"Cаба?тын та?ырыбы: Тригонометриялы? функцияларды? ?асиеттері"

ІІІ. Үй тапсырмасын тексеру

1. y = sin x функциясының ширектердегі таңбалары қандай? Түсіндір.

2 .y = cos x функциясының ширектердегі таңбалары қандай? Түсіндір.

3. y = tg x және y = ctg x функцияларының ширектердегі таңбалары қандай? Түсіндір.

4.Жұп функцияны атап, формуласын жаз.

5.Тақ функцияларды атап, формуласын жаз.

6 . Мына кестені толтыр:

ІV. Мағынаны тану. Тақырып бойынша білімді бекіту.

1-бөлім.Тригонометриялық функциялардың таңбаларын анықтауға арналған тапсырмалар.

1-топқа тапсырма:

1. Өрнектің таңбасын анықта:

а) sin40^◦ ә) cos 115^◦ б) sin(-40^◦ )

в) cos (-65^◦) г) tg 120^◦ ғ) tg 220^◦ д) cos 715^◦

е) cos3 ё) sin(-1) ж) tg3,2 з) сtg 0,5

2-топқа тапсырма:

1.Өрнектің таңбасын анықта:

а) sin 240^◦ ә) cos 85^◦ б) sin(-60^◦ )

в) cos (-95^◦) г) tg 150^◦ ғ) tg 310^◦ д) sin 640^◦

е) cos2 ё) sin(-3) ж) tg1 з) сtg 1,5

Көбейтіндінің таңбасын анықта:

1-топқа тапсырма:

а) sin20^◦ cos 123^◦ ә) tg 160^◦ cos(- 55^◦ ) б) tg 260^◦ сtg(-24^◦)

в) cos(-129^◦ ) sin456^◦ сtg(-205^◦)

2-топқа тапсырма:

2.Көбейтіндінің таңбасын анықта:

а) tg(-75^◦ )cos(- 99^◦ ) ә) sin350^◦ cos 135^◦

б) tg 125^◦ сtg(-204^◦) в) cos(-220^◦ ) sin520^◦ сtg(-104^◦)

2-бөлім. Өрнектің мәнін тап. Тригонометриялық функциялардың тақ, жұптығын анықтай отырып орындау.

1-топқа тапсырма:

а) sin(-60^◦ ) ә) cos(-90^◦ )

б) sin(-30^◦ ) + tg 45^◦ в) cos(-180^◦ ) sin(-30^◦ )

г) 2sin30^◦ +6 cos 60^◦-3 сtg30^◦ +9 tg 30^◦

2-топқа тапсырма:

Өрнектің мәнін тап. Тригонометриялық функциялардың тақ, жұптығын анықтай отырып орындау.

а) sin(-45^◦ ) ә) cos(-30^◦ )

б) sin(-60^◦ ) + сtg 45^◦ в) cos(-60^◦ ) sin(-30^◦ )

г) sin(-30^◦ ) + cos(-45^◦ ) -2 tg (-45^◦) сtg(-30^◦)

3 –бөлім. 1-топқа тапсырма:

α бұрышының бұрылатын қабырғасы шеңбер бойындағы В(3; -2) нүктесінен өтеді.α –ның тригонометриялық функцияларының мәндерін тап.

2-топқа тапсырма:

α бұрышының бұрылатын қабырғасы шеңбер бойындағы В(-5; -1) нүктесінен өтеді.α –ның тригонометриялық функцияларының мәндерін тап.

V. Ой толғаныс . «Ой толғаныс»арқылы білім жалпылама жүйеленеді.(Ойлау үрдісінің ең жоғарғы сатысында мәселені талқылау). Яғни, оқушыларды ойлауға тұрақты түрде үйрету.

1. y = sin x және y = cos x функцияларының ең үлкен және ең кіші мәндері қандай?

2 . а) cosα = 7/8; ә) sinα= 2/5; б) cosα = √2 в) sinα= √3 теңдіктерінің орындалатынын немесе орындалмайтынын анықта.

3. Мына функциялардың мәндер жиынын тап:

а) y =cos x + 1; ә) . y =sin x – 2 ; б) y = 5cos x; в) y = 1- 2sin x;

VІ. Оқушы білімін бағалау.Алған жұлдызшаларының санына қарай және сабаққа қатысуына қарай өз білімдерін, бірін-бірі бағалайды. Жұлдызшаларды көп жинаған топ 1-орынға ие болады.

VІІ. Үйге тапсырма §18 оқуға, №№ 291,292,294.

VІІІ. Рефлексия

Көкалажар орта мектебі

Тақырыбы :

«Тригонометриялық фукциялардың қасиеттері»

Онлайн жүйесінде облыс мұғалімдеріне көрсетілген сабақ

Дайындаған : математика және физика

пәндерінің мұғалімі

Аяшева Бакыт Тукашевна

2012- 2013 оқу жылы

9 «А» сыныбында «Тригонометриялық функциялардың қасиеттері» тақырыбына онлайн жүйесінде өткізілген сабақтың өзіндік талдауы

Мұғалімі : Аяшева Б.Т.

Сабақтың негізгі мақсаты - тригонометриялық функциялардың қасиеттері туралы білімді бекіту және оқушылардың өз бетінше ой қорыта білу дағдыларын қалыптастыру, шығармашылық қабілеттерін дамыту, ұйымшылдыққа тәрбиелеу. Сабақ жоспары жалпы білім беру стандартына сай жасалған.Бұл сабақты «Сын тұрғысынан ойлау» технологиясының элементтерін қолданып өткіздім. Сабақты түрлі әдіс-тәсілдерді, көрнекіліктерді қолданып өткізу оқушыларды қызықтырады. Сондықтан мен сабағымда интерактивті тақтаны қолдандым. Сабақтың барысында мұғалім де, оқушылар да үнемі интерактивті тақтамен жұмыс жасады. Ұйымдастыру кезеңінде оқушылар екі топқа бөлініп, сабақтың мақсаты түсіндірілді. Қызығушылықты ояту кезеңінде мұғалім оқушылардың алдыңғы сабақтарда алған білімдеріне сүйенді. Бұл кезеңге оқушылар белсене қатысты, өткен сабақтармен байланыс болды және өз білімдерін көрсете алды. Үй тапсырмасын тексеру интерактивті тақтаның көмегімен жүзеге асты, уақытты үнемдедік. Келесі мағынаны тану кезеңінде оқушылар тригонометриялық функциялардың қасиеттерін қолданып тапсырмаларды орындады. Топ басшылары өз тобымен жұмыс жасай білді және оқушылардың арасында өзара көмек көрсету қабілеттері бар екенін байқадым. Тапсырмалар жеңілден күрделіге ауысып отырды. Келесі ой толғаныс кезеңінде оқушылар өз бетінше ой қорыта білу және есептерді шығару кезінде өзіндік шешімдерін таба білетіндіктерін көрсетті. Бұл кезең әр оқушыдан шығармашылық ізденісті талап етті. Оқушылардың білімін бағалау жинаған жұлдызшалар санына қарай және өзара бірін-бірі бағалау түрінде болды. Әр оқушы өзінің әділ бағасын алды деп ойлаймын. Жұлдызшаларды көп жинаған топ 1-орынға ие болады. Осыдан кейін үй тапсырмасы және оны орындауға нұсқау берілді. Сабақ соңында жазбаша түрде рефлексия болды.

Мұғалім сабақты құрған жоспар бойынша өткізді, мақсатына жетті. Әр балаға көңіл бөлінді, білімі бағаланды. Оқушылардың пікірі бойынша: сабақ қызықты өтті. Тригонометриялық функциялардың радианмен берілген есебі жаңалық болды . Интерактивті тақтамен жұмыс істеу қызықтырды. Алдағы уақытта осындай жақсы ұйымдасқан ашық сабақтар өткізуге тілек білдірді.