Екі н?ктені? ара?ашы?ты?ы.

Геометрия. 8-сынып.

Тақырыбы: Екі нүктенің арақашықтығы.

Мақсаты: 1. Берілген координаталары бойынша жазықтықтағы екі нүктенің арақашықтығын табу формуласымен таныстыру. Формуланы есептер шығаруда қолдана білу дағдысын қалыптастыру.

2.Тақырыптан ең маңыздысын таба білуге, өз пікірін дәлелдеу үшін ізденуге және өз ойын тұжырымдай білуге дағдыландыру.

3.Оқушыларды жеке және топпен жұмыс істеуге дағдыландыру. Жолдастық сезімге, сыйластыққа, ынтымақтастыққа тәрбиелеу.

Сабақтың типі: Жаңа білімді меңгерту сабағы.

Техналогиясы: Сыни тұрғыда ойлау.

Көрнекілігі: Интерактивтік тақта, ватман, маркер, кеспе кағаздар.

Сабақтың барысы:

1.Ұйымдастыру.

а) Оқушылармен амандасу, сыныпты түгендеу.

ә) Сынып оқушыларын топтарға бөлу (3-4).

б) Оқушылар назарын сабаққа аудару.

2.Үй тапсырмасын тексеру.

а) Тікбұрышты координаталар жүйесінде нүктелерді сал (ватманға сызылған координаталық жазықтыққа әр топтан бір оқушыдан нүктелерді салады).

1-топ. А₁(-4; 2), В₁(-1, 6).

2-топ. А₂(-5; -3), В₂(3;3).

3-топ. А₃(-7;-3), В₃(5;2).

ә) Осы нүктелер ұштары болатын кесінді ортасының координаталарын табыңдар (3 топтан үш оқушы тақтаға шығады).

3. Ой қозғау.

1. Бізге жазықтықта екі нүкте берілсе олардың арақашықтығын қалай табамыз? (олардың арасын кесіндімен қосып, сызғышпен өлшеп табамыз)

2. Координаталық түзуде берілген екі нүктенің арақашықтығын қалай табамыз?

А(-2), В(2).

АВ=2-(-2)=4.

(оң жақта орналасқан нүктенің координатасынан сол жақта орналасқан нүктенің координатасын азайтамыз).

3. Ал, нүктелер тікбұрышты координаталық жүйеде орналасса арақашықтығын қалай табамыз?

Бүгінгі сабағымыздың мақсаты осы тікбұрышты координаталар жүйесіндегі екі нүктенің арақашықтығын табуды үйрену.

4. Мағынаны ашу.

а) Оқушылар өз бетінше оқулықтан тақырыпты оқиды(1 бетке 3минут есебімен).

Оқу барысында INSERT кестесін толтырады .

б)

Оқушыларға ұсақ детальдарға көңіл қою керек екенін ескертемін.

в) Алғашқы түсінікті тексеру (жалпы сыныпқа сұрақтар INSERT кестесі бойынша).

1. АВС үшбұрышы қайдан пайда болды?

2. Пифагор теоремасын не үшін қолдандық?

3. Арақашықтықты табу формуласы қандай?

5. Жаңа тақырыпты қалай меңгергенін тексеру.

Әр топ кеспе қағаздағы тапсырмаларын тақырыптан түсінгенін қолданып қорғауға дайындалады (3 минут).

1-топ тапсырмалары:

а) Екі нүктенің арақашықтығын тап.

А₁(-4;2), В₁(-1;6), А₁В₁=?

б) Екі нүкте де абсцисса осінде жатқан жағдай үшін арақашықты тап.

2-топ тапсырмалары:

а) А₂(-5;-3), В₂(3;3), А₂В₂=?

б) Екі нүкте де ордината осінде жатқан жағдай үшін арақашықты тап.

3.А₃(-7;-3), В₃(5;2), А₃В₃=?

б) Бір нүкте абсцисса осінде, екінші нүкте ордината осінде жатқан жағдай үшін екі нүктенің арақашықтығын тап.

Тақтада әр топтың спикері өз тобының жауабын қорғайды (1 минуттан).

6. Бекіту- есептер шығару.

№179. Әр топ өздігінше шығарады. Жауабын және қолданған формуланы топтағы бір оқушы хабарлайды.

Топтарға әр түрлі тапсырмалар .

1-топ. Оқулықтағы №183 есеп.

2-топ. Оқулықтағы №185 есеп.

3-топ. Оқулықтағы №186 есеп.

Топтар өз есептерін шығарып тақтада қорғайды.

(Өзге топтағы оқушылар сұрақ беруі мүмкін. Әр кезеңде спикерлер өзгеріп отырады).

7. Үйге тапсырма беру: №180,№184есептер.

Мәтін соңындағы сұрақтарға жауаптар дайындау(шығармашылық жұмыс).

8. Бағалау(топ лидерлері өз тобынан 3-4 оқушыны бағалауды ұсынады).

9. Қортындылау.

Сабақтан күтілетін нәтижелер:

- тікбұрышты координаталар жүйесіндегі екі нүктенің арақашықтығын табу формуласын білу;

- тікбұрышты координаталар жүйесіндегі кез келген екі нүкте үшін арақашықтық табу формуласын өздігінше құра білу;

- формулаларды есептер шығаруға тиімді қолдану дағдысы қалыптасады;

- оқушылардың ынтымақтастығы мен сыйластығы жоғарылайды.