С?здерден жуан дауысты дыбыстарды б?лу. ?ріптер «а», «о», «ы», «?»

Іс-әрекет кезеңдері

Мұғалім-логопедтің іс-әрекеті

Балалардың іс-әрекеті

Мотивациялық қозғаушы

- Ертеде бір Дауысты дыбыс деген үлкен кісі болыпты. Сол кісі бізге келді деседі. Қане, балалар, сол кісіні шақыру үшін біз мына екі қорапты ашып көрейік.

А, о, ұ, ы ә, ү, и, і

-Енді балалар, бұл дыбыстардың айтылуына мән беріп, дауыстап айтайық. Сонда не байқадың?

Балалар дауыстап айтады.

Дауысты дыбыс:

Жуан

Жіңішке

1 Ұйымдастыру

Оқушылардың зейінін шоғырландыру, назарын сабаққа аудару.

Оқушылардың тілдерін жаттықтыру мақсатында жаңылтпашты қайталап айту ұсынылады.

Баланың бәрі бала,

Ішінде бар қара бала.

Ішінде бар сары бала,

Сол баланың бәрі бала.

Оқушылар жаңылтпашты айтады, жаңылтпашта кездескен сөздерді талдай отырып, жуан және жіңішке дауыстыларды ажыратады.

Жуан дауыстылар: а, о, ы.

Жіңішке дауыстылар:

ә, і

2. Жаңа сабақ

«Алтын астық» өлеңі

Көктемде егін егетін,

Күзде жиып беретін,

Біздің дала – бай дала,

Алтын астық айнала.

Ел егінді жинайды,

Қырманға дән сыймайды.

Өлең не туралы? Жуан дауысты дыбыстардың астын сызамыз.

Оқушылар оқиды, сұрақ-тапсырмаларға жауап береді, дәптерге орындайды, жуан дауысты дыбыстардың астын сызады.

3. Суретпен жұмыс

Табиғатқа байланысты сурет көрсетіледі. Не бейнеленген? Сөйлем құрау.

Суретте көрсетілген табиғат құбылыстарына байланысты сөйлем құрайды.

4. Артикуляциялық жаттығулар

« Тісті тазалау », « Сағат», « Ине»,

« Күрекше», «Жымию», «Алтыбақан»

Оқушылар айнамен жаттығуларды жасайды.

5. Тыныс алу

жаттығуы

«Мұрынмен тыныс алу» - толық демімізді алып, оң жақ мұрнымызды саусақпен жауып тұрамыз, сол жақ мұрынмен тыныс аламыз.

Тыныс алу жаттығуын жасайды.

6. Сәйкестендіру тесті

Мына берілген сөздерге тиісті дауысты дыбыстарды сәйкестендір.

Кіт...п

Ой...ншық

...шіргіш т.б.

Оқушылар берілген сөздерді сәйкестендіріп, жуан дауысты дыбыстарды талдайды.

7. Тіл ұстарту.

Жаңылтпашты жаңылмай айтайық.

Тақпақ айт, тақпақ айтсаң түгел жаттап, сөзін нақтап, мәнін сақтап, баптап айт.

Оюға ою өрнектеп,

Үйрет өстіп қолды ептеп.

Оқушылар мәнерлеп айтады.

8. Сергіту жаттығуы

Қанатымды жазамын,

Жоғары-төмен қағамын.

Биік көкте айналып,

Жұлдыздай жылдам ағамын.

Оқушылар қолын екі жаққа жазып, өрге-төмен сілтейді. Ары-бері жүгіріп, ағып-ағып алады. Сергіту жаттығуын жасайды.

9. Шығармашылық диктант.

Жақшаның ішіндегі сөздерді пайдаланып сөйлем құра.

Білім, бұлақ, оқу.

(Оқу – білім бұлағы.)

Қазына, кітап, алтын.

(Кітап – алтын қазына)

Жақшаның ішіндегі сөздерді пайдаланып сөйлем құрайды, дауысты дыбыстарды қызыл түспен, дауыссыз дыбыстарды

көк түспен астарын сызады, жуан, жіңішке дауыстыларды ажыратады.

10. Қорытынды

Балалардың іс- әрекетін бағалау. Оларды мақтау, мадақтау.