Ашы? саба? "Н?лдермен ая?талатын сандарды жазбаша к?бейту т?сілдері".

Ашық сабақ

Математика 4-сынып

Тақырыбы: Нөлдермен аяқталатын сандарды жазбаша көбейту тәсілдері.

Мақсаты:

1. Екі таңбалы санға көбейтудің жазбаша тәсілдерін бекіту; әртүрлі есептерді шығару қабілеті мен есептеу дағдыларын жетілдіру;

2. Есеп шығару арқылы ойлау қабілеттерін дамыту, пәнге деген қызығушылығын арттыру.

3. Ұқыптылыққа, тиянақтылыққа тәрбиелеу.

Сабақтың әдіс-тәсілдері: сұрақ-жауап, топтық жұмыс, түсіндіру, ой қозғау, талдау.

Пән аралық байланыс: күнделікті өмірмен, дүниетану

Көнекіліктер және ТҚЖ: кесте.

Қолданылатын технологиялар: аралас сабақ

Сабақтың типы: жаңа сабақты меңгерту

Сабақтың өту әдісі:

Сабақтың жоспары:

І. Ұйымдастыру кезеңі.

а) Психологиялық дайындық.

ІІ. Үй жұмысын тексеру.

ІІІ. Тірек білім, білік және дағдыларын белсендіру.

ІV. Жаңа сабақ.

V. Сергіту сәті.

VІ. Бекіту.

VІІ.Сабақты қорыту. Үй тапсырмасы. Бағалау.

Сабақтың барысы:

І. Ұйымдастыру кезеңі. Психологиялық дайындық. Қызықты математика Кәне, жылдам есепте, Шешуін тез тауып бер! Білім, байлық еңбекте. Еңбек – бақыт іздеп көр.

ІІ. Үй жұмысын тексеру. 7 бет №7 өрнектерінің мәндерін табу:

Оқушыларға жауаптарын оқыту.

б) Ауызша есептеулер жүргізу:

-Алдында жүз балапан, артында жүз балапан. Ақ тауық пен балапан. Айтшы санын балақан? (202)

-Көлден ұшты жетпіс қаз. Қайтып қонды он бес қаз. Қонбады оның нешеуі? Кәне кім тез шешеді? (55)

-230 санын 10 есе арттыр. (2300)

- 230 санын 10 – ға арттыр. (240)

ІІІ. Тірек білім, білік және дағдыларын белсендіру.

Ауызша есептеу. Қалдырылған сандарды атап көрсет.

ІV. Жаңа сабақ.

Дәптермен жұмыс

А) Күннің атауын жазу.

Ә) Таза жазу минутын жүргізу.

-Жаңа сабаққа түсінік. Балалар өз біліміне сүйене отырып, өз бетінше іздену түрінде жүргізіледі.

№1 тапсырма тақтада түсіндіріліп орындауды ұсыну.

× 42 ×42 4200

36 360 360

_____ ____ ______

Оқушыларға ескерту:

-Нолдермен аяқталатын сандарды жазбаша көбейту кезінде, нөлдерді есепке алмай, алдымен көбейтуді орындайды, содан кейін жауабына екі көбейткіште неше нөл болса, сонша нөлді жазады.

-Сонымен бүгінгі сабақтың тақырыбы қандай?

-Балалар, біз қандай мемлекетте өмір сүріп жатырмыз?

-Тәуелсіз, бейбіт, бақытты елде!

-Тәуелсіздігіміздің нешінші жылын тойладық?

-Тәуелсіздігіміздің 23 жылдығын.

Бақытты елдің аспаны ашық, күні жарқырап, шуағын шашып, еліне тек жылуын сыйлап тұрмай ма?

Қазақстан Республикасының ұлттық ақшасы- теңге. Қазіргі заманда әрбір дені сау адамның жақсы өмір сүру үшін теңге қажет. Онда осы сабақта бәріміз сол теңге иесі бола аламыз. Кәне, іске сәт!

-Мына жерде теңге салынған қораптар тұр, әрбір тапсырманың құнын өзіміз аламыз. Өз қорларыңа жинайсындар, сонында бағалаймыз.

Ойын шарттары:

1. 2 топқа алдын ала дайындалған банк аттары беріледі, президенттері сайланады.

а) Халық банк ә) Альянс банк

2) Әр банк президенті ғана шешуші шешім қабылдай алады.

3) Әр банк әр түрлі бағадағы есептерді өздері таңдайды.

4) Әр банкте 1000 теңгеден бағамы бар деп есептеледі.

5) Егер есеп дұрыс шешілсе, онда банк қаржысы сол есеп құнына өседі.

6) Егер дұрыс шешілмесе, ақша берілмейді.

7) Теңгені көп жинаған банк жеңеді. Кімде теңге аз болса, сол банк жеңіліске кетеді,яғни банкротқа ұшырайды.

-Есепті шығаратынын банк президенті шешеді, сабақ соңында бағалайды.

-Біздің еңбегіміз сабақ, олай болса мына тапсырманы орындайық.

1-топқа тапсырма: 1030* 38 23400 * 13 1645 * 240 2340 * 34

2-топқа тапсырма: 2140 * 54 19030 * 28 1083 * 320 12400 * 33

V. Сергіту сәті.

Қорбандаған аюдың,

Құлпынайы көп екен.

Теріп-теріп аламыз ,

Қалтамызға саламыз.

Топтық жұмыс

Есепті әртүрлі тәсілмен шешу

А)Наубайханада нандарды тартпаларға салады.Бір тартпаға 6 батоннан 2 қатар сыяды.14 тартпа қойылатын сүйретпеге неше батон сыяды?

Ә)Қоймадағы жәшіктердің әрқайсысына 16 килограмнан көкөніс салынған.Көкөніс қоймасының әр бөлігіне 12 жәшіктен 10 қатар сыяды.Көкөніс қоймасының әр бөлігінде неше килограмм көкөніс сақталған?

Тамаша балалар, Келесі тапсырмаға назар аударамыз.

Фигураның ауданы мен периметрін есептеу.

1-топтың тапсырмасы: Ұзындығы-7см, ені- 5см

2-топтың тапсырмасы: Ұзындығы-6см; ені-3см

Ендігі тапсырма, кестені толтырып бөліндінің мәні мен қалдықты табу.

Өте жақсы! Келесі тапсырмаға көшейік.

Сызбаға қара. Ол қай өрнекке сәйкес келеді?

230 510

____________________________________________________________

? 130

а) 230 +150 + 130 ә) 510 – 130 – 230 б) 230 + 510 – 130

Қалған өрнектерге де сызбалар құрастыр.

VІ. Бекіту.

Үлестірме қима қағазбен жұмыс.

Есептемей салыстыр

7 860х1 500 * 1 500х7 860

5 879х(2х500) * 5 879х800

(2 368х5)х4 * 2 368х(5х5)

3 489+700 586 * 700 586+3 490

(689+3 689)х150 * 689х150+3 689х150

21 684+(168 954+3 547) * 3 547+(21 684+168 955)

-Тапсырманы орындауға арифметикалық амалдардыңқандай қасиеттері көмектесті?

Логикалық тапсырма: ауызша санау.

1. Үшжарымның таяқшаның неше шеті бар? (8)

2. Үстелдің екі бұрышын кесіп тастағанда, үстелде неше бұрыш қалды? (6)

3. Шаршының периметрі 12 см-ге тен. Ауданы нешеге тең.

4. Сыныпта 30 оқушы бар. Оқушылардың бестен бір бөлігі жарысқа кетті. Сыныпта неше бала қалды?

5. Жарты центнерде неше килограмм бар?

6. 52478 санында неше ондық бар?

7. 6572 санында неше мындық бар?

8. 152 санында неше бірлік бар?

VІІ. Сабақты қорыту.

Өте жақсы!

Бүгінгі сабақта жақсы еңбектендіндер.

Еліміздің жарқын болашағы екендеріңді көрсете білдіңдер. Оның айғағы күнімізді бұлттан арылтып, жарқыратып жібердіңдер.

Жарайсындар!

Сонымен , сабақтан нені білдіңдер?

Нені үйрендіңдер?

Сендерге қай тапсырма ұнады?

Қай тапсырма қиынға соқты?

Оқушыларды бағалау. Жинаған ұпайларды санау, бағалау.

Үй тапсырма.

9 бет № 7