Просмотр содержимого документа
«Ашы? саба?ты? та?ырыбы: К?бейту »
3-сынып
Ашық сабақтың тақырыбы: Көбейту және бөлуді пысықтау.
Сабақтың мақсаты: Көбейту және бөлудің кестелік жағдайы туралы білімдерін бекіту.
Білімділік: көбейту және бөлуге берілген есептерді шығару дағдыларын жетілдіру.
Дамытушылық: Оқушылардың логикалық ойлау,танымдық қабілеттерін арттыру, шығармашылықпен жұмыс істей білу дағдысын қалыптастыру
Тәрбиелік: Қазақтың ұлттық ойындары арқылы балаларды ұйымшылдыққа, жылдамдыққа,тапқырлыққа,қазақтың салт-дәстүрлерін құрметтеуге үйрету,Отанға, туған елге деген сүйіспеншіліктерін арттыру.
Құрал-жабдықтар: Интерактивті тақта, слайдтар, ұлттық ойындар, дидактикалық үлестірмелер.
Пәнаралық байланыс: Әдебиеттік оқу, дүниетану, дене шынықтыру.
Сабақтың барысы:
I.Ұйымдастыру кезеңі
-Барлығыңа сабақта сәттілік тілеймін!
Математика-Абай атамыз ғалымдар патшасы деген екен.Яғни математиканы
білсек барлығын да білеміз екенбіз.
II. Актуализация
1) 5-есеп Амалдар тәртібін анықта және есепте.
(120+300):7=60 720:8+200=290 (370+30):5=80
(500-20):60=8 360:60+840=846 370+150:5=400
7·(700-650)=350 560:8·3=210 50·6+630:9=370
2. Тірек білімдерін белсендіру.
1. Кез келген санды бірге көбейткенде, қандай сан шығады?
2. Санды сол санның өзіне бөлсе, неше шығады?
3. Нөлді санға бөлгенде, неше шығады?
4. Санды нөлге бөлуге бола ма?
5. 2-ге қалдықсыз бөлінетін сандар қалай аталады?
6. 2-ге қалдықсыз бөлінбейтін сандар қалай аталады?
7. Егер есепте қосу мен көбейту амалы келсе, алдымен қандай амалды орындаймыз?
ІІІ. Жаңа сабақ.
-Сынып жұмысы.
- Абайдың қандай өлеңдерін білесіңдер?
- «Адам болам десеңіз» өлеңінде Абай атамыз 5 жақсы қасиет және 5 жаман қасиет туралы айтқан.
- 5 қандай сан?
- Ат үстінде ойналатын қандай ұлттық ойындарды білесіңдер?
1.Жылқы малы туралы мақал-мәтелдер айтқызу.
2.Оқушыларды «Бозжорға», «Құлагер» деген екі топқа бөлу.
Бүгінгі сабағымызда осы ұлттық ойындарды екі топқа бөлініп ойнай отырып, математикалық тапсырмалар орындаймыз!
Екі топ оқушылары жұлдызша, шаршы, үшбұрыш белгілерімен бағаланып отырады.
1.«Көкпар» ойыны. Ауызша есепте.(1-есеп)
Есептеуге жүйрік болсаң жасыңнан
Математикаға орын берсең басыңнан
Барлық ғылым соған үйір болады
Досың солар табылатын қасыңнан
1.«Бозжорға»тобы 2.«Құлагер» тобы
6·20 5·20 7·100 3·100
8·20 2·20 9·100 0·100
0·20 9·20 5·100 4·100
2. «Асық ату» ойыны. Қай сан орнында жоқ? (2-есеп)
Кел, балалар, ойнайық!
Ойнайық та ойлайық
Қандай есеп болса да,
Шешпей оны қоймайық
1. «Бозжорға» тобы 2 .«Құлагер» тобы
9 · □ = 540 1000 - □ =630 □ : 7 = 90 □ : 90 = 7
380+□ = 540 7 · □ = 630 810 : □ = 90 700 : □ = 7
90 · □ = 540 □ · 90 = 630 10 · □ = 90 210 : □ = 7
3. «Теңге ілу» ойыны. Амалдарды орында.(3-есеп)
Ал, достарым, келіңдер,
Біріңе-бірің еріңдер
Біліміңді тексеріп,
Амалды орындап көріңдер
Екі топқа бірдей тапсырма:
45- (5·2) 9·(3+6) 50: (7+3) 63: (4+3)
24: (4+4) 48: (6+2)
4. «Қыз қуу» ойыны. Теңдеулерді шеш. (4-есеп)
Көп білетін оқушы Тақта алдына келеді Теңдеулердің шешімін Дұрыс тауып береді
Екі топ теңделеулерді орындайды.(1ұл, 1 қыз тақтада орындайды)
Теңдеулерді шеш:
100-х=30 250-х=50
48:с=6 81:с=9
а•5=10 а• 9=72
5. «Аударыспақ» ойыны. Есеп шығару (5-есеп)
Қане тәртіп сақтайық
Тез есептеп аттайық
Алға қадам басқанда
Батылдықпен аттайық
«Бозжорға» тобы «Құлагер»тобы
Ыдыста 60кг кәмпит болды. 4 қорап тұз үшін 120тг төленді.
9оқушының әрқайсысына 5 Осындай 8 қорап тұз үшін қанша
кәмпиттен берілді.Ыдыста неше ақша төлеу керек?
кәмпит қалды?
ІV. Сергіту сәті.
6. «Бәйге» ойыны
Екі топ басшысының әрқайсысына лездік 5 сұрақтан қойылады.
«Бозжорға» тобы
1. 5ондықты 3есе арттыр
2. 2 жүздіктен тікелей кейін келетін сан
3. 6ондықтан 2 есе артық сан
4. 1дм-де неше см бар?
5. 30 бен 50-дің қосындысы
«Құлагер» тобы
1. 3 ондықты 2 есе арттыр
2. 93-тің алдында келетін сан
3. 1 сағатта неше минут бар?
4. 90 мен 40-тың қосындысы?
5. 7 ондықты 2 есе арттыр
7. «Абай ауылына» да келіп жеттік. Балалар,біз «Абай» шаңырағына енуіміз үшін төмендегі сұрақтарға жылдам жауап беруіміз керек. Қай топ тез жауап берсе, сол топ «Абай» шаңырағына бірінші енеді.
8. Логикалық тапсырмалар
1 1 жұмыртқаны қайнатуға 3 минут кетсе, 5 жұмыртқаны қайнатуға неше минут керек?
2. Бір сағатта неше минут бар?
3.Бір аптада неше күн бар?
4.Бір жылда неше ай бар?
5.Екі аяғымен түрегеп тұрған адамның салмағы 50кг, бір аяғымен тұрған адамның салмағы неше кг?
V. Үйге тапсырма : 175 бет, 7-есеп
VІ. Сабақ қорытындысы:
- Сабақ ұнады ма? (Смайлик белгішесімен көрсету).
- Бүгінгі матема тика сабағында нені үйрендік?
- Өткен тақырыптарды қайталадық.
- Ұлттық ойындар ойнау арқылы тапсырмалар орындадық.
- Есептер шығардық.
- Тақтамен жұмыс жасадық, лездік сұрақтарға жауап бердік.
- Отан, туған ел туралы өлеңдер оқыдық.
- Абай атамыздың өлеңдерін еске түсірдік.
- Жылқы малы туралы мақалдар айттық.
VІІ. Білімді бағалау.
Екі топ оқушылары жұлдызша, шаршы, үшбұрыш белгілермен бағаланып отырды.
