» деген сұраққа олар былай деп жауап берді.

• Қайрат: «Менің алғаным 1 – ші де, 4 – ші де орын емес»

• Бауыржан: «Мен 2 – ші орын алдым»

• Ерасыл: «Соңғы орын алған жоқпын»

Кім қандай орын алды?

Б/А	І орын	ІІ орын	ІІІ орын	ІҮ орын
Қайрат	-	-	+	-
Бауыржан	-	+	-	-
Ерасыл	+	-	-	-
Ілияс	-	-	-	+

ҮІ. «Зерде» ( Жанкүйерлермен сайыс сұрақ - жауап )

Ү. «Көңілді ребус»

Тапсырма:

Ребусты шешіп мақал құрастыр.

(Батырлық, отан туралы мақалдар құрастырады)

ҮІ. «Білгенге маржан»

Тапсырма:

1. Байырғы өлшемдер

2. Дене мүшелеріне байланысты санау түрлері

3. Рим цифрлары

Рим цифрлары латын әрпінің неше әрпімен таңбаланады, қандай әріптер?

I – 1, V – 5, X – 10, L – 50, C – 100, D – 500, M - 1000

«Бәйтерек»

1. МС, DL қандай сан айта ғой?

2. Мұсылманның бес парызын атап бер

3. Қос қол есе оң ауыз ---- қандай сан?

4. Бес мүшелді қалай түсінесің?

«Болашақ»

1.Үш арсызды ата

2. Қолаяқ, көз мұрын ------ нешені білдіреді?

3. DС, LX мына санды арап цифрымен айта ғой

4. Баяғыда 50 жылды қалай айтқан?

ҮІІ. «Сиқырлы пішіндер»

1. Топ басшыларына

Тапсырма:

Шаршыны белгіленген әріп және сандар бойынша боя. Қандай бейне пайда болады?

3 – сынып -А3, В2, В3, В4, В5, С4, Е3, Д4, 4 – сынып- А3, В5, В4, С4, В6, Д6, Д4, Д5,

Д5 Д1, Д3, Д2, Е1

2. Тапсырма:

Көрші орналасқан жүзім дөңгелектеріндегі сандарды бір – біріне көбейт. Нәтижесін астындағы дөңгелекке жаз.

ҮІІ. «Қасқағым» слайдпен көрсетіледі

Тапсырма:

1. Шаршының саны қанша?

2. Үшбұрыштың ше?

3. Шеңбердің саны нешеу?

4. Түрлі – түсті моншақтың саны қанша?

ҮІІІ. «Санжұмбақ»

Тапсырма:

Санжұмбақтар шешу

Қорытынды:

Әділ – қазыларға сөз беріліп жеңіске жеткен топ марапатталады.

Диплом тапсыру 4 – сынып оқушысы «Бастау» аудандық математикалық турнирінде «Бас жүлде» иеленген Құрбанғазы Ғайни табыстайды.

Есір Айшуақұлы атындағы орта мектеп

Не үйрендік, не білдік?

Сыныпаралық сайыс

Қызықты математика

Өткізген: Тунгатарова Айгуль

Жыңғылды