«Ақсерек пен көксерек» (қимылды ойын).

Сабақты

Сабақтың тақырыбы: Қимылды ойын: «Ақсерек пен көксерек».

Мақсаты: а).балаларға үлкендерді тындай білуге, кішілерге көмектесе білуге, ортада

                 өзін дұрыс ұстауға үйрету, ойын арасында тек өзінің тапсырмасын орындап

                 қоймай, өзінің тобындағы достарына да көмектесе білуге үйрету, достық

                 сезімін ояту.

               ә).әр баланың бойындағы қабілеттерін : есте сақтау қабілетін, зейінің, ойлау

               қабілетін сөз қорың, мергендік пен шапшаңдылық қабілеттерін дамыту, әр

               түрлі жағдайлардан шыға білу, тапқырлық, икемділігі мен ептіліктерін

               дамыту, ынтымақтыққа, бірлікке шақыру, ұйымшылдыққа, мықтылыққа

               баулу, ойын дағдыларын қалыптастыру,ойындарға қызығушылықтарын

                 арттыру.

              б) мейірімділікке, кішіпейілдікке, ұқыптылыққа адамгершілікке, имандылыққа

              тәрбиелеу.

Көрнекі-құралдар: «Ақсерек пен көксерек» қимылды ойыннын тақырыбы, безендірілген түрлі-түсті шарлар, боулинг жиынтығы, ракетка, кіші пластмасса шариктер, бокс қолғаптары, обруч, арқан жіп, үлкен волейбол доптары, үшбұрышты кедергілер,клюшка, қапшық, скакалка, орта көлемді сақиналар және футбол доптары.

  1.Ұйымдастыру кезеңі.

Көңілді музыка әуені ойналып тұрады, қонақтарды орналастыру.

Жүргізуші: Қайырлы күн, құрметті қонақтар, тәрбиешілер және де балалар!

Бүгінгі «Ақсерек пен көксерек» атты қимылды ойындар жарысына қош келдіңіздер! Топ арасындағы жарысқа топтарды ортаға шақырайық.
Көңілді әуенмен балалар ортаға шығады.

Жалпы ойынға 12 бала қатысады.

Балалар екі топқа бөлінді: «Жігер» тобы және «Қыран» тобы.

«Жігер» тобының қатысушылары:

 «Қыран» тобының қатысушылары:

1.Жабасов Дәурен.

2.Халиев Жасдәурен.

3.Богданова Александра.

4.Товпинец Руслан.

5.Клочкова Алена.

6.Аманбек Аяулым.

1.Байболов Марат.

2.Ек-Лорай Александр.

3.Бурдоленко Денис

4.Малышева Анна.

5.Бакирва Лаура.

6.Мамаева Аружан.

Жүргізуші: «Ақсерек пен көксерек» - атты жарысымызды бастаймыз.
Бүгінгі жарысқа қатысуға екі топ келіп тұр. Осы топтардың жарысына әділ бағасын беретін әділқазылар алқасы.

Жүргізуші: Балалар, сендерге сәттілік тілей отырып, жарысымызды бастамас бұрын. «Ақсерек пен көксерек» ойынын достығымызды нығайту үшін ойнайық.

Қимылды ойын: «Ақсерек пен көксерек».

Ойын шарты: екі топ бір-бірінен алысырақ шамамен 15 қадам жерде қол ұстасып тұрады. Бірінші топтың балалары екінші топқа ақсерек-ау, ақ серек, бізден сізге кім керек? деп айтады. Сол кезде қарама-қарсы тұрған топ басшысы өздеріне керекті қарсыластарының арасынан біреуінің атын атайды.Ақсерек-ау, ақ серек, сізден бізге Марат керек. Аты аталған ойыншы, бар пәрменімен жүгіріп қол ұстасып қатар тұрған қарсы топтың екі ойыншысының ұстасып тұрған қолын үзіп өте шығуға әрекет етеді. Ал қарсылыстары қолдарын мықты ұстап, үздірмеуге тырысады. Егер жүгіріп келген адам қарсыластарының қолдарын үзіп кетсе сол топтан, басшысынан басқа бір ойыншыны өзімен бірге алып кетеді. Қол ұстасып тұрған қатарды үзіп өте алмай қалса, онда сол топта өзі қалып қояды.

- Жарайсындар балалар.
- Ал, енді бүгінгі ойындарымыздың түрлерімен таныстырып өтейін.

1. «Боулинг» ойыны.

Ойын шарты:бірінші екі топтың басшылары текшелерді доппен жерге домалатып ұрады, келесі топ мүшесі жалғастырады. Қанша текшелерді құлатқаны есепке алынады.

2. «Үйрек жүріс» ойыны.

Ойын шарты:әр топтын балалары жерге отырып, бір-бірінің иықтарынан ұстап, үйрек жүрісімен кедергілерден өтіп, мәре сызығына жетуі тиіс.

3. «Ракеткамен шарикті тасу» ойыны.

Ойын шарты: екі топтың қатысушылары ракеткаға кіші көлемдегі пластмасса шаригін салып, кедергілерден өту арқылы құлатпай алып келеді

4. «Кім шашпан» ойыны.

Ойын шарты: топ қатысушылары бірінші белгіленген жерге клюшкамен допты итеріп барады, қайтар жолда мәре сызығына дейін капты киіп секіріп қайтады.

5. «Шариктерді жинау» ойыны.

Ойын шарты: екі топтың ойыншылары қолдарына бокс қолғабын киіп, жердегі шариктерді жинайды, арықарай келесі ойыншы жалғастырады.

6. «Футболшы» ойыны.

Ойын шарты: мәре сызығынан белгіленген жерге дейін әр ойыншы скакалкамен секіріп барып, допты қақпаға теуіп кіргізеді.

7. «Шеңбердегі допты тасу» ойыны.

Ойын шарты:екі топтың ойыншылары кезекпен бір шеңберден екінші шеңберге доптарды кедергілер арқылы тасыйды.

8. «Кім мерген» ойыны.

Ойын шарты:екі топтың ойыншылары кезекпен үшбұрышты кедергіге үш сақинадан дәлдеп лақтырып кигізеді.

9. «Арқан тартыс ойыны».

Ойын шарты: арқанның екі жағынан екі топқа бөлінген балалар тартысады. Қай топ өз жағына алып, келсе сол топ жеңіске жетеді.

Жүргізуші:
Өнерге биік сеніңіз
Думанға қызық келіңіз
Әділ қазы ел сенген
Ойынға баға беріңіз.

Жүргізуші: Құрметті көрермендер, балалар біздің алға қойған мақсатымыз қимылды ойын арқылы баланың сана сезіміне құйып көзіне көрсете отырып, бойына сіңіріп, оларды әдептілікке, мейірімділікке, ізеттілікке, туысқандық пен бауырмалдыққа, үлкенге – құрмет, кішіге – қамқорлыққа баулып адамды қажеттерді ұғындыру, қалыптастыру.
Бір ғажабы ойындар балалардың жан сұлулығында, тән сұлулығында жан - жақты жетілдіруге бағытталған.
Бүгінгі ұйымдастырылған «Ақсерек пен көксерек» қимылды ойындарымызды қорытындылап, әділ шешімімен «Жігер» және «Қыран» топтарының арасындағы жарыста достық жеңді. Екі топты медалдармен марапаттап, сыйлықтар берілді. Осымен қимылды ойын жарысымыз аяқталды. Көріп тамашалағандарыңызға рахмет!