С дыбысын с?зде да?дыландыру.

Алматы облысының білім басқармасы» мемлекеттік мекемесінің Ақсу ауданының «№6 психологиялық-педагогикалық коррекциялық кабинеті» коммуналдық мемлекеттік мекемесі

Сабақ жоспары

№6 КППК әдіскері_____________

Маман логопед Барлыбаева С.А

Күні: __________

Баланың аты-жөні:

Жасы: 5

Аңғарымы: ОНР І ур.

Сабақтың тақырыбы: С дыбысын сөзде дағдыландыру.

Сабақтың мақсаты:

1. Білімділік мақсаты: С дыбысын сөзде дұрыс айтуға машықтандыру. Меңгерген сөздік қорынан осы дыбыс кездесетін сөздерді табу, ажырату. Қойылған сұрақтарға дұрыс жауап беруге үйрету.

1. Дамытушылық мақсаты: Сөйлеу тілінің грамматикалық жағын дамыту. Артикулияциялық жаттығуларды орындау арқылы артикулияциялық жүйесін дамыту. Ермексазбен допты мүсіндеу арқылы ұсақ моторикасын дамыту.

1. Тәрбиелік мақсаты: Тазалыққа, ұқыптылыққа тәрбиелеу.

Көрнекіліктер: Айна, ермексаз, суреттер, «С» дыбысының баспа түрі.

Сабақтың барысы:

1. Ұйымдастыру кезеңі.

• Сәлеметсің бе Арнай? Бізге бүгін қонаққа апайлар келді. Апайлармен амандасайық. Апайлар сенімен танысып, біліміңді көргелі келіпті. Олай болса бірінші өзімізді таныстырайық (бала өзін таныстырады.)

Менің атым Арнай

Беске мен толдым,

Үлкен жігіт болдым.

Жарайсың Арнай, апайлар сенімен танысты, енді апайларға білімімізді көрсетейік.

• Баланы ыңғайлы етіп отырғызу.

1. Үй тапсырмасын еске түсіру.

• Үйге қандай тапсырма берілді? (оқушы жауабы: Саусақ жаттығуы «Добым» қайталау, доптың суретін бояу)

1. Дайындық кезеңі.

а)Ұсақ моторикасын дамыту.

Ермексазбен жұмыс.

Ермексаздан допты мүсіндеу.

ә)Артикулияцияны дамыту жаттығулары

1. Ұртын үрлеу

2. Ернін созу «у» «о»

3. Жымияды «и»

4. Қасын көтеру «Ой» таң қалу

5. Көзін қатты жұму

1. Негізгі тапсырмалар.

• Жылан қалай ысылдайды? (с)

• Шай қайнағанда қандай дыбыс шығады? (с)

• Су аққанда қандай дыбыс шығады? (с)

«С» дыбысы айтылған кезде тілдің ұшы астыңғы тіске тіреле отырып, белгілі кедергі арқылы шуылдап шығады.

«С дыбысының артикулияциясы»

• Ерін жымиып тұрады;

• Тістердің арасы шамамен 1 мм ашық;

• Тілдің ұшы төменгі тістерге тіреліп тұрады;

Артикулияциялық жаттығулар

1. «Күрекше»- жалпақ тілді шығарып астыңғы ерінге ұстап тұру керек. 6-7 рет қайталау

1. «Сағат» Күлімсіреу, ауызды ашу, тілді ауыз қуысынан шығарып, тілдің ұшын (сағаттың тілі сияқты) ауыздың бір бұрышынан екінші бұрышына апару. 5 рет қайталау

1. «Тәтті шырын». Күлімсіреу, ауызды ашу, «кесе» формасындағы жалпақ тілмен жоғары ерінді жалау. 6 рет қайталау.

1. «Алдыбақан» Күлімсіреу, ауызды ашу, тілдің ұшын кезекпен жоғарғы тістің артына, төменгі тістің артына кезекпен апарып, тақау. 7 рет қайталау.

«С» дыбысын созып айт.

Са- со-су- сы

Со-су-са-сы

Сұ-со-са-сы

«С» дыбысын сөзде дұрыс айтуға машықтандыру.

а) Суретпен жұмыс.

1. Маса

2. Асық

3. Мысық

4. Кесе

5. Қасық

6. Сабын

7. Сандық

8. Қамыс

9. Құс

ә)Осы суретте көргендерді буынға бөліп айту

Мы-сық, а-сық, мы-сық, ке-се, қа-сық, са-бын, сан-дық, қа-мыс.

Сергіту сәті

Сағаттың тіліндей,

Иіліп оңға бір,

Сағаттың тіліндей,

Иіліп солға бір,

Сағатқа қарайық,

Жаттығу оңай-ақ.

Мен бастаймын сен аяқта ойыны:

Ойын шарты: Мен сөздерді бастаймын сен С дыбысымен аяқта. Мысалы: Ла-с, Қа-с, Ба-с, жа-с, тө-с, тү-с, құ-с, та-с.

1. Бекіту

а) Дәптермен жұмыс.

• «С» дыбысын ауада жазу

• «С» дыбысының баспа түрін жазу.

ә) Мына суреттерді С дыбысы басында келетін суреттерді жасыл қалтаға, С дыбысы ортасында келетін суреттерді сары қалтаға, С дыбысы аяғында келетін суреттерді қызыл қалтаға сал.

б) Сұрақ-жауап

Қыздар құлағына не тағады? (Сырға)

Қыздар басына не киеді?(Сәукеле)

Қыздар қолына не тағады? (Сақина)

Сызуға арналған құрал не? (Сызғыш)

Кітаптарды қайда саламыз? (Сөмкеге)

6)Үйге тапсырма

• Сәбіздің суретін бояу

1. Сабақты қортындылау.

• Бүгінгі сабақ ұнады ма?

• Қандай артикулияциялық жаттығулар жасадық?

• Дәптерге жазған дыбыс қалай аталады?

• Бүгінгі сабаққа сен жақсы қатыстың. Рахмет.

1. Сабақты аяқтау.

• Сабақ аяқталды.

• Сау бол!