Ашы? саба? "?осындыны сан?а б?лу"

Сабақтың тақырыбы: Қосындыны санға бөлу

Сабақтың мақсаты:

1.Білімділік: Қосындыны санға екі тәсілмен бөлуді үйрету; есеп шығаруды меңгерту;

2. Дамытушылық: Оқушылардың ой-өрісін, зейінін, танымдылығын, есте сақтау қабілетін дамыту, пәнге деген қызығушылығын, белсенділігін арттыру.

3. Тәрбиелік: Оқушыларды тапқырлыққа, ізденімпаздылыққа, тиянақтылыққа, ұқыптылыққа тәрбиелеу.

Сабақтың түрі: саяхат сабақ.

Сабақтың типі: пысықтау сабақ

Сабақтың әдісі: сұрақ-жауап, түсіндіру, өздік жұмыс.

Сабақтың көрнекілігі: сызбалар, кестелер, суреттер.

Сабақтың барысы:

І. Ұйымдастыру кезеңі.

1.Сәлемдесу.

2.Оқушыларды түгелдеу.

3.Оқу –құралдарын алғызу.

4.Психологиялық дайындық.

Үлкенге де сіз,

Кішіге де сіз.

Бар адамды құрметтеп,

Бас иеміз біз.

«Алақан» жаттығуы.

- Көршілеріңе бұрылып, алақандарыңды біріктіріп, жүректеріңнің жылуын беріңдер.

ІІ. Үй тапсырмасын тексеру: № 6

90:3+9:3=33 600:10+60:10=66 60x6+60=420

40:4+4:4= 11 900:3+90:3= 330 50x3+50=200

60:2+6:2= 33 1000:5+100:5=220 40x2+40= 120

ІІІ. Өткенді пысықтау: Ауызша тапсырмалар.

1)4 ∙ 8 = 32 90 ∙ 2 = 180 4 ∙ 9 = 36 30 ∙ 4 = 120

32 : 8 = 4 180: 2 = 90 36 : 9 = 4 120 : 4 = 30

32 : 4 = 8 180 : 9 = 20 36 : 4 = 9 120 : 3 = 40

2)Математикалық диктант./ауызша тексеру/

2*8, 3*7, 6*7, 45:5, 36:6, 20*5, 300*3, 60:60, 100*0, 15*1;

(16,21,42,9, 6,100,900,1,0,15)

ІҮ. Жаңа сабақ.

Мотивация (қызығушылық ояту)

Есептеуге жүйрік болсаң жасыңнан,

Математикаға орын берер басыңнан.

Барлық ғылым саған үйір болады,

Досың солар табылатын қасыңнан,- дегендей, бүгінгі математика сабағында біз «Математика»аталатын керемет әлемге саяхатқа шығамыз.Оған жету үшін ну орман ішімен өтуіміз керек.Орман ішінде жабайы жануарлар өмір сүреді.Әрине, олар бізді жай жібере салмайды,дайындаған тапсырмалары бар екен.Сол тапсырмаларды орындап, сүрінбей өтуіміз керек.

- Ал, балалар, саяхатха шығуға дайынбыз ба?

- Олай болса,бәріміз ұрандатып мына өлеңді айтайық.

Біз ақылды баламыз,

Есеп,жұмбақ,ойынның.

Жауабын тез табамыз.

Туын ұстап білімнің,

Саяхатқа шығамыз.

Олай болса,дәптерді ашып,бүгінгі күнді жазамыз./тақырып,сан жазамыз/

Орман ішінде келе жатырмыз.Оның іші тып- тыныш.Күн шуағын шашып тұр.Алдымызда қорбаңдаған аю тұр.Oның бізге берер тапсырмасы:

Аю тапсырмасы:

№1. Әрқайсысына затын табуға көмектес:/интер.тақтаға орындау/

100 : 20 = (60 + 40) : 20 64 : 8 = (25 + 39) : 8

48 : 8 = (16 + 32) : 8 4 ∙ 3 = 15 : 5 + 45 : 5

81 : 9 = 24 : 4 + 12 : 4 30 ∙ 4 = ( 22 + 18) ∙ 3

№2. Разрядтық қосылғыштардың қосындысы түрінде жаз: 23, 45, 42, 67, 90, 38.

23 = 20 + 3 45= 40 + 5 42 = 40 + 2 67 = 60 + 7 90 = 90 + 0 38 = 30 + 8

- Жарайсыңдар,балалар!Бұл тапсырмадан сүрінбей өттіңдер.

Қасқыр тапсырмасы: «Кім тез»топтық жұмыс. № 3. Қосындыны санға бөлу ережесін пайдаланып, өрнектердің мәндерін тап:

1 топ. 2 топ. 3 топ.

(50 + 15) : 5 = 65 : 5 = 13 (32 + 48) : 8 = 80 : 8 = 10 (19 + 17) : 4 = 36 : 4 = 9

(9 + 9) : 6 = 18 : 6 = 3 (52 + 11) : 9 = 63 : 9 = 7 (42 + 24) : 6 = 66 : 6 = 11

Кірпі тапсырмасы:Өздік жұмыс. № 4. Өрнектерді жазып, олардың мәндерін тап.

1) 75 және 27 сандарының айырмасын 3 есе арттыр; (75 – 27) ∙ 3 = 48 ∙ 3 = =144

2) 40 және 16 сандарының қосындысын 7 есе кеміт; (40 + 16) : 7 = 56 : 7 = =8

3)70 және 4сандарының көбейтіндісін 40 есе кеміт; 70x4:40=7

4)420және 6 сандарының бөліндісін 9есе арттыр; 420:6x9=630

Сергіту сәті

Орнымыздан тұрамыз,

Қолды алға созамыз.

Бір отырып,бір тұрып,

Орнымызға қонамыз.

Түлкі тапсырмасы:Жұптық жұмыс: № 6. Салыстыр: /жауабын тыңдау/

(18+14):2

45:5+20:5=(45+20):5

Тиін тапсырмасы:

Есептерді әр түрлі тәсілдермен шығар.№ 7(1)

Қияр – 12 кг Шешуі: (12 + 15) : 3 = 27 : 3 = 9

Қызанақ – 15 кг Жауабы: 9 банка керек.

3кг бөліп - ? банка

№ 7(2).

І ағаш – 36 кг Шешуі: (36 + 24) : 6 = 60 : 6 = 10

ІІ ағаш -24 кг Жауабы: 10 жәшік керек.

6 кг - ? жәшік

Ауызша. № 9.

4см*7см*1см=28 см3 Ш:28 текше сияды.

Қабан тапсырмасы:Шығармашылық жұмыс. № 11. Теңдіктер тура болатындай етіп, бос орынға арифметикалық амалдар таңбасын және жақшаларды қой.

( 45 + 54) : 9 = 11 2 ∙ (3 – 1) – 3 = 1

(56 + 49) : 7 = 15 ( 3 + 5) – ( 2 + 5) = 1

(28 + 32) : 4 = 15 4 + (7 – 3) – 7 = 1

Қабан: «Терең ойла»логикалық тапсырмалар.

1)Екі алма қолға алдым,

Екі алма қалтаға салдым.

Үшеуін алды Айша

Бәрі сонда қанша? /7 алма/

2) Үй мен мектеп арасы

Үш шақырым шамасы.

Барып келгенде жаяу,

Қанша жүріпсің санашы?

/6 шақырым/

3)Інім жеті жаста,

Ағам жиырма жаста.

Інім ағамнан кіші қанша жасқа?

/13 жасқа/

- Жарайсыңдар,аңдардың барлық тапсырмаларын орындадыңдар.Енді «Математика»еліне жол тартайық.

- Мұнда не күтіп тұр?Балалар, «Математика» әлеміне саяхат жасай отырып,білімдеріңді кеңейтіп,жетілдірдіңдер.Математиканың сендерге айтар сөзі бар.Сандарды ретімен орналастырыңдар,сонда сендерге арналған сөз шығады./рақмет/

ҮІІ.Қорытындылау.

1. Қандай тақырып өттік?

2. Қосындыны санға қалай бөлеміз?

ҮІІІ. Үйге тапсырма: № 5, 10 .

IX. Бағалау.