10 к?леміндегі сандарды ?айталау

№12орта мектеп мектепке дейінгі шағын орталығымен мм

Сабақтың тақырыбы: 10 көлемдегі сандарды қайталау.

Сабақтың мақсаты:

1. Білімділік: Балалардың осы уақытқа дейінгі сандарға байланысты алған білімдеңгейін бақылау.

1. Дамытушылық: Есте сақтау қабілетін,логикалық ой өрісін дамыту.

1. Тәрбиелік: Өз бетінше шығармашылық тапсырманы орындай білуге дағдыландыру.

Сабақтың көрнекілігі: сандар, суреттер, ойындар.

Сабақтың әдіс-тәсілі: Түсіндіру,көрнекілік, есептер шығару, санау, ойын,сұрақ-жауап.

Көрнекілігі: Слайдқа жазылған тапсырмалар,дидактикалық материалдар,ойыншықтар.

Сабақтың барысы:

1. Ұйымдастыру кезеңі

Тәрбиеші:

Сәлемдесу:

Үлкенге де сіз,

Кішіге де сіз,

Бар адамды құрметтеп,

Бас иеміз біз!

Психологиялық дайындық:

Айдай арайлап

Күндей жадырап

Жұлдыздай жарқырап

Судай таза көңілмен

Жүрегімізден қуаныш алып,

Бір-бірімізге сыйлап

Сабағымызды көңілді бастайық.

Ой қозғау:

1. Жылдың неше мезгілі бар?

2. Қазір жылдың қай мезгілі?

3. Бір аптада неше күн бар?

4. Бүгін аптаның қай күні?

Тәрбиеші:

Жаңа сабақты бастамас бұрын қандай ертегілерді білесіңдер?

Балалардың жауаптары.

Балалар,бүгін Тапқышбек осы уақытқа дейін сендердің не үйренгендеріңді тексеру үшін бауырсақ ертегісін тапсырмалармен алып келіпті. Біз тапсырмаларды дұрыс орындасақ өзіміздің білімімізді көрсетеміз және бауырсақтың үйіне қайтуына көмектесеміз.

«Бауырсақ» ертегісінің мазмұнын түсіндіру.

Кемпірдің тапсырмасы:

Ал санамақ санайық

Санайық та табайық

Ойын аты “Санамақ”

10-ға дейін кідірмей,

Кім санайды мүдірмей?

Кері қарай кім мүдірмей санайды?

Қоянның екі тапсырмасы бар екен:

1-тапсырма: Жұмбақ:

Жерге қазық қақтым,

Басына айдар тақтым. Бұл не?

2-тапсырма: Сәбіздерді санау арқылы есепті шығар.

Қане балалар, барлығымыз бауырсаққа көмектесіп,қоянға өзі туралы тақпақты айтып берейікші.

Қасқырдың 1-ші тапсырмасы:

Санына қарай салыстыр.

Санына қарай салыстыр

=

Сергіту сәті:

Аяқпенен топ-топ

Алқымменен хлоп-хлоп

Бір оңға, бір солға

Айналайын кел мұнда.

Қолымызды бір сілтеп,

Басымызды шайқайық,

Бір оңға, бір солға.

Ойнайықшы кел мұнда.

Секіреміз жоғары

Қиын емес секіру

Бір оңға, бір солға

Секірейік кел мұнда.

Қасқырдың 2-ші тапсырмасы:Дидактикалық ойын.

«Жоқ сандарды тап»

Аюдың тапсырмасы:

Көрші сандарды тап.

Түлкінің тапсырмасы:

Өз бетінше жұмыс жасау.

Оқу іс-әрекетін қорытындылау кезінде балалар өз беттерінше санға қарай үйді бояйды.

1

2

3

4

5

6

7

8

9

10

Балалар сонымен бүгінгі оқу іс-әрекетінде қандай ертегіні құрап шығардық, сендерге тапсырмалар ұнады ма?

Несімен ұнады?

Қай тапсырма ұнады?

Ендеше біз Тапқышбектің әкелген барлық тапсырмаларын орындадық. Қане Тапқышбекке сөз берейік.

Тапқышбек : жақсы балалар сендер барлық тапсырманы өте жақсы орындадыңдар мен сендерге бауырсақ таратқым келеді.Балаларға бауырсақ таратады.