4 - ке к?бейту ж?не б?лу

Сабақтың тақырыбы: 4 - ке көбейту және бөлу

Сабақтың мақсаты: 1. Оқушыларға санды 4 - ке көбейту және бөлу жолын түсіндіру;

2. Математикалық сөйлеу тілін, логикалық ой - өрісін, тапсырмаларды орындау біліктіліктерін, ізденушілік қабілеттерін дамыту;

3. Оқушыларды тапқырлыққа, байқағыштыққа, ой ұшқырлығына, белсенділікке, ұқыптылыққа тәрбиелеу.

Сабақтың типі: жаңа сабақ түсіндіру

Сабақтың әдісі: түсіндіру, сұрақ - жауап, ізденушілік, түрлі ойындар

Сабақтың көрнекілігі: интербелсенді тақта, кестелер, сызбалар, оқулық

Пәнаралық байланыс: ана тілі, дүниетану, музыка

Өткізілетін орны: компьютер кабинеті

Сабақтың барысы

1. Ұйымдастыру кезеңі.

Білімнің тұңғиығы бойлайтұғын

Тоқысаң жалықтыра қоймайтұғын

«Ғылымдар патшасы»- деп дараланып,

Математика - қызыққа тоймайтұғын

- Оқушылардың сабаққа дайындығын тексеру.

Психологиялық дайындық.

(Орнымыздан тұрып, бүгінгі ашық сабағымызға бір - бірімізге сәттілік тілейік)

Психологиялық тренинг

Мұғалімнің сұрағы Оқушылардың жауабы

Әрбір адам - досым, сыныптасым

Әрбір сабақ - үйрену, оқу, іздену

Әрбір ісің - тіршілік, адамдық

Әрбір сөзің - шындық, бірлік, адалдық

2. Үй тапсырмасын тексеру

- Үйде 2 мен 3 - ке көбейту және бөлу кестесін жаттап келу керек еді. Олай болса, тексеру жұмысы басталды. Менің көрсеткен қима қағаздарға жауап беріңдер.

- Ауызша «Кім тапқыр?» ойыны. Карточкамен жұмыс.

24: 3 Қызықты тапсырмалар. 1. Аулада жүрген бұзаулар мен тауықтардың аяқтарының саны - он. Аулада неше тауық, неше бұзау болуы мүмкін? 2. Ағаш басында 2 балық отыр еді. Оларға тағы 2 балық ұшып келді. Барлығы неше балық болды? 3. Аулада тұрған әртүрлі көліктердің (жеңіл машина мотоцикл, велосипед) дөңгелектерінің саны - он болады. Аулада неше жеңіл машина, мотоцикл, велосипед тұр? Слайд.

«Артық санды тап» ойыны

2 4 5 6 8 9 10 12 14 15 16 18 20

3 6 9 10 12 15 18 19 21 24 27 28 30

8 12 16 20 24 28 32 33 36 40 – бұл жолда қандай заңдылық байқадыңдар?

- Дәптермен жұмыс. Көркем жазу. 104 108 112.. 116 120.. 128.. 132 210 214.. 222.. 230 140 136 132.. 124.. 116 112.. 104 Қандай заңдылық байқадыңдар? 3. Жаңа сабақ түсіндіру - Ондай болса бүгінгі сабағымыздың тақырыбы «4 - ке көбейту және бөлу»

- Сабағымыздың мақсаты: 4 - ке көбейту және бөлу жолдарымен танысу, көбейту кестесін меңгеру, ал сендер қандай мақсат қояр едіңдер?

- Қалай деп ойлайсыңдар санды 4 - ке көбейткенде және бөлгенде қандай өзгеріс байқауға болады?

Слайд. Көбейту кестесін толықтыр. Тақтамен жұмыс

4х4 =16 ------------- 5х4= 4х5 ------------- 5х4= 20 ---------- 4х4 = 4+4+4+4

4х5 =20 ------------- 6х4= 4х6 ------------- 6х4= 24 ---------- 4х5 = 4+4+4+4+4

4х6 =24 ------------- 7х4= 4х7 ------------- 7х4= 28 ---------- 4х6 = 4+4+4+4+4+4

............. -------------................. ------------................ -------------.................

.............. -----------................. -------------................ -------------................

- яғни, мынаны есте сақтау керек

16: 4= 4 себебі 4х4= 16; 32: 4= 8 себебі 8х4= 32

20: 4= 5 себебі 5х4= 20; 36: 4= 9 себебі 9х4= 36

24: 4= 6 себебі 6х4= 24; 40: 4= 10 себебі 10х4= 40

28: 4= 7 себебі 7х4= 28

4. Жаңа тақырыпты жетік меңгеру үшін логикалық есептер шығарып көрейік

А). Ағаш басында 3 торғай отыр еді, тағы 4 есе артық торғай келіп қонды. Ағашта барлығы неше торғай отыр?

Б). Алма ағашында 4 алма өсіп тұр, ал өрік ағашында 3 есе артық өрік өсіп тұр екен. Барлығы неше жеміс өсіп тұр?

В). Ұланға 8 дәптер бердім, ал Азаматқа 2 есе кем дәптер бердім. Азамат қанша дәптер алды?

Г). Анасы ұлына 20теңге, ал қызына 4есе кем берді. Анасы қызына қанша теңге берді? 5. Сергіту сәті

6. Оқулықпен жұмыс

№ 4, 5. Бос орынға тиісті сандарды қою

№ 6. Жұппен жұмыс. Кестені толтыр

№ 7. Дәмханада өзіңді қалай ұстайсың? Қалай тамақтану керек? Тәрбие сәті.

- Тәрбиелі, үлгілі, талапты, әдепті болсаң ғана 20 - жылдық Тәуелсіздік мерекесіне сен өз үлесіңді қосқаның. Осындай дамыған, өркениетті елде өмір сүріп, білім алып, өсіп келе жатқан, сендер ең бақытты баласыңдар.

Есепті талдау, қысқаша шартын құру, дәптерге жазу. Тақтада бір оқушы орындайды, оның дұрыстығын ассистент тексереді.

№ 9. А) Қабырғасы 4 см тең шаршының периметрін табу

Б) Периметрі 24см, 32см, 28см шаршылардың қабырғаларының ұзындығын табу

8. Сабақты қорыту. Бағалау. Бағалау парағы

9. Үйге тапсырма беру