Бір айнымалысы бар сызы?ты? те?деулерді шешу алгоритмі

6-сынып математика 21.01.2015 жыл.

Сабақтың тақырыбы: Бір айнымалысы бар сызықтық теңдеулерді шешу алгоритмі.

Сабақтың мақсаты:

Білімдік: оқушылардың «Бір айнымалысы бар сызықтық теңдеуді шешу алгоритмі» тақырыбы бойынша алған білімдерін бір жүйеге келтіру, пысықтау.
Дамытушылық: Теңдеу құру дағдыларын, есеп шығару біліктерін дамыту. Оқушылардың логикалық жан –жақты ойлауын, сөйлеу қабілеттерін дамыту пәнге қызығушылығын арттыру.

Тәрбиелік: Оқушыларды бірлікке, ұйымшылдыққа, алғырлыққа, шапшаңдыққа, өз бетінше ізденіп, білім алуға дағдыландыру және тәрбиелеу.

Көрнекілік: Слайд (интернеттен алынған материалдар), асық, шар, тақта, бор, үлестірмелі материалдар, желім, маркер.
Сабақтың түрі: пысықтау
Сабақтың әдісі: топтық жарыс, сұрақ-жауап, есептер шығару

Сабақтың барысы: I Ұйымдастыру кезеңі: а) сәлемдесу; ә) түгендеу; б) сабақ барысын түсіндіру, топқа бөлу. (Топтарга дұрыс жауаптары үшін жетондар беріліп отырады).

II. Үй тапсырмасын тексеру: № 856.

1. 5(3-2у)-4(9-у)=3(у+5); у=-4

2. 14(2х-3)-5(х+4)=2(3х+5)+5х; х=6

3. 9(3х-7)+3(8х-11)=3(9х+8); х=5

4. 6(7х-11)-13(х-6)=14(2х+1); х=2

III «Ой шақыру» сұрақ-жауап: Бауырсақ ертегісінің желісі бойынша бауырсақты қояннан құтқару үшін өткен тақырып бойынша сұрақтарға жауап беру керек (себеттің суреті бар плакатта сұрақтары бар сәбіздер ілінген. Әр сәбізде 1 сұрақ). Қайталау сұрақтары:

1. Бір айнымалысы бар сызықтық теңдеу дегеніміз не?

2. Мәндес теңдеу дегеніміз не?

3. Теңдеуді шешудің 1-қасиеті?

4. Теңдеуді шешудің 2-қасиеті?

5. Теңдеу дегеніміз не?

6. Бір айнымалысы бар сызықтық теңдеуді шешу алгоритмі?

IV.Сәйкесін тап! Бауырсақты аюдан құтқару үшін аюдың тапсырмасын орындау керек.

1. 3х-4=4,8-х; х=2

2. 2х+7=х+5,5; х=-1,5

3. 5-3х=2х-8; х=2,6

4. 9,5х+2=5,7х-5,6; х=-2

5. 1,5х+8=3,1х+16; х=-5

6. 2,9х+7,4=х+1,7; х=-3

V. Асық ойыны. Бауырсақты қасқырдан құтқару үшін қасқырдың тапсырмасын орындау керек. (10 асықты нөмірлеп, әр нөмірде бір мәселе есепті теңдеу құру арқылы шығару керек).

VI. Мергендік. Бауырсақты түлкіден құтқару үшін түлкінің тапсырмасын орындау керек (дротик: тақтайшаға резеңкені айналдыра бекітіп, арасына шар үрленген. Әр шарда есептер жазылған).

VII. Үйге тапсырма: №858 (194-бет).

VIII. Сабақты қорытындылау:Әр топтағы жетондарды салыстыра санап, жеңіске жеткен топты марапаттау.

VIII. Оқушылар білімін бағалау.