С?рат?ан хан а?ыма? па, с?ра?ан сен а?ыма? па.

Тақырыбы: “Сұратқан хан ақымақ па, сұраған сен ақымақ па?»
Мақсаты:
 А) Аңыз әңгімені оқыта отырып, сөйлеу тілін дамыту, сұрақ қойып жауап бере білуге үйрету;
 Ә) Ауызекі сөйлеуге, мәтінді дұрыс оқып түсінуге, сөздік қорын молайтуға, практикалық жұмысты бере отырып, тілдерін дамытуға пайдалану;
 Б) Әңгіме арқылы ұлы адамдар өмірін өнеге ете отырып, адам бойындағы жақсы қасиеттерді, ақылдылығы мен тапқырлықты дамыту.

Түрі: Аралас сабақ.
Типі: Жаңа сабақты меңгерту.
Әдісі: Ой қозғау, топтастыру, куббизм, sinkuein
Көрнекілігі: Интерактивті тақта, парақтар.
Пәнаралық байланыс: тарих, тіл, биология.

Сабақтың барысы: І Ұйымдастыру.
А) амандасу;
Ә) тексеру;
Б) назарларын сабаққа аудару.

Сабақ бөлімдері:
 І Қызығушылықты ояту
 ІІ Мағынаны тану
 ІІІ Толғаныс
Қызығушылықты ояту:
1. Ой шақыру.

 Аңыз әңгімелер дегеніміз не?
 Қандай аңыз кейіпкерлерін білесіз?
 Өткен тақырыбымыз не?
 Әңгіменің негізгі кейіпкерлері кімдер?

2. Категориялы топтастыру.
 Жиренше – Ол кім? – Ол не істеді?
 Хан – Ол кім? – Ол не істеді?
 Қарашаш сұлу – Ол кім? – Ол не істеді?
(Әр топ осы сұрақтар төңірегінде өз білгендерін топтастырады.)

ІІ. Мағынаны тану:
 Жаңа сабақ тақырыбы:
 “Сұратқан хан ақымақ па, сұраған сен ақымақ па? аңыз әңгімесі.

Баяғыда Жиренше деген өзі кедей бір шешен болыпты. Ол асқан ақылды, сөзге ұста, шешен адам екен. Жиреншенің шешендігіне қызығып, хан шақыртып алып, оны өз қасына ертіп жүреді екен. Бірақ Жиренше ханды жақтамапты, елдің сөзін сөйлепті. Ол ханның алтындаған сарайына тұрақтамай, өзінің кішкене күркесіне келіп жатады екен. Өз үйіне келгенде, ол мың жасап, бой жазып қалады екен. Үйі өте кішкентай болса керек. Киізі қырық жамау күркесіне келіп: «Қайран менің өз үйім, кең сарайым – боз үйім»деп керілгенде, Жиреншенің екі аяғы тізесіне дейін күркеден сыртқа шығып жатады екен.

Бір күні хан нөкерлерін ертіп, серуенге аттаныпты. Еріккен ханға ермек керек, қасына Жиреншені шақыртып алып,ертіп шығыпты. Хан сампылдап әңгімені соғып келеді. Күн желтеңдеу болса керек. Бір адырдан аса бергенде, ханның алдынан жел қуған бір түп қаңбақ домалап, ұшып бара жатады.

- Уа, Жиренше, анау қаңбақ қайдан келеді, қайда барады екен? Сұрап келші! - дейді хан.

Жиренше шауып ала жөнеледі. Жетіп барып, қаңбақты қамшымен ұрып тоқтатады да, біраз бөгеледі. Аздан кейін қоя беріп, ханға қайтып келеді. Жел құған қаңбақ бөгелсін бе, домалай жөнеледі.

- Уа, Жиренше, сөйлестің бе, не айтты қаңбақ? Қайдан келеді екен, қайда барады екен делегейленіп? - дейді хан.

- Сөйлестім, тақсыр! Сөгіп салды өзімді, - деп жауап береді Жиренше.

- Ал, айт қаңбақ не деді?

- Тақсыр, соны сұрап не қыласыз. "Желдің өтінен шықтым, ығына қарай ығып барам: желге ұшам, сайға қонам, оның несін сұрайсың? Білмеуші ме едіңдер? Ұшарымды жел біледі, қонарымды сай біледі. Осыны сұрата жіберген хан ақымақ па, сұрай келген сен ақымақ па?" деді де, қаңбақ ұша жөнелді, тақсыр, - дейді Жиренше.

Хан ұялғаннан ешнәрсе дей алмай қалыпты.

PISA тапсырмаларына сай тест тапсырмалары:

1)Хан мен Жиренше жолда нені байқады?

А) Ағашты

В) Адамдарды

С) Қаңбақты
Д) Киіз үйді

Е) Жайлауды

2) Жиренше не себепті елдің сөзін сөйледі

А) Жағымпазданғандықтан

В) Халықтан қорыққандықтан

С) Ханды сыйлағандықтан

Д) Қарашаштың сөзіне бола

Е) Ханды жақтамай, өз елің сыйлағандықтан

Ашық тест:

1)Жиренше шешен ханнан не себепті қорықпайды?

2) Сіздер өз кемшіліктерінізді мойындай аласыздар ма?

 Куббизм сттратегиясы:
1)Жиренше өмірде болғанба?

2)Жиреншені хан не үшін бағалап қасына ертіп жүрген?

3)Жиреншеге қандай мінездеме бересін?

4) «Қайран менің өз үйім, кең сарайым – боз үйім» дегендегі айтылатын ой.

5)Жиреншенің бойында өзіңе ұнайтын қандай қасиеттер бар?

6)Аңыздан қандай тәрбиелік өнеге алуға болады?

ІІІ. Sinkuein

-------------------------------- шығыпты

-------------------------------- жатады

-------------------------------- айтыпты

-------------------------------- қайтыпты

RAFT стратегиясы
 “Хан”
 “Қарашаш”
 “Жиренше”

Рольдік ойын:

Үй тапсырмасы: Жиренше мен Қарашаш туралы тағы да басқа аңыз әңгімелер ізденіп оқу.

Бағалау