Просмотр содержимого документа
«Ж?регімні? т?біне тере? бойла... (А. ??нанбаевты? ?мірі мен шы?армашылы?ы туралы)»
Сабақтың тақырыбы: Қазақтың бас ақыны II Сабақтың мақсаты: Білімділік – ақынның өмірі, шығармашылығы, ақындығы мен ақындық ерекшелігі туралы әңгімелеп, толық мағлұмат беру. Дамытушылық – білімдерін өз бетінше қолдану, іздену жұмыстарына үйрету. Тәрбиелік – Абай өлеңдерінің мазмұнын ашу арқылы адамгершілікке, азаматтыққа тәрбиелеу.
III Қолданылатын әдістер: Түсіндіру, талдау, эвристикалық әдістер.
IV Сабақтың жабдықталуы: «Әдебиет» оқулықтары 6,10 сынып, «Абайтану дәрістері» М.Әуезов, «Абай афоризмі»Қ.Өмірәлиев, тірек-сызбалар.
V Сабақтың түрі: зияткерлік сабақ.
VI Сабақтың барысы:
1 Ұйымдастыру бөлімі.
2 Жоспар бойынша жұмыс
Сыни тұрғыдан ойлау стратегиялары:
1. Ой шақыру
2. Интервью
3. Топтастыру
4. Венн диаграммасы
5. Ассоциация
6. Еркін жауап
7. Кубизм
8. Ой жинақтау
Ой шақыру
(дүниеге келуі)
Ибраһим,
1845,
Семей
Шыңғыс тауы
Тобықты
Құнанбай
Интервью
(жаңа дерек)
Еркін жауап
1. Абайды неге «Әкенің ұлы емес, халықтың ұлы» дейміз?
2. Ақынның «Шығысым Батыс боп кетті» дегенін қалай
түсінесің?
Кубизм
1. Суреттеп беріңіз (Абай кім?)
2. Салыстырыңыз (Басқа ақындардан ерекшелігі)
3. Зерттеңіз (Абайдың дүниеге келуі, өскен ортасы, білім
алуы, шығармалары т.б. туралы жалпы білімі)
4. Қолдаңыз, не қарсы шығыңыз. («Абай дана, Абай дара
қазақта»)
5. Ол туралы ойлағанда көз алдыңызға не елестейді?
Абайдың еңбектері, оның әлеуметтік қызметі және үстем тапқа өшпенділігі, царизмнің сенімді жалдаптары дала феодалдарының ызасын келтірді. Олар білімді, қайсар ақын ту еткен идеяларға және ақынның өзіне қарсы лас, зұлымдық тартыс жүргізді. Ру басыларының бірі, Абайдың қас жауы – Оразбай өз маңына даланың Абайға қарсы азулыларының барлығын топтайды. Олар ақынның достарын қудалады, ал Абайдың үстінен губернаторға, уезд бастықтарына, патша соттарына айыптау арыздар, домалақ хаттар жолдады.(Мұғалім осы деректі оқығаннан кейін оқушылар өз ойларын ортаға салады.)
6. Талқылаңыз.
Ол қазақтың ғасырлар бойғы қараңғылықтан құтылатын бірден-бір дұрыс жолы – орыс және қазақ мәдениетінің жақындасуында деп білді(Факт келтіру, дәлелдеу).
Абайдың өмірдегі, табиғаттағы көркемдікті өте нәзік сезініп, шебер бейнелеп айта білетіні табиғат көріністерін жырлайтын лирикалық туындыларынан да айқын көрінеді. «Жазғытұры» атты өлеңінде жылдың осы мезгілінің жылылығын айтқанда ақын жерді мейірімді анаға, аспанды қамқор әкеге теңейді.
Ру байларының поэзияға деген жағымсыз көзқарастарының әсерінен Абай өзінің көптеген өлеңдерін жас достарының атынан таратқан. Тек, 1886 жылы, қырық жастан асқан соң «Жаз» деген атақты өлеңін жазғаннан кейін ғана шығармаларына өз атын қойды.(Мұғалім осындай мағлұмат бергеннен кейін оқушылар ақынның табиғат лирикасындағы басқа да өлеңдері туралы өз білгендерін айтып, дәлелді түрде жеткізеді.)
Ой жинақта
1. Ақын дегеніміз кім?
2. Философтығын дәлелде.
3. Аудармаларын ата.
4. Абайды неге заңгер дейміз?
5. Абай –композитор. Дәлелде.
6. Абай –сатирик. Дәлелде.
Сабақтың тақырыбы: Шешендік сөздер. Билер сөзі - нақылдың көзі. Сабақтың мақсаты: 1. Білімділік: Оқушылардың ауыз әдебиеті және оның түрлері туралы әдеби білімдерін кеңейту, шешендік сөздер туралы мәлімет беру, билер мен шешендердің сөздерін талдау. 2. Тәрбиелік: Оқушыларды ұйымшылдыққа, татулыққа баулу, елжандылыққа тәрбиелеу 3. Дамытушылық: Оқушылардың әдеби дүниетанымдарын кеңейту, қосымша материалдар арқылы пәнге деген қызығушылықтарын арттыру.
Сабақтың типі: Жаңа сабақты түсіндіру Сабақтың түрі: дәстүрлі Сабақтың әдіс - тәсілі: баяндау, мәнерлеп оқу, сұрақ - жауап Сабақтың көрнекілігі: «Билер сөзі» шешендік толғау, арнау Пәнаралық байланыс: Қазақстан тарихы
Сабақтың барысы: І. Ұйымдастыру кезеңі: 1. Оқушылармен сәлемдесу. 2. Оқушылардың сабаққа қатысын тексеру. 3. Оқушылардың зейіндерін сабаққа аудару.
ІІ. Үй тапсырмасын тексеру: «Қозы Көрпеш - Баян сұлу» жыры. Жырдан теңеу, эпитеттерді теріп жазу.
ІІІ. Жаңа тақырыпты түсіндіру: 1. Шешендік сөздер туралы мәлімет беру. Шешендік сөздер қазақ ауыз әдебиетінің күрделі де көркем бір саласы болып табылады. Қазақтың дәстүрлі шешендік сөздерін: шешендік толғау, шешендік арнау, шешендік дау деп шартты түрде үшке бөлуге болады. Шынайы шешендік қиялдан тумайды, өмірлік оқиғалардан, табиғи құбылыстардан туады, көп жылдық тәжірибе мен сан рет қайталау арқылы сыннан өтіп халық мойындаған қағидаға, даусыз ақиқатқа айналады. Оның үстіне әр дәуірдің әр түрлі сөз шеберлерінің талғамынан, толғауынан өтіп шешендік сөз “тілге жеңіл, жүрекке жеңіл” тиетін сүйкімді үн мен ырғаққа ие болады. Шешендік сөздер үш түрлі болады: кеңесу, билік және салтанатты сөз. Ал құрылысы жағынан кіріспе, баяндау және қорытынды болып бөлімнен тұрады.
“Өнер алды – қызыл тіл” деп қазақ бекер айтпаған. Қазақ жұрты – жаратылысынан шешендік өнерге бейім халық. Оның қиыннан қиыстыра, төтеден төге сөйлейтін тапқыр да ақылды, бейнелі де бедерлі, аталы да баталы, нақыл, қомақты ойлары жөнінде өзіміз де, өзгелер де таңдай қағып айтудамыз. Қазақ шешендік өнері - атадан мирас болып, алтын баулы желісі үзілмей келе жатқан ардақты өнер. Теңіз тербеп тереңінде шайқалған інжу маржандай ғасырлар бойы халық жадында сақталып, жұпталып көптің көкейіне орнаған шешендік сөздер шешендердің даналық сөздерінде ашылады, айқындалады, ал шешендер әлденеше ұрпақтың сана сезімін аралап, көптің көкейіне қонақтаған ойлы, сырлы сөздерді жаттап, жадында сақтайды керекті, келеңді жерінде жаңартып кәдеге жаратады.
Қазақ шешендік өнерінің піспегі – шешен билер де, күбісі – халық. Ел есінде жүрген шешендік нұсқалардың туындыгері – шешен - би. Халық заманы озған сайын әлгіндей сөз үлгілерін талқыға салып, қырлап, өңдеп, құлпыртып әкеліп, кейде тіпті сан - саққа жүгіртіп әркімдердің (шешен - билердің) атынан айтады. Осындай әдеби - халықтық, фольклорлық сұрыптаулардан кейінгі біздің заманымызға келіп жеткен шешендік сөздер шымырқанған қымыздай жұтылған, таңдай татарлық дүниелер болып келеді.
Қазақта шешен, би деген ұғымдар дербес тұрып та, қосарланып та айтыла береді. Белгілі бір шешендерін өкіл деп танысақ, мәселен, Жиренше шешен, Зілқара шешен, Әлібек шешен, Сүйінбай шешен, Бөлтірік шешен, Шәңкі шешен, Мүсіреп шешен, Тұяқ шешен, ал енді бір сыңарын би деп түстеу, мәселен, Майқы би, Аяз би, Мөңке би, Әйтеке би, Бала би т. б. деп атау қалыптасқан. Би атауы - әлгіндей емес, белгілі бір мақсатқа, мемлекеттік мүддеге қызмет ететін, жалпы шешендіктен салыстырмалы түрде тар арнаға ыңғайланған шешендердің тобын көрсететін атау.
Бұдан билердің рөлі тек қоғамдық мәселелерді шешу үстінде ғана айрықша да, одан былайғы тұста шешендік сипаты жойылады деген ой туындамауы керек. Би дегеніміз - ел - жұрттың әдет - ғұрпын, салт - дәстүрін, өткен - кеткен көне шежіресін, тарихын, қоғамдық даму барысын, айнала қоршаған табиғаттың, жан - жануарлардың сан алуан қасиеттерін, құпияларын жетік білетін, бүгінгіге баға беретін, болашаққа болжам жасап, адамдардың көкірек көмбелеріне ой көзімен қарап көре алатын, қырлы - қырлы мінез - құлықтарды айтқызбай – ақ доп басатын, ғылым - білімнен хабардар, кемел пікірлерін шешен тілмен жеткізіп беруде дара қасиеті бар біртума жандар.
Ғалым – педагог Ы. Алтынсарин нақыл сөздерді жинады және оларды жариялады. Ол өзінің хрестоматиясына “Ізбасты”, “Байұлы”, “Жәнібек батыр”, “Жиренше шешен” тағы басқалардың көргендікке, тапқырлыққа құрылған “даналық әліппелерін” енгізіп, кезінде оларды оқуға ұсынған. Алғашқы ұстаз аталы сөздің құндылығын сол кезде – ақ білген.
Шешендік сөздерді тұңғыш зерттеушілердің бірі - М. Әуезов болса, 30 - жылдары оларды іріктеп, жинап, халықтың керегіне жаратуға үлес қосып, қамқор болған, асыл сөздерді оқырман қауымға ұсынушы және балаларды ізгілікке тәрбиелеуде таптырмас құрал екенін оқытушы С. Сейфуллин болды. Сәкен Сейфуллин өзінің “Қазақ әдебиеті” дейтін кітабында шешен билердің әлеуметтік қызметтерін, шешендік сөздердің ауыз әдебиетінде алатын орнын анықтап, бірсыпыра нұсқауларын жариялады.
Одан кейін қазақ шешен сөздерін арнайы зерттеген ғалым Әмина Маметова. Ол өзінің “Қазақстан шешен билерінің сөздері және қазақ әдебиетіндегі оның орны” кандидаттық диссертациясында белгілі қазақ билерін атап, олардың аттарынан айтылатын сөздердің әдеби мәнін толығырақ анықтай түседі. Сонымен, ана тілі сабақтарының танымдық мақсатына мыналар ескерілу қажет:
1. Шешендік сөздерді халқымыздың қадір тұтуы 2. Шешендік сөздердегі ұлттық мәдениет және парасаттылық 3. Асыл сөздің астарындағы ұлағатты сөздер 4. Дау - жанжалдардың бітімін екі – ақ ауыз сөзбен шешіп, ел мен елді бітістіріп, жарастырып келелі мәселелерді тындырып отыратындығы
Қазақ шeшeндiк сөздeрi — бастаy алар қайнар бұлақтарын түркiлiк танымнан түптeн тартып, өзiндiк ұлттық eрeкшeлiктeрдi, қасиeттeрдi бойына жинақтап, көркeмдiк қyатымeн, ғибраттық сарынымeн дараланған, сондай - ақ, аса бай поэтикалық тiлiмeн өзгeшe қалыпта көрiнгeн, халқымыздың рyхани азығына айналған көркeмдiк құбылыс.
Шешендік – қазақ елінің көнеден келе жатқан дәстүрлі тіл өнері. Шешендік – сирек ұшырасатын қасиет - дарын. Шешендік сөз терең ойға, ұтқыр шешімге, тапқыр қисынға құрылады. Шешендік өнер мен билік қолма - қол туып айтылатын, суырып салма жүрекжарды әділ сөздерге негізделіп шығармашылық сипатымен дараланады.
Асыл ойдың алтын қазығы болған шешен - билердің халық жадында сақталып келген дана ойлары келешек ұрпақ үшін әрқашан тәрбие - өнер мектебі болған. Енді елдікке, бірлікке шақыруда, халық тарихын байыппен саралап, бүгінгі ұрпақ санасына жеткізуде шешендік сөздердің маңызы ерекше. Халқымыз "Сөз қадірін білмесең, өз қадіріңді білмейсің", "Сөз сүйектен өтеді", "Шешеннің тілі қылыштан өткір, қылдан нәзік" деп, сөз өнерін ерекше тани білген.
Шешендік сөздер – ғасырдан - ғасырға ұласып, халық игілігіне жарап келе жатқан ұлттық мұрамыздың бірі. Қысқа да нұсқа, бейнелі, мағынасы терең, шымыр, қисынға құрылған бұл сөздер тыңдаушының көңілінен шығып оны сөзсіз иландырады.
Шешендік сөздер - қазақ ауыз әдебиетіндегі шағын көлемді дидактикалық жанр. Шешендік сөздер мазмұнына қарай 3-ке бөлінеді: Шешендік арнау, шешендік толғау, шешендік дау.
Шешендік арнау - қоғам мен заман өміріне байланысты өлеңдер, бата, тілек жатады. Шешендік толғау - қоғамды суреттейтін өлеңдер. Шешендік даудың түрлері: жер дауы, жесір дауы, мал дауы, ар дауы, құл дауы.
Шешендік сөздер (композициялық құрылымы жағынан) 1. Термелі сөз 2. Пернелі сөз қара өлеңмен жазылады. сөзбен жазылады.
ІV. Жаңа сабақты бекіту. 1. Оқулықпен жұмыс. а) «Жиренше шешен», «Төле би», «Қазыбек би», «Әйтеке би» әңгімелерін мәнерлеп рөлге бөліп оқу. ә) Жиренше шешеннің жауабын талдау. Ағын судың өлгені - Алты ай қыста қатқаны. Асқар таудың өлгені - Басын бұлттың жапқаны. Ай мен күннің өлгені - Еңкейіп барып батқаны. Қара жердің өлгені - Қар астында жатқаны. Ажал деген атқан оқ, Бір алланың қақпаны. Дүниеде не өлмейді? Жақсының аты өлмейді. Ғалымның хаты өлмейді.
Қазыбек бидің толғауы Өркенім өссін десең, Кекшіл болма - Кесапаты тиер еліңе. Елім өссін десең, Өршіл болма - Өскеніңді өшірерсің. Басына іс түскен пақырға Қастық қылма - Қайғысы көшер басыңа. Жанашыры жоқ жарлыға Жәрдемші бол асыға, Қиын - қыстау күндерде Өзі келер қасыңа. Бүгін сағы сынды деп, Жақыныңды басынба!
Әйтеке би Суалмайтын суат жоқ Тартылмайтын бұлақ жоқ, Құйрығы суда тұрса да, Уақытысы жеткенде Құрамайтын құрақ жоқ. Дүние деген фәни бұл, Баласы жоқта мият жоқ. Бәрінен де қиын сол екен, Артында жанған шырақ жоқ…
