+ 7 -7 кўринишидаги ?олларда ?ўшиш ва айириш

Мавзу: Афғонда қолган баходирлар ёдимизда.

Мақсад:

Ўқувчиларни харбий, Ватанпарварлик руҳида тарбиялаш, мардликка чорлаш.

Жанговор инсонларни ёддан чиқармаслик ва уларни доимо хурмат ва иззат билан қадрлашга ўргатиш.

Машғулотнинг бориши.

1979 йил 25 декабрь Собик Иттифоқ рахбарияти армиямизни байналминал бурч дея, Афғонистонга сафарбар этди. Жангчиларимиз 9 йилу 2 ой Афғонистон заминида қолиб кетди. Бу йил бизнинг сўнги жангчиларимиз Афғон тупроғидан олиб чиқилганига 26йил тўлди. Уруш бизга мисилсиз бахтсизликлар олиб келганини унутмаймиз. Минглаб навқирон йигитларимиз қурбон бўлди. Қанча оила етим, қанча она фарзандим деб тобут қучди. Бу шарофатсиз урушда Ватанпарварлик бурчини адо этган жами 14 минг 453 аскар шохид кетган. 765 таси Қозоғистонлик улар сафида мусофир юртларда қахрамонларча халок бўлган 65 нафар ҳамюртларимиз борлиги нақадар оғир ва қайғули хақиқат. Афғон урушида 2186 нафар жанубий қозоғистонликлардан 68 нафари бугунги кунга орамизда йўқ. Улар Афғон жанг майдонларида қахрамонларча халок бўлдилар. Аскарларимиз Афғонистондан олиб чиқиб кетилиши 1989 йил 15 февралда тугалланди.

Шеър: ўқувчилар ижросида

Афғон урушида бизнинг қишлоғимиздан ҳам кўплаган ёш, навқирон йигитлар Ватан олдидаги бурчларини ўташ учун отландилар. Аммо шу жангчилар орасида ҳамқишлағимиз Каримбаев Рахманқул ўз уйига қайтиб келмади.

Қўшиқ: ўғил болалар ижросида

Рақс: қизлар ижросида

Байналминал жангчи, ҳамқишлоғимиз Каримбаев Раҳманқулнинг таржимаи ҳоли

Ҳали ўн гулидан бир гули очилмаган, йигирма ёшга ҳам қадам қўйиб улгурмаган, қалбида армон тўла,она юрт тупроғини, қавму-қариндошлар даврасини бир дамгина кўриш орзусида кўз юмган ватан ўғлонлари, азиз фарзандларимизни кўз олдингизга келтирсангиз, қалбингиз чексиз ўкинч ва даҳшатга тушади. Улар она - ватанимизга топшириқлар бажариб, бегона тупроқда суронли жангларда ҳалок бўлдилар. «Мардлик -мангулик» дейди ҳалқимиз ҳамқишлоғимиз Раҳманқул Каримбаев шулар жумласидандир. Каримбаев Раҳманқул Толипжан ўғли 21 январь 1963 йилда Ақбай қишлоғимизда туғилди. № 28 «Чапаев» номли ўрта мактабни битириб, ДОСААФ да ҳайдовчилик касбига ўқиди, кейин «Победа» колхозида ишлади. 4 октябрь 1981 йил армия сафига чақирилди. Алма - ата шаҳрида 3 ой тайёргарликдан сўнг Афғонистонга жўнатилди. 10 сентябрь 1982 йилда жароҳатланди. Қобул шаҳридаги госпиталда оламдан кўз юмди. Вафотидан сўнг «Қизил юлдуз» ордени билан мукофатланди. Ўз қишлоғида дафн этилди. Раҳманқул Каримбаев ҳалқимиз ва келгуси авлодларимиз қалбларида доимо адабиий яшайди.

Шеър: ўқувчилар ижросида

Рақс: қизлар ижросида

Афғон тупроғининг чоки сўкилди,

Ўн беш минг шаҳиднинг қони тўкилди.

Азим чинорларнинг қадди букилди,

Фарзандлар доғидан ўртанди жонлар

Мангу шаҳид кетти азиз ўғлонлар!

Ҳаёт лаззатига тўймаган эди.

Йигирмага қадам ҳам қўймаган эди.

Элу юрт тинчини ўйлаган эди.

Афғон тупроғида тўкишди қонлар,

Жангда шаҳид кетти жасур ўғлонлар!.

Юмилган кўз, киприк, қошга айланди,

Бир сиқим тупроққа тошга айланди.

Оналар кўзида ёшга айланди.

Ўзга сарҳадларда тўкишди қонлар

Қирчин, шаҳид кетти азиз ўғлонлар!

Кундуз ва Қобулда ўқлар отилди.

Қабоҳат маломат, дўқлар отилди.

Она тупроғида йўқлар отилди.

Осмонга ўрлади оҳу фиғонлар.

Мангу шаҳид кетти азиз ўғлонлар.

Сулаймон тоғида оққанида қон

Шаҳидлар руҳидан титради жаҳон.

Ажал тўфонида бўлдилар ҳазон

Насиб ҳам этмади осуда онлар,

Қирчин, шаҳид кетти ботир ўғлонлар.

Урушлар қирлсин! Эл бўлсин омон

Сизларни шарафлар замину замон

Авлодлар қалбида яшайсиз ҳамон,

Афғон тупроғида тўкишиб қонлар.

Мангу шаҳид кетди азиз ўғлонлар.

Ўқувчилар шеър, қўшиқ, рақслар ижро этишди. Бугунги тинчлигимиз учун харбийларга кўп таъзимлар айтишдилар.

Ҳамиша ёдимиздасиз Афғон қаҳрамонлари!