3 сыныпқа арналған "Есепке машықтандыру" үйірме жоспары

«Есептеуге машықтандыру» факультатив бағдарламасын жасаған Джилкибаева Гулжан Хасановна

Бағдарлама әдістеме бірлестігінің отырысында қаралды

Хаттама №1 2018 жыл

Бағдарлама лицейдің педагогикалық кеңесінде келісілген

Педкеңестің төрайымы Г.Ж.Ерубаева

Хатшысы: Д.Л.Бостанова

Факультатив жетекшісі туралы мәлімет

Факультатив кестесі

Есептеуге машықтандыру

Аптасына 1 сағат, жыл бойы 34 сағат.

Түсінік хат

Математика пәні бойынша факультативтік сабақтарды ұйымдастыру.

   Қазіргі таңда қоғамды дамыту үшін мектептің алдында тұрған негізгі міндеттердің бірі-оқушылардың шығармашылық қабілетін барынша ашып,толыққанды қоғам құруға өзінің бар мүмкіндігін жұмсайтын шығармашылық қабілетті жеке тұлға қалыптастыру.Сондықтан математиканы оқытуда оқушыларға оқу материалын еске сақтау емес,осы материалды шығармашылықпен қолдау шеберлігін қалыптастыруға көп көңіл бөлінеді. Математикалық есептерді шығару үрдісінде оқушылардың шығармашылық қабілеті жеке тұлға қасиеттері қалыптасады.Есеп шығару шеберлігі арқылы оқушының математикалық танымының дамуын және оның ой әрекетінің белгілі бір сапасын анықтап, дамытуға болады. 
Факультатив сабақтар дегеніміз – оқушылардың білімін кеңейту және тереңдету,олардың оқуға деген қызығушылығын қалыптастыру,ойлау қабілетін дамыту мақсатында жүргізілетін сабақтар. Жеткіншек ұрпаққа сапалы да тиянақты білім беріп,адамгершілікке,ізгілікке, имандылыққа,инабаттылыққа тәрбиелеу және оларды белгілі бір пән саласына икемдеу қазіргі таңдағы ұстаздар қауымының маңызды міндеттерінің бірі.Белгілі бір пән саласына икемдеу дегеніміз не?
Бұл оқушының жекелеген пәнді игерудегі жетістіктерін одан әрі тереңдетіп,сол пәнге деген танымдық қабілетін дамытып, қызығушылығын арттырып қана қоймай,олардың дүниетанымын кеңейтуге,есте сақтау қабілетін нығайтуға,тіл мәдениетінің дұрыс қалыптасуына,ойлау үрдісінің дамуына да септігін тигізеді.Математика пәні бойынша факультативтік сабақтарды ұйымдастыру арқылы қабілетті(дарынды) оқушылармен жұмысты жандандыруға болады.Өз тәжірибемде түрлі тақырыптарда «Жас математик», «Жүзден жүйрік…», «Бастауыш көшбасшысы», «Жұлдызды сәт», «Миллион кімге бұйырады?» білім сайыстарынмен Математикалық олимпиадаға,Мемлекеттік аралық бақылауға дайындық есептерін жиі өткіземіз. Сонымен қатар дидактикалық ойындар,(ұлттық ойындар)математикалық ребустарды,математикалық фокус,жаңылтпаштар,мақал-мәтел, сөзжұмбақтарды шешу,қызықты әзіл есептерді шығару,математикалық ертегілер,логикалық жаттығуларды орындау оқушының ақыл –ойын, қиялын, интеллектуалдық ой-өрісінің ұшқырлығын дамытудың бірден-бір ұтымды тәсілі.
Қорыта айтқанда,факультативтік сабақтарды ұйымдастыру барысында келесідей нәтижелерге қол жеткіземіз,олар:
Оқушының ой-өрісі дамиды, ойлау іскерлігі қалыптасады, ақыл- ойы жетіледі, есте сақтау қабілеті артады,қызығушылық қабілеті оянады, тіл, сөйлеу мәдениеті қалыптасады, оқушы өз бетімен жұмыс жүргізуге дағдыланады. Аталған факультатив бағдарламасы И.А. Бакка, Т.М. Драшко, Б.Б. Сейткужина- Көкшетау «Келешек-2030»-2016 жыл ISBN 978-601-231-635-3 «Есептеу машықтарын бекітуге арналған жаттығу дәптері» негізге алына отырып құралды.

Есептеуге машықтандыру

Аптасына 1 сағат , жыл бойы 34 сағат