Геометрия п?нінен «Цилиндр» та?ырыбына саба? ?зірлемесі.

Пәні: геометрия

Сыныбы: 11Б

Сабақтың тақырыбы: «Цилиндр» тақырыбына есептер шығару.

Сабақтың мақсаты:

а) білімділік: Оқушылардың цилиндр айналу денесі туралы ( анықтамасы, цилиндрдің элементтері, цилиндрдің қимасы, цилиндрдің бүйір бетінің ауданы, толық бетінің ауданы) білімін бекіту. Есептер шығаруда цилиндрдің бүйір бетінің, толық бетінің аудандарының формулаларын қолдануды үйренуге жағдай жасау. Есептер шығару дағдыларын қалыптастыру.

ә) дамытушылық:

Айналу денелерінің мысалында кеңістік туралы түсініктерін дамыту.

Оқушылардың еркін ойлау, есте сақтау қабілеттерін, ой - өрістерін дамыту;

б) тәрбиелік: Тәуелсіздік күніне арналған фотосуреттерді қолдана отырып, оқушылардың бойындағы патриоттық сезімдерін қалыптастыру және сабаққа қызығушылықтарын арттыру.

Сабақтың типі: Білім, білік, дағдыны дамыту және бекіту сабағы.

Сабақтың түрі: Дәстүрлі сабақ

Сабақтың әдісі: сұрақ – жауап, activote тесттілеуші, математикалық диктант, бес жолды өлең стратегиясы.

Педагогикалық технологияның түрі: ақпараттық технология, сын тұрғысынан ойлау технологиясы.

Пәнаралық байланыс: сызу, қазақ тілі,информатика, өмірмен байланыс

Сабақтың көрнекілігі: интерактивті тақта, парақшалар, электронды оқулық,

слайдтар, геометриялық макеттер, бағалау плакаты т.б.

Сабақтың кезеңдері:

1. Ұйымдастыру кезеңі ( 1 минут)

2. Математикалық диктант алу(6 минут)

3. Өтілген тақырыпты қайталау (5 минут)

4. Бекіту (18 минут)

5. Бес жолды өлең жазу (1 минут)

6. тесттік тапсырма (12 минут)

7. қорытынды (2 минут)

Сабақтың барысы:

І. Ұйымдастыру кезеңі.

Оқушылармен сәлемдесу, түгелдеу;

Оқу – құралдарын тексеру;

Назарларын сабаққа аудару.

2. Математикалық диктант алу.

Көп нүктенің орнына тиісті сөзді тауып жаз:

1. Цилиндрдің толық бетінің ауданы ...тұрады

(бүйір бетінің және табандарының аудандарының қосындысынан)

2. Цилиндр ... оның бір қабырғасынан айналдырғанда шығатын (денені) атайды.

( тік төртбұрышты)

3.Цилиндрді оның осіне ... жазықтыпен қиғанда қимасы табандарына тең шеңбер болады.

( перпендикуляр)

4.Егер жасаушылары цилиндрдің табандарына перпендикуляр болса онда цилиндр ... цилиндр деп аталады.

(тік дөңгелек)

5. Цилиндрдің жасаушылары өзара ... болады.

(параллель және тең

Оқушылар тапсырма орындалған парақтарын бір-бірімен ауысып, мұғалімнің айтқан жауабымен тексеріп (әр сұраққа 1 ұпай) әрқайсысы неше ұпай жинағанын ауызша айтады.

3.Үй тапсырмасын сұрау. Өтілген тақырыпты қайталау. (орындалған тапсырманы пысықтау және білімдерін тексеру мақсатында)

Оқушылар бес топқа бөлініп берілген сұрақтарға (цилиндр оның элементтері, цилиндрдің қимасы, цилиндрдің жазбасы мен бетінің ауданы, іштей жіне сырттай сызылған призмалар, цилиндрдің айналамыздағы қолданысын көрсет.

1-2 мин слайдпен оқушылардың көрсетілімі слайдтар жасап жалпы мағлұматтарды айтып сызбаларды көрсетеді.

4. Тақырыпты бекіту. Есептер шығару.

Оқушыларға сынып жұмысында шығарылатын есептер тізімін тақтада көрсету. Қалаулары бойынша оқушылар есептерді озып отырып шығарып, бағалануға мүмкіндіктері бар. (№11,12,13,24,28)

Тақтаға екі оқушыдан шығып біреуі интерактивті тақтада, екіншісі тақтада есептерді шығарады.

№11

Табанының радиусы 4м және биіктігі 6м цилиндр берілген. Цилиндрдің осьтік қимасының диагоналін табыңдар.

Бер: R= 4см шешуі: d²= D² + Н²

Н = 6см D=2 R = 2*4 =8см

т/к: d d²= 8² +6² = 100, d = √100 =10 см

Жауабы: 10 см

№12

Табанының радиусы 3см, осьтік қимасының диагоналі 10см цилиндр берілген. 1) Цилиндрдің биіктігін; 2) Цилиндрдің осьтік қимасының ауданын табыңдар.

Бер: R= 3см шешуі: d²= D² + Н²

d = 10см Н² = d² - D² , D = 2 R = 2*3 =6см

т/к: H, S Н² = 100 - 36 =64, Н = √64 =8 см

S = D*Н, S = 6см *8см = 48см²

Жауабы: 48см²

№13

Цилиндрдің биіктігі 8см, табанының диаметрі 10см. Цилиндрдің осінен 4см қашықтықта оған параллель жүргізілген жазықтықпен қиманың ауданын табыңдар.

№24

Берілгені бойынша: 1) табанының диаметрі 12см, биіктігі 3,5см цилиндр бетінің ауданын табыңдар.

№28

Цилиндрдің толық бетінің және бүйір бетінің аудандары сәйкесінше 50 және 30 см². Цилиндрдің радиусын және биіктігін табыңдар.

5. Бес жолды өлең жазу

Бес жолды өлең жазу алгоритмі

• Бірінші жол: тақырып

• Екінші жол: екі сын есім

• Үшінші жол: үш етістік

• Төртінші жол: нақыл сөз

• Бесінші жол: зат есім

1. «Цилиндр» тақырыбына тесттік тапсырма алу.

(интерактивті тақтаның көмегімен)

7. Сабақты қорытындылау.

1) Үй тапсырмасы.

№16, № 17, №18, №25.

2) Бағалау. Бағалау кестесі көмегімен.

3) Рефлексия.

• Сабақ туралы не айта аласың ?

• Сабақ несімен ұнады?

• Сабақ соңындағы көңіл-күйлеріңіз?

• Берілген тапсырмалардың шығару жолдарын сабаққа қатыспай қалған құрбыңа түсіндіре аласың ба?

Бағалау кестесі