Конспект занятия на тему " [ Л ] өнөн өндәрҙә,ижектәрҙә,һүҙҙәрҙә,һөйләмдәрҙә нығытыу. "

Муниципаль мәктәпкәсә белем биреү бюджет учреждениеһы

«Бала үҫтереү үҙәге - «Аленушка» балалар баҡсаһы»

[ Л ] өнөн өндәрҙә,ижектәрҙә,һүҙҙәрҙә,һөйләмдәрҙә нығытыу.

( Мәктәпкә әҙерлек төркөмөндә индивидуаль дәрес )

Үткәрҙе: уҡытыусы-логопед

Уразбаева Гүзәл Зәкир ҡыҙы

1.Коррекцион белем биреү бурысы:

- телмәрҙә[Л] өнөн өндәр рәтендә, ижектәрҙә, һүҙҙәрҙә, һөйләмдәрҙә дөрөҫ ишетеүҙе нығытыу;

-һүҙҙәрҙә ижектәргә бүлергә, һүҙгә өн-анализы яһарға,һөйләмдәрҙе схемаға ярашлы төҙөү һәләтен белемдәрендә киңәйтеү.

2.Коррекцион үҫтереү бурысы:

-фонематик ишетеү һәләтен,бәйләнешле телмәр үҫтереүҙе дауам итеү;

-иғтибарҙы, хәтерҙе,фекерләү ҡеүәһен нығытыу;

-һүҙ байлығын арттырыу.

3.Коррекцион тәрбиә биреү бурысы:

-дәрескә ҡыҙыҡһыныу уятыу;

Алдан үткәрелгән эш:

Өн моделдәре, ижек баҫҡыстары,һөйләмдәр схемаһы менән таныштырыу.

Йыһазландырыу:

Өн символдары, [Л] өнөнә предметлы һүрәттәр, ҡош схемаһы,өндәр «өйө», ижектәр «өйө»,яҙғы гөлләмә өсөн ете төҫтәге таждар.

Дәрес барышы:

-Азалия, мин һиңә бик ныҡ таныш булған йәнһүрәт геройын һүрәтләйем. Иғтибар менән тыңла әле.

Бер ваҡыт йыһанда мөғжизәле бер бала донъяға килә.Ул яңылыш ҡына айҙан ергә ҡолап төшә һәм ерҙә үҙенә бик күп дуҫтар таба.Йә, Азалия, кем тураһында һүҙ бара? Эйе, Лунтик тураһында һүҙ бара. Ә уға был матур исемде кемдәр ҡушалар? Дуҫтары. Уға дуҫтары ҡушҡан исем бик ныҡ оҡшай.Әйтегеҙ әле,исеме уның ниндәй өнгә башлана? [ Л] өнөнә башлана. Лунтик хәҙер бөтә һүҙҙәрҙә лә [Л] өнөн ишетеп нығытырға теләй.Ул бөгөн беҙгә ҡунаҡҡа килгән.Беҙ уға әйҙә ярҙам итәйек,Азалия.

1.Иң беренсе [ Л ]өнөн дөрөҫ әйтер өсөн телгә артикуляцион күнегеүҙәр эшләп алайыҡ. (Ҡойма,көрәк,энә,сынаяҡ,бәшмәк,гармун,кәнфит,тәмле варенье,тештәрҙе таҙартыу,атта сабыу,күркә)

2.Артабан өндөң артикуляцияһын асыҡлап үтәйек.

[Л] өнөн әйткәндә телде өҫкө тешкә терәтеп әйтәбеҙ. [Л] өнө әйткәндә еп өҙөлә,ҡош йырламай,күк шаҡмаҡ менән билдәләйбеҙ,сөнки тартынҡы өн. 3.Хәҙер Лунтикка уйын уйнап күрһәтәйек. Ул уйын “Өндө тот” тип атала. Тәүҙә өндәр рәтенән дөрөҫ ишетеп айырыу: п,к,л,р,л,в,т,л,н.

Ижектәр рәтенән ишетеп айырыу: па,ла,та,бу,лу, ша,ло,сы,лы

Һүҙҙәр рәтенән ишетеп айырыу: пар,бал,шар,мал,балкон

4.Лунтик,ҡара эле,Азалия бармаҡтар менән [Л] өнөнә ижектәр эйтеп күрһәтә.

ЛА-ЛА-ЛА АЛ-АЛ-АЛ

ЛО-ЛО-ЛО ОЛ-ОЛ-ОЛ

ЛУ-ЛУ-ЛУ УЛ-УЛ-УЛ

ЛЫ-ЛЫ-ЛЫ ЫЛ-ЫЛ-ЫЛ

5.Азалия [Л] өнөнә бик күп һүҙҙәр белә. Хәҙер ул һиңә һүрәттәрҙең атамаларын әйтеп үтер.

Ҡалаҡ,ландыш,лак,лампа,алма,футболка,бал,пенал,юл.

6.Азалия,Лунтик һинең менән « Нимә юҡ булды? » уйынын уйнарға теләй.

7.Лунтик,[ Л] өнөнөң урынын һүҙҙәрҙә ишетеп бидәләргә кәрәк.

«Ҡош» схемаһын ҡулланып һүрәттәрҙең атамаларында [Л] өнөнөң урынын билдәләү.

8.[ЛА],[ЛО],[ЛУ],[ЛЫ] ижектәренә башланған һүрәттәрҙе тоташтырыр кәрәк.

9.Азалия,Лунтик әйҙә ял итеп алайыҡ.

Алма,лампа,ландыш,балкон,бал,футболка,пенал,ҡалаҡ һүҙҙәрен ижектәргә бүләбеҙ һәм һикереп,сүкәйеп,тыпырлап,сәпәкәйләп,ҡулдарҙы өҫкә күтәреп билдәләйбеҙ.

10.Азалия,Лунтик бер конверт табып алган.Уның эсендә ҡырҡылған һүрәт.Әйҙә төҙөйөк,ниндәй һүрәт килеп сығыр икән.

Лак һүрәте килеп сыҡты.Ә конверттың тышында һөйләмдең схемаһы.Ошо схемаға ярашлы һөйләм төҙөйөк.

Әсәй миңә лак алды.Әсәй ҡыҙыл лак алды.Миңә ҡыҙыл лак оҡшай.

11.Лунтикка сәскә гөлләмәһе бүләк итәйек.Ул ябай гөлләмә түгел,тылсымлы.Уның һәр бер тажы [Л] өнөнә һүрәт менән.

Азалия,Лунтик һиңә рәхмәт әйтә.Ул [Л] өндәрҙә,ижектәрҙә,һүҙҙәрҙә, һөйләмдә нығытты.

Бөгөн дәрестә һиңә нимәләр оҡшаны?Ниндәй эштәрҙе эшләгәндә ҡыйынлыҡтар булды ?

Рахмәт,дәрес тамам.